MATHIU 28
28
Jesu thawkiana
1Khawlni beizou, nipikaal khat a ani masapen ding khovah kuonin, Mari Magdalene#Mari Magdalene-Magdala khuo a Mari china ahia, asunga pat dawi sagi kideldohna nu ahi. leh Mari dang han en dingin akuon uhi. 2Tualeh Ngai vawi, zil nasatah in alinga; Mangpa vansawlsieng van akipat in ahing kumsuh a, suong khu aliakhie a, atungah atouta hi. 3Amel lat dan khu kawlphe bang ahi a, apuonsilte vua bangin avaam hi. 4Ama agiin zieh un vengmite khu achitun ua, mishi bangin aumta uhi.
5Hinanleh vansawlsiengin numeite ahoupi a, akung uah “Zausih un; Jesu kilbeh a umpa sui na hi uh chi ka thei hi. 6Ama tanah a um nawn sih hi, agensa bangin Ama athouta hi. Alupna mun hing en vawi un. 7Tualeh kintah in pei unlen, Anuazuite kungah, mishi laha kipat in athoukiata; tualeh Ngai un, Galili gam ah na masang uah apei hi, tua mun ah Ama na mu ding uh, chi’n va hil un. Ngai un, Ka hing hilzouta hi, achi hi. 8Tuachi’n amaun thakhat in zau leh kipah mama kawmin han anuasie ua, anuazuite hil dingin ataita uhi.
Numeite kunga Jesu kilahna
9Anua zuite hil ding a apei lai un, Ngai vawi, Jesu’n amauh ana kituohpi a, “Nuom un!” achi hi. Tualeh amauh ahing pei ua akeng atu ua, abeta uhi. 10Tuachi’n Jesu’n akung uah, “Zau sih unlen ka sanggamte Galili gam a pei dingin va hil un, khunah kei ahing mu ding uhi.”
Galkapte agolguhna uh
11Tualeh amauh apei lai un, Ngai vawi, vengmite lawikhat khopi sungah ahing lut ua, siempu liente kung ah, sil umdan zousie ava hilta uhi. 12Siempu liente upate toh akikhawm ua, akikup khawm zou un, galkapte kungah sum tampi apie ua, 13akung uah, “Zanlai ka imut kaal un, anuazuite ahing pei ua, Ama ana gumangta uhi chi un, achi uhi. 14Gam uhpipa’n ana zahkhah tahleh, Kouman ama ka sulungkim ding ua, noute na bit nading uhi” achi uhi. 15Tuachi’n sum khu ala ua, ahil bangbang un abawlta ua, tuachi’n tam thu khu Judamite lah ah tuni tan in tambangin akigen nalai hi.
Jesu nuazuite kunga kilahna
16 #
Mat. 26.32; Mak. 14.28 Tuachi’n nuazui sawm leh khatte khu Galili gam a Jesu’n aguotpiehna muol ah apeita uhi. 17Tualeh Ama amu tah un abie ua, hinanleh kimkhatten aginglel uhi. 18Tuachi’n Jesu akung ua hing peiin, amauh ahoupi a, “Van leh lei a thuneina zousie ka kunga pieh ahita hi. 19#Nasep. 1.8Tuazieh in pei unlen, namchin apat nuazui ding bawl unlen, Pa leh Tapa leh Hagausiengthou min in baptis unlen; 20thu ka hing piehte zousie zui dingin thu hil un, tualeh ngai un, Kei bangchih tan in, leitung tawp dongin na kung uah ka um ding hi, achi hi.” Amen.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.