KISIMNABU 7
7
Maitam kipahpina a silpiehte
1Tualeh Mosi in biehbuh adinsah zou diema, sathau anu zou a, asuhsiengthou zou a, avanzah zousie leh amaitam leh atuium abelsuon zousie sathau anu a, asuhsiengthou niin tam bang ahing hi a; 2Israel lamkaite, a innkuon ua upa pente aphung chiet ua kisimte tunga anam lamkaite un sillat alan uhi. 3Mangpa masanga akithoina sillat uh sakolleng buhnei guh leh bawngtal sawmle ni ahing tawi ua, sakolleng khat lamkai ni zela dingin leh lamkai khat ading bawngtal khat chiet, biehbuh mai ah ahing tawi uhi. 4Tualeh Mangpa’n Mosi ahoupi a akungah, 5“Kimutuona biehbuh a nasepna dingin tamte la inlen; Levite kungah anasepna dungzuiin na pe ding hi” achi hi. 6Tuachi’n Mosi in sakolleng buhneite leh bawngtalte ala a, Levite apeta hi. 7Sakolleng ni leh bawngtal li Gershon tapate kungah anasep dan dungzui un apie hi. 8Tualeh sakolleng li leh bawngtal giet, Merari tapate kungah anasep dan dungzui un, Siempu Aaron tapa Ithamar khutah apeta hi. 9Hinanleh Kohath tapate kungah bangma apesih hi, aziehpen munsiengthou nasep amaute mawpuohna ahia, vanzah dingte aliengkou ua apuoh zel uh ahi.
10Tuachi’n lamkaite’n sathau kinu niin maitam kisiensuona dingin sillatte alan ua, asillatte uh maitam masangah alan uhi. 11Tualeh Mangpa’n Mosi kungah “Lamkai chinin, maitam siensuona dinga a sillatte uh nichin akizomzel in alan ding uhi.” 12Anikhat nia sillat lan dinga hing tawi khu Juda phunga Amminadab tapa Nahshon ahi. 13Asillat khu dangkasia kuong khat, agih dan shekel#7.12-88; Israel nam sawm leh nite sillat dan akigen sawn sawn hi. Hebrute min khum dan leh tawn dan khat ahi. SHEKEL: Kg. Khat toh ki kim ahi za leh sawm thum, mun siengthou a shekel tedan a, shekel sawm sagi toh kikim agih dangkasia heng kuong khat, ann sillat dingin sathau toh kihal tangbuong nel ngingei khum heng kuong dim tuoh ahi; 14Gimnamtui shekel sawm toh kikim a gih, sana tawkeu dim khat: 15Halmang sillat ding bawngtal nou khat, belamtal khat, kum khat a upa belam nou khat; 16Khelna sillat dingin kelnou khat; 17Tualeh lemna kithoina sillat dingin bawngtal ni, belamtal nga, keltal nga, kum khat a upa belamnou nga: tamte Amminadab tapa Nahshon sillatte ahi. 18Ani ni niin Issakar phung lamkai Zuar tapa Nathaneel in alan hi. 19Aman a sillat dingin mun siengthou shekel tena bangin, shekal za leh sawmthuma gih, dangka sia kuong khat leh shekel sawm sagi agih, dangka sia hengkuong khat alan a, ann sillat dingin sathau toh kihal tangbuong nel ngingei heng kuongte gel dim tuoh ahi. 20Shekel sawm toh kikim a gih, gimnamtui sana tawkeu dim khat; 21Halmang sillat ding bawngtalnou khat, belamtal khat kum khat a upa belamnou khat; 22Khelna sillat dingin kelnou khat; 23Tualeh lemna sillat dingin bawngtal ni, belam tal nga, keltal nga, kum khat a upa belamnou nga; tamte Zuar tapa Nathaneel sillatte ahi. 24Ani thum ni’n Zebulun tate lamkai Helon tapa Eliab in alan hi. 25A sillatte khu mun siengthoua shekel tena bangin, shekel za leh sawmthum a gih, dangka sia kuong khat leh shekel sawmsagi a gih dangka sia hengkuong khat alan a, ann sillat dingin sathautoh kihal, tangbuong nel ngingei hengkuongte gel dim tuoh ahi. 26Shekel sawm toh kikim a gih, gim namtui sana tawkeu dim khat; 27Halmang sillat ding bawngtal nou khat, kum khat a upa belamnou khat; 28Khelna sillat dingin kelnou khat; 29Tualeh lemna sillat dingin, bawngtal ni, belam tal nga, keltal nga, kum khat a upa belamnou nga, tamte Helon tapa Eliab sillatte ahi. 30Ni li