MATHIU 3
3
Baptispa Johan leh athuhil
1Khum hunlaiin Baptispa Johan khu Judia gamdai ah thu genin ahing pei hi, 2#Mat. 4.17; Mak. 1.15“Kisia un, vangam anaita hi!” achiin agen hi. 3#Isai. 40.3Ama ahi, Guolnei Isai in,
“Gamdai a mi kikou aw in,
Mangpa lamlien siel unlen,
alampite sutang un, achi hi,”
chia a nagen khu.
4 #
2 Leeng. 1.8
Tualeh tua Johan in sangawngsau mul puon asil a, akawng savun kawnggahin agah a, a ann khu khaukhup leh gam khuoizu ahi. 5Tuachi’n Jerusalem leh Judia gam pumpi leh Jordan gamkai kimvel a um mi zousie akungah ahing pei ua, 6akhelnate uh thupha tawiin, Jordan lui ah ama kungah baptisma atangta uhi.
Baptispa Johan thugen
(Mak. 1.7-9; Luk. 3.7-9,16-17)
7 #
Mat. 12.34; 23.33 Hinanleh Aman Pharisaite leh Saddukaite tampi akunga baptisma tang dinga hing pei amu tahin akung uah “Nou gul suonte aw, lungthahna hing tung ding taisan ding a hing thuhil koi ahiei? 8Tuazieh in kisiana min potaahin ga suong un. 9#Jn. 8.33Tualeh Abraham ka pu uh ahi chi’n kingaituo sih un, Pasian in tam suongte zong Abraham hahlesuonte in adingsah thei hi, chi’n ka hing hil ahi. 10#Mat. 7.19Tualeh tuin zong sing bul chin ah heipi koi ahita hi. Tuaziehin sing chin ga hoia ga lou pouma akiphua a mei ah akipailut zel hi. 11“Ken kisiana dingin noute tuiin ka hing baptis ngei a, hinanleh ka nua a hing pei ding pa kei sangin athupizaw a, akedap tawitah zong ka hi sih hi; Aman Hagau Siengthou leh mei in ahing baptis ding hi. 12Akhut ah a phazap atawi a, aphuol a bute azap chiil dinga, bu pangah abute asungkhawm ding a hinanleh bushite pen mei mit theilou in ahaltum ding hi.”
Jesu Baptisma tanna
(Mak. 1.12,13; Luk. 4.1-4)
13Tuachi’n Jesu, Johan kunga baptisma tang dingin Galili gam akipat in Jordan lui ah ahing pei a; 14Johan in Nang, “Kei na hing baptis kiphamawzaw hinapi a, kei kunga hing peizawsop ding na hiei mah? chiin ana kham tum hi. 15Hinanleh Jesu’n a dawnga akungah, “Tuin pha sain, tambanga dihtatna zousie bawl bukim ei a dingin ahoi hi,” achi hi. Tuachi’n pha asata hi. 16Tuachi’n Jesu’n baptisma atan zouin, tui akipat in apawtdoh pai a, tualeh Ngai vawi, van khu ama dingin ahing kihong a, Pasian Hagau vakhu banga hing kumsuh in atunga hing tu khu amuta hi. 17#Siem. 22.2; Late. 2.7; Isai. 42.1; Mat. 12.18; 17.5; Mak. 1.11; Luk. 9.35Tualeh Ngai vawi, thakhat in van a kipat in aw khat in, “Tami ka tapa deita, ka kipahna mama ahi,” achi hi.
Currently Selected:
MATHIU 3: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.