2 Tīmote 4
4
1Ka toe foki mai ‘a Kalaisi Sīsū ke pule fakatu‘i, pea te ne fakamāu‘i e kakai kotoa pē, ‘a e kakai ‘oku kei mo‘uí, pea pehē ki he kakai kuo ‘osi maté. Pea ‘oku ou fakakouna leva koe ‘i he ‘afio mai ‘a e ‘Otuá mo Kalaisí, 2ke ke malanga‘i e Ongoongo Lelei ‘a e ‘Otuá. Tōtōivi hono malanga‘í, ‘o tatau ai pē pe ‘e manakoa pe ‘ikai. Fakatonutonu e mo‘ui ‘a e kakaí pea akonekina kinautolu, mo toe fakalotolahi‘i foki. Ka ke ka fakahinohino kinautolu, peá ke ‘ai ho‘o kātakí ke lahi. 3Kuo vavé ni pē ha ‘aho ‘e pipiko‘ia ai e kakaí he fakahinohino ‘o e mo‘oní. Te nau tānaki mai ‘e kinautolu ha kau malanga te nau tala mai pē ha ngaahi me‘a ‘oku hoa mo ‘enau ngaahi holí. 4Te nau afe mei he mo‘oní kae fie fanongo ki ha ngaahi fananga. 5Ka ko koe ia, ke ke loto mokomoko ai pē mo ‘ūkuma. Tūkuingata hono malanga‘i e Ongoongo Leleí pea fai ke a‘u ho fatongia mei he ‘Otuá.
6Kuo ofi eni ke feilaulau‘i ‘eku mo‘uí. Kuo a‘u mai e ‘aho ke u tuku folau aí. 7Na‘á ku ‘osikiavelenga he taú. Na‘á ku fai ke a‘u ‘eku lová. Na‘á ku mateaki‘i e lotu mo‘oní. 8Kuo tuku tatali mai mei mu‘a ‘a hoku pale koe‘uhí ko ‘eku fie fai e finangalo ‘o e ‘Otuá. Ko e ‘Otua ia ‘oku ‘ikai ke filifilimānako ‘ene fakamāú. Pea te ne fakapale‘i au he ‘Aho Fakamāú, pea pehē pē ki he kakai kotoa ‘oku nau fakatu‘amelie ki he‘ene toe liuaki maí.
Ko ha Ngaahi Me‘a Kehe
9Ha‘u mu‘a ke ta fe‘iloaki ‘i ho faingamālie vave tahá. 10He ko Tīmasi eni kuo afe he ngaahi mālie ‘o māmani, pea hoko ai pē mo ‘ene lī‘aki au kae hola ki Tesalonaika. Kuo hiki ‘a Kilisiki ki Kalētia. Pea ko Taitusi, kuo hiki ki Talamati. 11Ko Luke pē toko taha ‘oku ‘iate aú. Kumi mu‘a ‘a Ma‘ake pea mo ōmai ai pē. He ko e tokoni lahi ‘a‘ana kiate aú. 12Ko Tikiko, na‘á ku fekau ke hiki ki ‘Efesō.
13Ka ke ka ha‘u leva, peá ke ha‘u koe mo hoku pulupulu na‘á ku tuku ‘ia Ka‘apo ‘i Taloasí. Pea ‘oua mu‘a na‘a ngalo ‘eku ‘ū tohí, tautautefito ki he‘eku ngaahi tohi kili‘i manú.
14Na‘e fakafe‘ātungia‘i lahi au ‘e he tangata tuki ukamea ko ena ko ‘Ālekisānita. Ka ‘e tautea ia ‘e he ‘Eikí koe‘uhí ko ‘ene ngaahi me‘a kuo faí. 15Tokanga‘i lelei ia. He ‘oku ‘ikai te ne tali e ngaahi me‘a ‘oku tau malanga‘í.
16‘I he‘eku ‘uluaki hopó, na‘e ‘ikai ke kau ha taha mo au. Ko hono mo‘oní, na‘a nau ‘osi kotoa he lī‘aki aú. ‘Ofa pē ke ‘oua ‘e ‘eke ia kiate kinautolu. 17Ka na‘e tu‘u tafa‘aki ‘a e ‘Eikí ‘iate au. Na‘á ne fakaivia au ke u lava ‘o tala kakato ‘ene Ongoongo Leleí ke fanongo ki ai ‘a e kakai muli kotoa pē. Pea na‘e malu‘i ai pē au ‘e he ‘Eikí mei he fanga laione fekaí. 18Pea te ne malu‘i ma‘u ai pē au mei he koví kae ‘oua kuó ne fakahū au ki hono pule‘anga fakahēvaní. ‘Oku taau ke tau fakafeta‘i kiate ia ke ta‘e ngata pea tuputupu‘a. ‘Ēmeni.
Ko e Ngaahi Pōpoaki
19‘Ofa atu kia Pīsila mo ‘Akuila pea mo e fāmili ‘o ‘Onesifoló.
20Ko ‘Elasito, na‘e nofo ai pē ‘i Kolinitō. Pea na‘á ku ha‘u aú ‘oku puke ‘a Talofima ‘i Mileto.
21Feinga lahi ke ke ha‘u ki mu‘a he fa‘ahi ta‘u momokó. ‘Oku ‘ofa atu ‘a ‘Iupolo mo Piutena, mo Laino, mo Kalōtia, pea mo e kāinga lotu kotoa pē.
22‘Ofa ke kau ai pē ‘a e ‘Eikí ‘iate koe mo ne tāpuaki‘i koe.
