KISIMNABU 6
6
Nazir hina dinga thuchiemte
1Tualeh Mangpa’n Mosi ahoupi a akungah; 2“Israel tate kungah thu gen inlen, akung uah, Pasal ahiei, numei ahiei in, Mangpa dinga kituom koi dinga, Nazir mi#Nazir mi: Asiengthou dia kipetuom, kituom koi china ahi. Pasal leh Numei zong panthei ahi. Gentena in Samson, Samuel leh Baptispa Johan te ahi uhi hina dinga kichiemna anei lai un; 3#Luk. 1.15Zu leh zu chia apat akituom koi ding ahi, grep zu leh grep zu chia zong adawn ding ahisih, greptui zong adawn sih dinga, grep ga vuoi leh agaw zong anesih ding hi. 4Akituomkoi sungsie grep guia kipata kibawl, atanga kipat ahaw tan dongin bangma ane sih ding hi. 5“Kituomkoi dinga akichiem sungsie alutang leh sam heuna tem akithu khah louding ahi, Mangpa adinga akituomkoi hun achin masangsie ama pen asiengthou dinga, asam akhoi ding ahi.#Na agen khu Nazir Pasian adinga kituom koiten alu uh, asam uh aheu louding uh ahi. 6“Mangpa adinga akituomkoi sungteng, shiluong kunga zong apei khah vawt lou ding ahi. 7Apa ahiei, anu ahiei, asanggampa ahiei asanggamnu ahiei shi ziehin zong akisu bua ding ahi sih hi; Pasian a dinga akikoi siengthouna alutunga um ahi ziehin. 8Akituomkoi sungsie Mangpa adinga siengthou ahi ding hi.
9“Ama kunga mi thakhat a ashi a akikoisiengthouna lutang asuh bua tahleh, akisiensuo#Kisiensuo: Kilemna, abawl chia asam a met ding ni ani sagi niin alu aheu ding ahi. 10Tualeh ni giet niin, kimutuona biehbuh kotkha a, siempu kungah vakhu kopkhat ahiei, vapal nou khat ahiei ahing tawi ding hi. 11Siempuin, khat khelna thoina dingin alan dinga adangkhat pen halmang sillat in, mi shi zieha abawlkhelna ziehin kilemna abawl pieh dinga, tualeh tuani main alu asu siengthou ding hi. 12Tualeh akituom koina nite Mangpa masanga akoi siengthoukia na dingin belamnou atal kum khat a upa khat tatkhelna kithoina dingin ahing tawi ding hi; hinanleh akituom koina buasah ahitah ziehin amasanga nite bangmalou asuohta hi.
13 #
Nasep. 21.23,24 “Tualeh Tamkhu Nazir miin akituomkoina#kituomkoina: Kipieh khiehna nite abuchin chienga abawl ding dan ahi, ama pen kimutuona biehbuh ah kotkhabul ah akipui dinga, 14Belamnou tal kum khat a upa gensiet bei khat halmang sillat dingin, belamnou anu kum khat a upa, gensietbei khat khelna sillat dingin, belam tal gensiet bei khat, lemna sillat dingin alan ding hi. 15Tualeh tanghou tolsawlou leh sathau toh kihal tangbuonga kibawl tanghou beu leh sathau toh kimeh tolsawlou tanghou pheng law khat toh, a ann sillat u’leh adawn sillat uh alan ding hi.
16Tualeh siempuin tuate khu Mangpa masangah ahing tawi dinga, akhelna sillat leh ahalmang sillat alan ding hi. 17Tualeh belamtal khu law sunga um tolsawlou tanghou toh Mangpa kunga lemna sillat dingin alan dinga: siempuin a ann sillat leh dawn sillat zong alan ding hi. 18Tualeh Nazir mipan kimutuona biehbuh kotphung ah, akituomkoina lu aheu dinga, akituomkoina lu a sam ala dinga, lemna sillat kithoina nei a um mei khuh a avah ding ahi.
19Tualeh siempuin belamtal lieng kihuon min leh law sunga um tolsawlou tanghou beu khat leh tanghou pheng khat ala dinga, akituomkoina sam aheu zou chiengin Nazir mipa khut ah atawi sah ding hi. 20Tualeh siempuin Mangpa masangah vei sillat ding in avei ding hi; tam pen siempu satan sil siengthou ahi ding hi, a awm vei sillat leh amal vei sillat toh. Tuazou chiengin Nazir mipa’n uoin adawn thei ta ding hi.
21“Tamte Mangpa masanga Nazir mi kichiemna leh a sillat dan ahi, ama ut thua alat simlou in, akituomkoina kichiemna dan dungzuiin abawl ding ahi,” chiin achi hi.
Siempu guol zawlna phuiteng
22Tualeh Mangpa’n Mosi ahoupi a akungah, 23“Aaron leh atapate kungah gen inlen tambangin Israel tate na guolzawl ding uh ahi, akung uah chiin; 24“Mangpa’n nang hing guolzawl henlen, hing kemta henlen, 25Mangpa’n a mel na tungah tangsah#Living Bible ah: “Alungdamna maisuo hing musah henlen” a kichi hi henlen, hing hepi zel ta hen. 26Mangpa nanglam hing nga henlen, lungmuonna#Lungmuona: Hebru ham in Shalom akichi hi. Hebru te ngaidan in lungmuon na or lemna aum chiengin hausatna leh kipahna, lungnopna zong a um hi, a chi uhi hing peta hen, chiin achi hi. 27“Tuachi’n amauten Israel tate tungah, Ka min atuongsah ding ua, tuachi’n ken amaute ka guol zawl ding hi,” achi hi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.