2 Tīmote 2
2
Ko ha Sōtia Lelei ‘a Kalaisi
1‘E Tīmote, si‘oku foha, ‘oku anga-lelei ‘a Kalaisi Sīsū. Tuku ke ne fakaivia koe. 2Kuo tu‘o lahi ho‘o fanongo he ngaahi fakahinohino ‘oku ou faí, pea ‘oku ou loto ke ke toe fakahoko atu e ngaahi fakahinohino ko iá ki ha ni‘ihi falala‘anga te nau toe fakahoko atu ai pē ki ha ni‘ihi kehe.
3Ko ena ko e sōtia fai mateaki koe he tau ‘a Kalaisi Sīsuú, pea kuo pau ke ke kau he kātaki‘i ha ngaahi mamahi. 4Kuo te‘eki ai ha sōtia ‘e loto ke ‘efihia ‘ene mo‘uí ‘i he ngaahi me‘a ‘o tua‘aá. He ko ‘ene taumu‘á pē ke fai e me‘a ‘oku loto ki ai ‘a e ‘eikitaú. 5‘E ‘ikai ma‘u ‘e ha taha ha lova ‘o kapau ‘e talangata‘a ia ki he ngaahi tu‘utu‘uni ‘o e lová. 6Pea ko e tangata ‘oku tōtōivi he‘ene ngoué, ‘oku totonu ke ne ‘uluaki ‘inasi ‘i he fua ‘o ‘ene ngoue ko iá. 7Kapau te ke fakakaukau‘i fakalelei e me‘a ‘oku ou laú, pea ‘e mahino atu hono kotoa, he ‘e tokoni atu ‘a e ‘Eikí.
8Hanga pē ho‘o fakakaukaú kia Sīsū Kalaisi. Ko e hako ia ‘o Tēvita, pea na‘e fokotu‘u hake ia mei he maté, ‘o fakatatau ki he Ongoongo Lelei ‘oku ou malanga‘í. 9Ko e Ongoongo Lelei pē ia ‘oku ou faingata‘a‘ia ai ko ení pea ‘oku ha‘i ai hoku nimá mo hoku va‘é, ‘o hangē ko ha taha fai hiá. Ka ‘oku ‘ikai foki ke ala ha‘i ‘a e Ongoongo Leleí ia. 10Pea ‘oku ou kātaki‘i ai e mamahi kotoa pē hei‘ilo ‘e fakamo‘ui ai ‘a e kakai kotoa kuo fili ‘e he ‘Otuá. ‘E foaki ma‘anautolu ha lāngilangi‘ia ta‘e ngata koe‘uhi ko ‘enau kau mo Kalaisi Sīsuú. 11‘Oku mo‘oni e laú,
“Kapau kuo tau kaungāmate mo Kalaisi,
pea te tau kaungāmo‘ui ai pē mo ia.
12Kapau te tau kīkītaki atu,
pea te tau kaungāhau mo ia.
Kapau te tau fakafisinga‘i ia,
pea te ne fakafisinga‘i leva kitautolu.
13Te tau ala faihala kitautolu,
ka ‘e ‘ikai ala faihala ia.
He ‘oku ‘ikai pē ke lava ke ne fakafisinga‘i ‘e ia ia.
Ko e Kaungāngāue Lelei
14‘Oua te ke tuku ke ngalo ‘i ha taha ‘a e ngaahi me‘á ni. Fakatokanga ange ki he kakaí ‘i he ‘ao ‘o e ‘Otuá ke tuku ā ‘enau fie faka‘uhinga me‘á. He ‘e ‘ikai ma‘u ai ha me‘a ‘e ha taha. Ko hono mo‘oní kuo pau ke maumau ai e tui ‘a e kakai kotoa pē ‘oku nau fanongo ki aí. 15Tūkuingata ke hoa ho‘o mo‘uí mo e finangalo ‘o e ‘Otuá. Ke ke kau he‘ene kau ngāue, ‘a ia ‘oku ‘ikai ha me‘a ‘e taha te nau mā ai koe‘uhi ko ‘enau ako‘i pē ‘a e Ongoongo Lelei mo‘oní.
16Faka‘ehi‘ehi ‘aupito mei he talanoa laulaunoa mo ta‘e ‘aongá. He ‘e toe ‘ā‘āsili ai pē e hē ‘a e kakaí mei he ‘Otuá. 17Ko e fa‘ahinga talanoa ia ‘oku hangē ha hangatāmaki ‘oku mo‘uingata‘á. ‘Oku kau ‘a ‘Aiminia mo Failito he fa‘ahinga talanoa ko iá, 18ko ‘ena tu‘uaki takai holo kuo ‘osi hoko, tokua, ‘a e toe tu‘ú. Pea kuo uesia ai ‘a e tui ‘a e ni‘ihi.