niin Reuben tate lamkai Shedeur tapa Elizur in alan hi. 31A sillat khu mun siengthou a shekel tena bangin, shekel zale-sawmthum a gih, dangka sia kuong khat, shekel sawm sagi agih dangkasia hengkuong khat alan a, ann sillat dingin, sathau toh kihal tangbuong nel ngi ngei hengkuongte gel dim tuoh ahi. 32Shekel sawm toh kikim a gih, gimnamtui sana tawkeu dim khat; 33Halmang sillat ding bawngtal nou khat, belamtal khat kum khat a upa belamnou khat; 34Khelna sillat dingin kelnou khat; 35Tualeh lemna sillat dingin bawngtal ni, belamtal nga, keltal nga, kum khat a upa belamnou nga, tamte Shedeur tapa Elizur sillatte ahi. 36Ni nga niin Simeon tate lamkai Zurishaddai tapa Shelumiel in alan hi. 37A sillat khu mun siengthou a shekel tena bangin, shekel za leh sawmthum a gih dangka sia kuong khat, shekel sawmsagi a gih dangka sia hengkuong khat alan a, ann sillat dingin, sathau toh kihal tangbuong nel ngi ngei hengkuongte gel dim tuoh ahi. 38Shekel sawm toh kikim a gih gimnamtui sana tawkeu dim khat, 39Halmang sillat ding bawngtal nou khat, belamtal khat, kum khat a upa belamnou khat; 40Khelna sillat dingin kelnou khat; 41Tualeh Lemna sillat dingin bawngtal ni, belamtal nga; keltal nga, kumkhat a upa belamnou nga, tamte Zurishaddai tapa Shelumiel sillat ahi. 42Ni guh niin Gad tate lamkai Deuel tapa Eliasaph in alan hi. 43A sillat khu mun siengthou a shekel tena bangin shekel za leh sawmthum a gih dangka sia kuong khat shekel sawm sagi a gih dangka sia hengkuong khat alan a; ann sillat dingin sathau toh kihal tangbuong nel ngi ngei hengkuongte gel dim tuoh ahi. 44Shekel sawm toh kikim a gih gimnamtui sana tawkeu dim khat; 45Halmang sillat ding bawngtal nou khat, belamtal khat kum khat a upa belamnou khat; 46Khelna sillat dingin kelnou khat; 47Tualeh lemna sillat dingin bawngtal ni, belamtal nga, keltal nga, kum khat a upa belamnou nga, tamte Deuel tapa Eliasaph sillatte ahi. 48Ni sagi niin Ephraim tate lamkai Ammihud tapa Elishama in alan hi. 49A sillat khu mun siengthoua shekel tena bangin shekel za leh-sawm thum a gih dangkasia kuong khat, shekel sawm sagi a gih dangka sia hengkuong khat alan a; ann sillat dingin sathau toh kihal tangbuong nel ngi ngei hengkuongtegel dim tuoh ahi. 50Shekel sawm toh kikim a gih gimnamtui sana tawkeu dim khat; 51Halmang sillat ding bawngtalnou khat, belamtal khat; kum khat a upa belamnou khat; 52Khelna sillat dingin kel nou khat; 53Tualeh lemna sillat dingin bawngtal ni, belamtal nga, keltal nga, kum khat a upa belamnou nga, tamte Ammihud tapa Elishama sillat ahi. 54Ani giet niin Manasseh tate lamkai Pedahzur tapa Gamaliel in alan hi. 55A sillat khu mun siengthoua shekel tena bangin shekel za leh sawmthum a gih, dangka sia kuong khat leh shekel sawm sagi a gih dangka-sia hengkuong khat, alan a; ann sillat dingin sathau toh kihal tangbuong nel ngi ngei hengkuongte gel dim tuoh ahi. 56Shekel sawm toh kikim a gih gimnamtui sana tawkeu dimkhat; 57Halmang sillat ding bawngtal nou khat, belamtal khat, kum khat a upa belamnou khat; 58Khelna sillat dingin kelnou khat. 59Tualeh lemna sillat dingin bawngtal ni, belamtal nga, keltal nga, kum khat a upa belamnou nga: tamte Pedahzur tapa Gamaliel sillatte ahi. 60Ni kuo niin, Benjaminte lamkai Gideon tapa Abidan in alan hi. 61A sillat khu mun siengthou a, shekel tena bang in shekel za leh sawmthum a gih, dangka sia kuong khat leh shekel sawm sagi a gih dangka sia heng kuong khat alan a; ann sillat dingin sathau toh kihal, tangbuong