Currently Selected:
2 Tīmote 4: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
2 Tīmote 4
4
1Ka toe foki mai ‘a Kalaisi Sīsū ke pule fakatu‘i, pea te ne fakamāu‘i e kakai kotoa pē, ‘a e kakai ‘oku kei mo‘uí, pea pehē ki he kakai kuo ‘osi maté. Pea ‘oku ou fakakouna leva koe ‘i he ‘afio mai ‘a e ‘Otuá mo Kalaisí, 2ke ke malanga‘i e Ongoongo Lelei ‘a e ‘Otuá. Tōtōivi hono malanga‘í, ‘o tatau ai pē pe ‘e manakoa pe ‘ikai. Fakatonutonu e mo‘ui ‘a e kakaí pea akonekina kinautolu, mo toe fakalotolahi‘i foki. Ka ke ka fakahinohino kinautolu, peá ke ‘ai ho‘o kātakí ke lahi. 3Kuo vavé ni pē ha ‘aho ‘e pipiko‘ia ai e kakaí he fakahinohino ‘o e mo‘oní. Te nau tānaki mai ‘e kinautolu ha kau malanga te nau tala mai pē ha ngaahi me‘a ‘oku hoa mo ‘enau ngaahi holí. 4Te nau afe mei he mo‘oní kae fie fanongo ki ha ngaahi fananga. 5Ka ko koe ia, ke ke loto mokomoko ai pē mo ‘ūkuma. Tūkuingata hono malanga‘i e Ongoongo Leleí pea fai ke a‘u ho fatongia mei he ‘Otuá.
6Kuo ofi eni ke feilaulau‘i ‘eku mo‘uí. Kuo a‘u mai e ‘aho ke u tuku folau aí. 7Na‘á ku ‘osikiavelenga he taú. Na‘á ku fai ke a‘u ‘eku lová. Na‘á ku mateaki‘i e lotu mo‘oní. 8Kuo tuku tatali mai mei mu‘a ‘a hoku pale koe‘uhí ko ‘eku fie fai e finangalo ‘o e ‘Otuá. Ko e ‘Otua ia ‘oku ‘ikai ke filifilimānako ‘ene fakamāú. Pea te ne fakapale‘i au he ‘Aho Fakamāú, pea pehē pē ki he kakai kotoa ‘oku nau fakatu‘amelie ki he‘ene toe liuaki maí.
Ko ha Ngaahi Me‘a Kehe
9Ha‘u mu‘a ke ta fe‘iloaki ‘i ho faingamālie vave tahá. 10He ko Tīmasi eni kuo afe he ngaahi mālie ‘o māmani, pea hoko ai pē mo ‘ene lī‘aki au kae hola ki Tesalonaika. Kuo hiki ‘a Kilisiki ki Kalētia. Pea ko Taitusi, kuo hiki ki Talamati. 11Ko Luke pē toko taha ‘oku ‘iate aú. Kumi mu‘a ‘a Ma‘ake pea mo ōmai ai pē. He ko e tokoni lahi ‘a‘ana kiate aú. 12Ko Tikiko, na‘á ku fekau ke hiki ki ‘Efesō.
13Ka ke ka ha‘u leva, peá ke ha‘u koe mo hoku pulupulu na‘á ku tuku ‘ia Ka‘apo ‘i Taloasí. Pea ‘oua mu‘a na‘a ngalo ‘eku ‘ū tohí, tautautefito ki he‘eku ngaahi tohi kili‘i manú.
14Na‘e fakafe‘ātungia‘i lahi au ‘e he tangata tuki ukamea ko ena ko ‘Ālekisānita. Ka ‘e tautea ia ‘e he ‘Eikí koe‘uhí ko ‘ene ngaahi me‘a kuo faí. 15Tokanga‘i lelei ia. He ‘oku ‘ikai te ne tali e ngaahi me‘a ‘oku tau malanga‘í.
16‘I he‘eku ‘uluaki hopó, na‘e ‘ikai ke kau ha taha mo au. Ko hono mo‘oní, na‘a nau ‘osi kotoa he lī‘aki aú. ‘Ofa pē ke ‘oua ‘e ‘eke ia kiate kinautolu. 17Ka na‘e tu‘u tafa‘aki ‘a e ‘Eikí ‘iate au. Na‘á ne fakaivia au ke u lava ‘o tala kakato ‘ene Ongoongo Leleí ke fanongo ki ai ‘a e kakai muli kotoa pē. Pea na‘e malu‘i ai pē au ‘e he ‘Eikí mei he fanga laione fekaí. 18Pea te ne malu‘i ma‘u ai pē au mei he koví kae ‘oua kuó ne fakahū au ki hono pule‘anga fakahēvaní. ‘Oku taau ke tau fakafeta‘i kiate ia ke ta‘e ngata pea tuputupu‘a. ‘Ēmeni.
Ko e Ngaahi Pōpoaki
19‘Ofa atu kia Pīsila mo ‘Akuila pea mo e fāmili ‘o ‘Onesifoló.
20Ko ‘Elasito, na‘e nofo ai pē ‘i Kolinitō. Pea na‘á ku ha‘u aú ‘oku puke ‘a Talofima ‘i Mileto.
21Feinga lahi ke ke ha‘u ki mu‘a he fa‘ahi ta‘u momokó. ‘Oku ‘ofa atu ‘a ‘Iupolo mo Piutena, mo Laino, mo Kalōtia, pea mo e kāinga lotu kotoa pē.
22‘Ofa ke kau ai pē ‘a e ‘Eikí ‘iate koe mo ne tāpuaki‘i koe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.