19Ka ‘e tu‘u ma‘u ai pē ‘a e makatu‘unga kuo ‘osi fakatoka ‘e he ‘Otuá. Pea kuo tohi tongi ai eni, “‘Oku ‘afio‘i ‘e he ‘Eikí ‘a hono kakaí. Afe mei he koví ‘a kinautolu kotoa pē ‘oku nau lotu kiate iá.”
20Ko e fale lahi kotoa pē ‘oku ‘i ai e ngaahi ipu koula mo e ipu siliva. Ka ‘e ‘i ai foki mo e ‘ū ipu ‘akau mo e ‘ū ipu maka. Ko e ipu ‘e ni‘ihi ke fai ‘aki e ngaahi fatongia makehe. Ka ko e ipu ‘e ni‘ihi ‘oku ngāue faka‘aho ‘aki pē. 21‘Oku pehē pē mo e kakaí. Ko kinautolu ‘oku nau tuku ‘enau faikoví, te nau hoko kinautolu ko e kakai makehe. Pea ‘e hoa mo taau ai ‘enau mo‘uí mo e loto honau ‘Eikí, pea te nau lava leva ‘o fai ha ngaahi fatongia ‘aonga kehekehe.
22Ko ia, hola mei he ngaahi ‘ahi‘ahi ‘oku fa‘a ‘efihia ai e to‘utupú. Faitotonu ma‘u pē. ‘Ai ma‘u pē ho‘o tuí ke lahi, mo ho lotó ke ‘ofa, pea ‘ai ke ke mata kāinga, he ko e anga ia ‘o e kakai ‘oku nau fai loto-tau‘atāina ‘enau lotu ki he ‘Otuá. 23Faka‘ehi‘ehi mei he kakai ‘oku nau fai e ngaahi fakafekiki launoa mo fakaseselé. He ko e fa‘ahinga me‘a ia ‘oku fakatupu kē. 24Ko e kau ngāue ‘a e ‘Otuá ke ‘oua ‘e fa‘a kē, kae anga-fakatōkilalo ki he kakai kotoa pē, pea poto he faiakó, pea lahi ‘enau kātakí.
25Ka fakafepaki‘i koe ‘e ha ni‘ihi, peá ke fakatonutonu fakaalaala kinautolu, hei‘ilo ‘e fakatafoki kinautolu ‘e he ‘Otuá kiate ia pea nau ‘ilo e mo‘oní. 26He ko e fa‘ahinga ia kuo kūmoa ‘e he tēvoló ke nau fakaongo ange ki ai. Ka ‘e lava pē ke tokoni‘i kinautolu ‘e he ‘Otuá ke nau hao mei ai.
Currently Selected:
2 Tīmote 2: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
2 Tīmote 2
2
Ko ha Sōtia Lelei ‘a Kalaisi
1‘E Tīmote, si‘oku foha, ‘oku anga-lelei ‘a Kalaisi Sīsū. Tuku ke ne fakaivia koe. 2Kuo tu‘o lahi ho‘o fanongo he ngaahi fakahinohino ‘oku ou faí, pea ‘oku ou loto ke ke toe fakahoko atu e ngaahi fakahinohino ko iá ki ha ni‘ihi falala‘anga te nau toe fakahoko atu ai pē ki ha ni‘ihi kehe.
3Ko ena ko e sōtia fai mateaki koe he tau ‘a Kalaisi Sīsuú, pea kuo pau ke ke kau he kātaki‘i ha ngaahi mamahi. 4Kuo te‘eki ai ha sōtia ‘e loto ke ‘efihia ‘ene mo‘uí ‘i he ngaahi me‘a ‘o tua‘aá. He ko ‘ene taumu‘á pē ke fai e me‘a ‘oku loto ki ai ‘a e ‘eikitaú. 5‘E ‘ikai ma‘u ‘e ha taha ha lova ‘o kapau ‘e talangata‘a ia ki he ngaahi tu‘utu‘uni ‘o e lová. 6Pea ko e tangata ‘oku tōtōivi he‘ene ngoué, ‘oku totonu ke ne ‘uluaki ‘inasi ‘i he fua ‘o ‘ene ngoue ko iá. 7Kapau te ke fakakaukau‘i fakalelei e me‘a ‘oku ou laú, pea ‘e mahino atu hono kotoa, he ‘e tokoni atu ‘a e ‘Eikí.
8Hanga pē ho‘o fakakaukaú kia Sīsū Kalaisi. Ko e hako ia ‘o Tēvita, pea na‘e fokotu‘u hake ia mei he maté, ‘o fakatatau ki he Ongoongo Lelei ‘oku ou malanga‘í. 9Ko e Ongoongo Lelei pē ia ‘oku ou faingata‘a‘ia ai ko ení pea ‘oku ha‘i ai hoku nimá mo hoku va‘é, ‘o hangē ko ha taha fai hiá. Ka ‘oku ‘ikai foki ke ala ha‘i ‘a e Ongoongo Leleí ia. 10Pea ‘oku ou kātaki‘i ai e mamahi kotoa pē hei‘ilo ‘e fakamo‘ui ai ‘a e kakai kotoa kuo fili ‘e he ‘Otuá. ‘E foaki ma‘anautolu ha lāngilangi‘ia ta‘e ngata koe‘uhi ko ‘enau kau mo Kalaisi Sīsuú. 11‘Oku mo‘oni e laú,
“Kapau kuo tau kaungāmate mo Kalaisi,
pea te tau kaungāmo‘ui ai pē mo ia.
