RUTH 3
3
Naomi in Ruth tandohtu ding asuina
1Tuachi’n a innpinu Naomi in akungah, “Nanga dinga hoi dingin inn suon thei na ding hing suipieh taleng hoilou ding amah? 2Tualeh i sanggampa, asuoh nungahte toh ana nava sepnapa uh Boaz a um hilou amah? Ngaiin tuzan chienga bu phuol a barli bu zapsieng ding ahi. 3Tuaziehin kisilsieng inlen, sathau kinu in, tualeh na puon sil inlen, phuol ah va peisuh in; hinanleh aneh a adawn zou masangsie kitheisah vawtsin. 4Tualeh hichi ahi dinga, alup chiengin alupna chiemte inlen, tuachi’n lut inlen, akeng lempieh inlen lum suhin; tuachi’n aman nabawl ding ahing hilding hi,” achi hi.
5Tuachi’n amanu’n, “Ka kunga nagen bangin ka bawl ding hi,” achi hi. 6Tuachi’n phuol ah apeisuh a, api’n ahil bang bangin abawlta hi. 7Tualeh Boaz in ann ane a adawn zou in, tualeh alungsim a nuom asah mama bepin, bu vum bul a lum dingin apeita hi, tuachi’n amanu zong awl awl in ahing pei a, akeng alem a alumsuhta hi. 8Tualeh hichi ahing hi a, zankim lai in Boaz ahing khanglou a, ahing kihei leh akengbul ah numei khat ana lum hi. 9Tualeh ama’n “Koi na hiei?” a chi a, amanu’n na suohnu “Ruth ka hi, na puonsil na suohnu hing zawn in,#hing kitenpi in achina ahi. ka sanggam kinaipi na hi,” chin adawng hi.
10Tuachi’n aman, “Ka tanu Mangpa’n hing guolzawlta hen, tangval genthei ahiei, hausa ahiei, na zuilou dan in, achiil lai sangin atawp lam ah hoina na sulang zaw ta hi. 11Tualeh ka tanu zausin, nagen bangbangin na tungah ka bawl ding hi, ka khuo a mi zousie’n numei kizen tah nahi chi ahing thei uhi. 12#Ruth. 2.20Tualeh, kei na sanggam kinaipi kahi chipen adih ahi, hinanleh kei sanga sanggam kinaipi a um hi. 13Tuzan gieh inlen, zingmawng chiengin hichi ahi dinga aman na tungah sanggam kinaipi bawl ding lawm abawl nop leh ahoi ahi dinga; bawl mai heh; hinanleh sanggam kinaipi bawl ding lawm ahing bawlpieh nuomsih leh na tungah sanggam kinaipi bawl ding pen, Mangpa ahin bangin keiman ka bawl ngeingei ding hi, zingmawng dong lum tadi maiin,” a chi hi.
14Tuachi’n amanu zingmawng dong akeng bul ah a lumta hi, “Tualeh koima kimu chien thei masang in athou a, tualeh amapan phuol ah numei ahing pei hi chi mawngmawng koiman theida heh,” achi hi. 15Tualeh aman akungah, “Na puonsil hing tawi inlen dawin achi a,” tualeh amanu’n adaw a, barli bu chin tena guh ate pieh a, aliengah apat a, tuachi’n amanu khuo ah apeita hi. 16Tualeh api kung ahing tunin, “Naomi in ka tanu bang na hing chiei?” ana chi hi, Tuachi’n amanu’n tua mipan atunga ana bawldan zousie ahilta hi. 17Tualeh Ruth in, “Tam barli bu chin tena guh ahing pie a, napi kungah khut guohin pei sin ahing chi hi,” a chi hi.
18Tuachi’n Naomi in, “Ka tanu bangchibanga sil hing um ding ahiei chi nathei masang sien um khinkhian phot maiin, tunia tam sil abawl zou masangsie’n tua mipa asip nawn sih ding hi,” a chi hi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.