2 Tīmote 3
3
Ko e Kuonga Faka‘osi ‘o Māmaní
1Manatu‘i eni, ‘e hoko ha ngaahi faingata‘a lalahi ‘i he kuonga faka‘osi ‘o māmaní. 2‘E mo‘ui siokita ai e kakaí mo mānumanu koloa. Te nau anga-hīkisia mo fie lahi. Te nau anga-fakaaoao mo anga-tu‘u ki he‘enau mātu‘á. Te nau mo‘ui ta‘e hounga mo ta‘e ma‘a. 3Te nau anga-ta‘e‘ofa, mo ta‘e faka‘atu‘i, mo fasitu‘u, mo ngutu lau, mo fita‘a. Te nau fakalili‘a he me‘a kotoa pē ‘oku lelei mo ‘aongá. 4Te nau anga-kākā, mo fulikivanu, mo fakafuofuolahi. Te nau ‘ofa pē he fakausousá kae ‘ikai ‘ofa he ‘Otuá. 5Te nau ngali lotu pē kae faka‘ikai‘i ‘a e ivi ‘o e lotu mo‘oní. ‘Oua te ke feohi mo ha kakai pehē.
6‘Oku ‘i ai ha ni‘ihi ‘iate kinautolu ‘oku nau lohiaki‘i e ngaahi ‘apí, kae lava ke nau pō si‘a kau fefine ‘oku kei vaivai ‘enau mo‘uí koe‘uhi ko ‘enau kei pōpula ki ha ngaahi angahala mo e ngaahi holi kehekehe. 7Ko e fa‘ahinga kakai fefine ia ‘oku nau holi ma‘u pē ke ‘ilo ha me‘a fo‘ou ka ‘oku faingata‘a ke mahino kiate kinautolu e mo‘oní. 8Ko e kakai kākā ‘oku ou laú, ko e kau fakafili ia ki he mo‘oní, ‘o hangē pē ko e fakafili ‘a Siani mo Siamepi kia Mōsesé. Ko e kakai ia ‘oku ‘atamai fakalielia mo tui loi. 9Ka he‘ikai ke sia‘a fuoloa ‘enau ngaahi feinga ‘oku faí. He ‘e faifai pea ‘ilo ‘e he kakai kotoa pē ‘enau heé, ‘o hangē ko e hē ‘a Siani mo Siamepí.
Ko e Fale‘i Faka‘osi
10‘E Tīmote, kuo mahino lelei kiate koe ‘a e anga ‘eku mo‘uí mo ‘eku fa‘ahinga fakahinohinó. Kuo mahino lelei kiate koe ‘a e taumu‘a ‘eku mo‘uí, mo e anga ‘o ‘eku tuí. ‘Oku mahino kiate koe ‘eku fa‘a kātakí, mo ‘eku ‘ofá, mo ‘eku tu‘u kalikalí, 11mo ‘eku mo‘ua he ngaahi fakatanga mo e ngaahi faingata‘a ‘i he tukui kolo ‘i ‘Aniteoke mo ‘Aikoniume mo Līsitá. Ka na‘e fakahaofi au ‘e he ‘Eikí mei he ngaahi faingata‘a kātoa ko iá. 12He ka ‘ilonga ha taha kuo kau mo Kalaisi Sīsū pea fie mo‘ui fakalotu mo‘oní, kuo pau ke fakatanga‘i ia. 13Ka ko e kakai fai kovi mo lotu loí, ‘e fakautuutu pē ‘enau fai koví. Ko e fa‘ahinga kinautolu ‘oku nau takihee‘i e kakaí, he na‘e tomu‘a takihee‘i kinautolu.
14Piki pē koe ia he ngaahi fakahinohino na‘e fai kiate koe peá ke tui ki aí. He ‘oku ‘ikai te ke sola ki he fa‘ahinga na‘a nau fakahinohino koé. 15Talu ho‘o kei si‘i mo ho‘o maheni mo e Folofola toputapu ‘a e ‘Otuá, ‘a ē ‘e lava ke fakamaama ai ho ‘atamaí ke ke tui kia Sīsū Kalaisi kae fakahaofi ho laumālié. 16Ko e Folofolá kotoa kuo fakamānava‘i ‘e he ‘Otuá, pea ‘oku ‘aonga ki hono ako‘i mo tokoni‘i e kakaí, mo hono fakatontonu mo fakahinohino ‘enau mo‘uí, 17koe‘uhí ke mateuteu ai ‘a e kakai ‘a e ‘Otuá hono fai e ngaahi ngāue ‘aonga kehekehe.