nel ngi ngei hengkuong tegel dim tuoh ahi. 62Shekel sawm toh kikim a gih gimnamtui sana tawkeu dim khat. 63Halmang sillat ding bawngtal nou khat, belam tal khat, kum khat a upa belam nou khat; 64Khelna sillat dingin kelnou khat; 65Tualeh lemna sillat dingin bawngtal ni, belam tal nga, keltal nga, kum khat a upa belamnou nga; tamte Gideon tapa Abidan sillatte ahi. 66Ani sawmni in Dan tate lamkai Ammishaddai tapa Ahiezer in alan hi. 67A sillat khu mun siengthou a shekel tena bangin shekel za leh sawmthum a gih, dangka sia kuong khat leh shekel sawm sagi a gih dangka sia heng kuong khat alan a; tangbuong sillat dingin, sathau toh kihal tangbuong nel ngi ngei hengkuongte gel dim tuoh ahi. 68Shekel sawm toh kikim agih gimnamtui sana tawkeu dimkhat; 69Halmang sillat ding bawngtal nou khat, belamtal khat, kum khat a upa belamnou khat; 70Khelna sillat dingin kelnou khat; 71Tualeh lemna sillat dingin bawngtal ni, belamtal nga, Keltal nga, kum khat a upa belamnou nga; tamte Ammishaddai tapa Ahiezer sillatte ahi. 72Ni sawm leh khat niin Asher tate lamkai Okran tapa Pagiel in alan hi. 73A sillat khu mun siengthoua shekel tena bangin shekel za leh sawmthum a gih dangka sia kuong khat leh shekel sawm sagi a gih dangka sia hengkuong khat alan a, ann sillat dingin sathau toh kihal, tangbuong nel ngi ngei hengkuong tegel dim tuoh ahi. 74Shekel sawm toh kikim a gih gim namtui sana tawkeu dim khat. 75Halmang sillat ding bawngtal nou khat, belamtal khat, kum khat a upa belamnou khat. 76Khelna sillat dingin kelnou khat. 77Tualeh lemna sillat dingin bawngtal ni, belamtal nga, keltal nga, kum khat a upa belamnou nga; tamte Okran tapa Pagiel sillatte ahi. 78Nisawm leh nini niin Naphtali tate lamkai Enan tapa Ahira in alan hi. 79A sillat khu mun siengthou a shekel tena bangin shekel za leh sawmthum a gih dangka sia kuong khat leh shekel sawm sagi a gih dangka sia hengkuong khat alan a; ann sillat dingin, sathau toh kihal, tangbuong nel ngi ngei hengkuong tegel dim tuoh ahi. 80Shekel sawm toh kikim a gih gimnamtui, sana tawkeu dim khat. 81Halmang sillat dingin, bawngtal nou khat, belam tal khat, kum khat a upa belam nou khat; 82Khelna sillat dingin kelnou khat; 83Tualeh lemna sillat dingin bawngtal ni, belamtal nga, keltal nga, kum khat a upa belamnou nga: tamte Enan tapa Ahira sillatte ahi.
84Maitam sathau anu ni ua, Israel lamkaite sillatte tamte ahi: Dangka sia kuong sawm leh ni, dangka sia hengkuong sawm leh ni, sana tawkeu sawm leh ni ahi. 85Dangka sia kuong khat shekel za leh sawmthum a gih; chiet, hengkuong shekel sawm sagi a gih chiet; dang ka sia kuong zousie aun in, mun siengthou shekel simdan bangin shekel tul ni leh zali a gih ahi. 86Sana tawkeu sawm leh ni, gimnamtuia dim, mun siengthou shekel tena dan bangin shekel sawma gih chiet ahia; tawkeu a sana zousie aun in shekel za leh sawmni ahi. 87Halmang sillat ding bawngtal zousie a un in sawm leh ni ahia, belamtal sawm leh ni, belamnou kum khat a upa sawm leh ni, tualeh khelna sillat ding kelnou sawm leh ni ahi. 88Tualeh lemna kithoina sillat ding bawngtal sawmni leh li, belamtal sawm guh, keltal sawmguh, tualeh belamnou kum khat a upa sawmguh, Tamte maitam sathau kinu zoua akisiensuona sillatte ahi. 89Tuachi’n Mosi, Pasian be dinga kimutuona biehbuh sunga alut leh Cherubimte gel kikaal a, hepina thuhun bawm tunga um hepina toupha akipat in ama hing houpi aw khat aza a, tuachi’n aman zong ahoupi ta hi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.