MATHIU 4
4
6
Gamdai a Jesu sola aumna khatveina
(Mak. 1.12,13; Luk. 4.1-4)
1 #
Heb. 2.18; 4.15 Tuachi’n Jesu dawimangpa sol aum dingin gamdai ah Hagau puilut in a umta hi. 2Tualeh sun sawm li leh zan sawmli anngawl a a um nua in agil ahing kielta hi. 3Tuachi’n asoldingpa ahing pei a, akungah, “Pasian tapa na hileh tam suongte tanghou suohsah dingin thu pie in” achi hi. 4#Danp. 8.3Hinanleh Aman adawnga akungah, “Mihing tanghou guoh in ahing sih dinga, Pasian kam a thu chin pawtin ahingzaw ding, chi gel ahi,” achi hi.
Solna niveina
(Luk. 4.9-12)
5Tuachi’n dawimangpa’n Ama khopi siengthou ah apuitou a, Pasian biehinn khumvum ah akoi a, 6#Late. 91.11,12tualeh akungah, Pasian tapa na hileh kesuhin aziehpen tambanga gel ahi:
“Na tungtang thu ah Aman avansawlsiengte thu ape dinga,
akhut un ahing na dom tou ding uh,
tuachilouin na kengin suong khat
asuikha ding hi,”
achi hi.
7 #
Danp. 6.16
Jesu’n akung ah, “Mangpa na Pasian ze et sin chi gel ahi kia hi,” achi hi. 8Tualeh dawimangpa’n ama khu muol sangtah tung khat ah azawpitou kia a, leitung leenggam zousie leh athupina uh a ensah a; 9tualeh akung ah, “Khupboh a na hing bieh leh tamte zousie ka hing pe ding hi” achi hi.
10 #
Danp. 6.13
Tuachi’n Jesu’n akungah,
“Tana kipat in peimang in Setan,
Mangpa na Pasian na be dinga,
Ama nna bou nasep ding ahi,
chi gel ahi,”
achi hi.
11Tuachi’n diabol in, anuasieta a, tualeh Ngai vawi, Vansawlsiengte ahing pei ua, ana aseppiehta uhi.
Jesu in nasep apatna
(Mak. 1.14,15; Luk. 4.14,31)
12 #
Mat. 14.3; Mak. 6.17; Luk. 3.19,20 Tuin Johan suongkul ah akhum uh chi Jesu’n azahtah in Galili gam lam ah akihemkheta hi. 13#Jn. 2.12Tualeh Nazareth khuo nuasie in, Zebulun leh Naphtali gamkai sunga, tuipi gei a um Kapernaum khuo ah ava tengta hi. 14Guolnei Isai in, tambanga athugente ahing tangtun theina ding ahi:
15 #
Isai. 9.1,2 “Tuipi lam a Jordan gal a Zebulun gam
leh Naphtali gam,
Jentelte Galili!
16Miel lah a touten vah thupitah amuta,
shina gam leh lim a toute tungah,
khovah ahing suohta hi,”
ana chi khu.
17 #
Mat. 3.2
Khum huna kipat in Jesu’n “Kisia un van gam anaita hi, chi’n thugen apanta hi.”
Anuazui masate ahatna
(Mak. 1.16-20)
18Tualeh Jesu Galili tuipi gei a avah laiin Simon kichi Peter leh asanggampa Andru, tuipi a lensep a um amu a, ama uh nga man mi mawng ahi uhi. 19Tualeh aman akung uah, “Hing zui un, mihing manin ka hing bawl ding,” achi hi. 20Tuachi’n a maun alente uh anuasie pai ua, Ama azuita uhi. 21Tualeh khuna kipat in apei zela, unau dang ni Zebedi tapate Jakob leh asanggampa Johan apa u’toh kuong sunga alente uh phaw a um amu a, tualeh amauh ahan a, 22tualeh amaun kuong leh apa uh anuasie pai ua, Ama azuita uhi.
Galili gam a Jesu nasepna
23 #
Mat. 9.35; Mak. 1.39 Tuachi’n Jesu Galili gam pumpi ah apei kawi kawi a, akikhopna innte uah, leenggam khantanhoi thu agen a, mite lah a natna chinteng leh damlouna chinteng, adam sah zel hi. 24Tuachi’n Siria gam pumpi ah aminthangta a, tualeh amaun natna chi tuom tuom a damlou zousie leh dawi matte buhshite, zengte, akungah ahing pui ua, Aman ana sudam zel hi. 25Tualeh Galili akipat, Dekapolis#Dekapolis-Khopi sawm china ahi. akipat, Jerusalem akipat, Judia gam leh Jordan gallam a kipat in mi tampiin Ama azui uhi.
Currently Selected:
MATHIU 4: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.