2 Pita Ko e talateu
Ko e talateu
Ko Hono Ua ʻo e Tohi meia Pitá naʻe fai ia ki ha muʻaki kau Kalisitiane ʻi he ngaahi ʻātakai kehekehe. Ko hono tefitoʻi kaveingá ko hono fakafepakiʻi ʻo e ngāue ʻa e kau akonaki halá pea mo e ʻulungāanga fakalielia ʻoku tupu mei heʻenau ngāue ko iá. Ko e vetekiʻanga ʻo e ngaahi faingataʻa ko iá ko e pipiki maʻu ki he ʻiloʻi moʻoni ʻo e ʻOtuá pea mo e ʻEiki ko Sīsū Kalaisí, ʻa ia ko e ʻilo ia kuo fakafou mai ʻe he faʻahinga ne nau mamata tonu kia Sīsū mo nau fanongo tonu ki heʻene faiakó. Naʻe tokanga makehe ʻa e faʻu tohí ki he akonaki ʻa kinautolu naʻa nau pehē ʻe ʻikai toe hāʻele mai ʻa Kalaisi ia. Naʻe pehē ʻe he faʻu tohí ko e ngali toloi ʻa e toe hāʻele mai ʻa Kalaisí he ʻoku “ʻikai te ne finangalo (ʻa e ʻOtuá) ke ʻauha ha taha. Ka ke aʻusia ʻa e fakatomalá ʻe he kakai kotoa pē” (3:9). Ko e Kakano ʻo e Tohi Ko e talateu 1:1-2 Ko hono ui ʻo e Kalisitiané 1:3-21 Ko e kau akonaki hala 2:1-22 Ko e toe hāʻele mai ʻa Kalaisi 3:1-18
Currently Selected:
2 Pita Ko e talateu: TCNT
Highlight
Copy
Compare
Share
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.