12Kapau te tau kīkītaki atu,
pea te tau kaungāhau mo ia.
Kapau te tau fakafisinga‘i ia,
pea te ne fakafisinga‘i leva kitautolu.
13Te tau ala faihala kitautolu,
ka ‘e ‘ikai ala faihala ia.
He ‘oku ‘ikai pē ke lava ke ne fakafisinga‘i ‘e ia ia.
Ko e Kaungāngāue Lelei
14‘Oua te ke tuku ke ngalo ‘i ha taha ‘a e ngaahi me‘á ni. Fakatokanga ange ki he kakaí ‘i he ‘ao ‘o e ‘Otuá ke tuku ā ‘enau fie faka‘uhinga me‘á. He ‘e ‘ikai ma‘u ai ha me‘a ‘e ha taha. Ko hono mo‘oní kuo pau ke maumau ai e tui ‘a e kakai kotoa pē ‘oku nau fanongo ki aí. 15Tūkuingata ke hoa ho‘o mo‘uí mo e finangalo ‘o e ‘Otuá. Ke ke kau he‘ene kau ngāue, ‘a ia ‘oku ‘ikai ha me‘a ‘e taha te nau mā ai koe‘uhi ko ‘enau ako‘i pē ‘a e Ongoongo Lelei mo‘oní.
16Faka‘ehi‘ehi ‘aupito mei he talanoa laulaunoa mo ta‘e ‘aongá. He ‘e toe ‘ā‘āsili ai pē e hē ‘a e kakaí mei he ‘Otuá. 17Ko e fa‘ahinga talanoa ia ‘oku hangē ha hangatāmaki ‘oku mo‘uingata‘á. ‘Oku kau ‘a ‘Aiminia mo Failito he fa‘ahinga talanoa ko iá, 18ko ‘ena tu‘uaki takai holo kuo ‘osi hoko, tokua, ‘a e toe tu‘ú. Pea kuo uesia ai ‘a e tui ‘a e ni‘ihi.
19Ka ‘e tu‘u ma‘u ai pē ‘a e makatu‘unga kuo ‘osi fakatoka ‘e he ‘Otuá. Pea kuo tohi tongi ai eni, “‘Oku ‘afio‘i ‘e he ‘Eikí ‘a hono kakaí. Afe mei he koví ‘a kinautolu kotoa pē ‘oku nau lotu kiate iá.”
20Ko e fale lahi kotoa pē ‘oku ‘i ai e ngaahi ipu koula mo e ipu siliva. Ka ‘e ‘i ai foki mo e ‘ū ipu ‘akau mo e ‘ū ipu maka. Ko e ipu ‘e ni‘ihi ke fai ‘aki e ngaahi fatongia makehe. Ka ko e ipu ‘e ni‘ihi ‘oku ngāue faka‘aho ‘aki pē. 21‘Oku pehē pē mo e kakaí. Ko kinautolu ‘oku nau tuku ‘enau faikoví, te nau hoko kinautolu ko e kakai makehe. Pea ‘e hoa mo taau ai ‘enau mo‘uí mo e loto honau ‘Eikí, pea te nau lava leva ‘o fai ha ngaahi fatongia ‘aonga kehekehe.
22Ko ia, hola mei he ngaahi ‘ahi‘ahi ‘oku fa‘a ‘efihia ai e to‘utupú. Faitotonu ma‘u pē. ‘Ai ma‘u pē ho‘o tuí ke lahi, mo ho lotó ke ‘ofa, pea ‘ai ke ke mata kāinga, he ko e anga ia ‘o e kakai ‘oku nau fai loto-tau‘atāina ‘enau lotu ki he ‘Otuá. 23Faka‘ehi‘ehi mei he kakai ‘oku nau fai e ngaahi fakafekiki launoa mo fakaseselé. He ko e fa‘ahinga me‘a ia ‘oku fakatupu kē. 24Ko e kau ngāue ‘a e ‘Otuá ke ‘oua ‘e fa‘a kē, kae anga-fakatōkilalo ki he kakai kotoa pē, pea poto he faiakó, pea lahi ‘enau kātakí.
25Ka fakafepaki‘i koe ‘e ha ni‘ihi, peá ke fakatonutonu fakaalaala kinautolu, hei‘ilo ‘e fakatafoki kinautolu ‘e he ‘Otuá kiate ia pea nau ‘ilo e mo‘oní. 26He ko e fa‘ahinga ia kuo kūmoa ‘e he tēvoló ke nau fakaongo ange ki ai. Ka ‘e lava pē ke tokoni‘i kinautolu ‘e he ‘Otuá ke nau hao mei ai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.