Currently Selected:
2 Tīmote 3: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
2 Tīmote 3
3
Ko e Kuonga Faka‘osi ‘o Māmaní
1Manatu‘i eni, ‘e hoko ha ngaahi faingata‘a lalahi ‘i he kuonga faka‘osi ‘o māmaní. 2‘E mo‘ui siokita ai e kakaí mo mānumanu koloa. Te nau anga-hīkisia mo fie lahi. Te nau anga-fakaaoao mo anga-tu‘u ki he‘enau mātu‘á. Te nau mo‘ui ta‘e hounga mo ta‘e ma‘a. 3Te nau anga-ta‘e‘ofa, mo ta‘e faka‘atu‘i, mo fasitu‘u, mo ngutu lau, mo fita‘a. Te nau fakalili‘a he me‘a kotoa pē ‘oku lelei mo ‘aongá. 4Te nau anga-kākā, mo fulikivanu, mo fakafuofuolahi. Te nau ‘ofa pē he fakausousá kae ‘ikai ‘ofa he ‘Otuá. 5Te nau ngali lotu pē kae faka‘ikai‘i ‘a e ivi ‘o e lotu mo‘oní. ‘Oua te ke feohi mo ha kakai pehē.
6‘Oku ‘i ai ha ni‘ihi ‘iate kinautolu ‘oku nau lohiaki‘i e ngaahi ‘apí, kae lava ke nau pō si‘a kau fefine ‘oku kei vaivai ‘enau mo‘uí koe‘uhi ko ‘enau kei pōpula ki ha ngaahi angahala mo e ngaahi holi kehekehe. 7Ko e fa‘ahinga kakai fefine ia ‘oku nau holi ma‘u pē ke ‘ilo ha me‘a fo‘ou ka ‘oku faingata‘a ke mahino kiate kinautolu e mo‘oní. 8Ko e kakai kākā ‘oku ou laú, ko e kau fakafili ia ki he mo‘oní, ‘o hangē pē ko e fakafili ‘a Siani mo Siamepi kia Mōsesé. Ko e kakai ia ‘oku ‘atamai fakalielia mo tui loi. 9Ka he‘ikai ke sia‘a fuoloa ‘enau ngaahi feinga ‘oku faí. He ‘e faifai pea ‘ilo ‘e he kakai kotoa pē ‘enau heé, ‘o hangē ko e hē ‘a Siani mo Siamepí.
Ko e Fale‘i Faka‘osi
10‘E Tīmote, kuo mahino lelei kiate koe ‘a e anga ‘eku mo‘uí mo ‘eku fa‘ahinga fakahinohinó. Kuo mahino lelei kiate koe ‘a e taumu‘a ‘eku mo‘uí, mo e anga ‘o ‘eku tuí. ‘Oku mahino kiate koe ‘eku fa‘a kātakí, mo ‘eku ‘ofá, mo ‘eku tu‘u kalikalí, 11mo ‘eku mo‘ua he ngaahi fakatanga mo e ngaahi faingata‘a ‘i he tukui kolo ‘i ‘Aniteoke mo ‘Aikoniume mo Līsitá. Ka na‘e fakahaofi au ‘e he ‘Eikí mei he ngaahi faingata‘a kātoa ko iá. 12He ka ‘ilonga ha taha kuo kau mo Kalaisi Sīsū pea fie mo‘ui fakalotu mo‘oní, kuo pau ke fakatanga‘i ia. 13Ka ko e kakai fai kovi mo lotu loí, ‘e fakautuutu pē ‘enau fai koví. Ko e fa‘ahinga kinautolu ‘oku nau takihee‘i e kakaí, he na‘e tomu‘a takihee‘i kinautolu.
14Piki pē koe ia he ngaahi fakahinohino na‘e fai kiate koe peá ke tui ki aí. He ‘oku ‘ikai te ke sola ki he fa‘ahinga na‘a nau fakahinohino koé. 15Talu ho‘o kei si‘i mo ho‘o maheni mo e Folofola toputapu ‘a e ‘Otuá, ‘a ē ‘e lava ke fakamaama ai ho ‘atamaí ke ke tui kia Sīsū Kalaisi kae fakahaofi ho laumālié. 16Ko e Folofolá kotoa kuo fakamānava‘i ‘e he ‘Otuá, pea ‘oku ‘aonga ki hono ako‘i mo tokoni‘i e kakaí, mo hono fakatontonu mo fakahinohino ‘enau mo‘uí, 17koe‘uhí ke mateuteu ai ‘a e kakai ‘a e ‘Otuá hono fai e ngaahi ngāue ‘aonga kehekehe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.