MATHIU 27
27
Pilat mai a Jesu adinna
(Mak. 15.1; Luk. 22.66; 23.1; Jn. 18.28)
1Zingmawng ahing hitahin, siempu liente leh vantang upate zousie Jesu thana ding thu akikum uhi. 2Tualeh Ama akaan ua, azawpi ua, gam uhpipa Pontius Pilat#Pilat uhpipa (Governor) in 26 A.D. apat 36 A.D. tan Palestin gam ah uhpipa in ana pang hi. kungah apekheta uhi.
Judas kisiana leh shina
(Nasep. 1.18,19)
3 #
Nasep. 1.18,19 Tuachi’n Ama mansahpa Judas in Jesu amawpaita uh chi atheitahin akisia a, dangka sawmthum khu siempu liente leh upate kungah, ahing tawi kia a, 4“Mawna neilou sisan ka matsah khu ka khielta hi,” ava chi hi. Tualeh amaun “Kou a dingin bang akhoh diei? Nang na lawlaw kilawin achisanta uhi.” 5Tuachi’n aman dangka khu Pasian biehinn sungah aseplut a, apei a, ava awhlumta hi.
6Hinanleh siempu lienten dangka khu ala ua, “Tampen sisan man ahiziehin thawlawm bawm a koi asieng sih hi,” achi uhi. 7Tualeh akikumkhawm ua, mikhuolte vuina dingin tua sumin belkhengpa mun aleita uhi. 8Tuaziehin khum mun khu tutan in, sisan mun achita uhi.
9 #
Zek. 11.12,13 Tuachi’n guolnei Jeremiah thugen,
“Israel tate lah a koite ahiei in ana sah uh,
Ama man ding dangka sawmthum khu ala ua.
10Mangpa’n ahing hil bangin, belkhengmi mun man dingin apie uh achi khu hing tangtung ta hi.”
Jesu pilat mai ah
(Mak. 15.2-5; Luk. 22.2-5; Jn. 18.29-38)
11Tuachi’n Jesu gam uhpipa mai ah adinga tualeh gam uhpipa’n, “Nang Judate leengpa na hiei mah?” Chiin adonga, tuachi’n Jesu’n akungah, “Na genta hi,” achi hi. 12Tualeh siempu liente leh upaten ahehsiet laitah un, bangma in adawng sih hi. 13Tuachi’n Pilat in akungah, “Ahing hehsietna tengpi uh zalou na hiei mah?” achi hi.
14Tualeh Aman kamteng khat in zong adawng sih hi, tuachi’n gam uhpipa’n lamdang asa mama hi.
Jesu khailup a, Baraba hakhiet ding
(Mak. 15.6-14; Luk. 23.17-23; Jn. 18.39,40)
15Tualeh pawi bawl ni chiengin gam uhpipa in henta khat, mipiten adeidei uh, ngaina dan in ahakhiet pieh zel hi. 16Tualeh khum hun laitah in henta minthangtah Baraba kichi mi khat anei uhi. 17Tuaziehin amaute ahing kikhop tah un, Pilat in akung uah, “Koizaw hing hadoh leng na ut uoi? Baraba ahiei ahisihleh Jesu Khrist kichipa?” achi hi. 18Thangsietna zieh a amatsah uh ahi chi aman athei hi.
19Vaihawmna toupha a atou laiin, azi in akungah mi asawl a, “Tua midih tungah bangma bawl sin, tuniin Ama ziehin ka mangin sil tampi ka thuoh hi ava chisah hi.” 20Hinanleh siempu liente leh upaten Baraba khu ngen ua Jesu thatlum dingin mipite asol lungdam uhi. 21Gam uhpipa’n amauh ahoupi a, “Nite lah a koizaw hing hakha leng chi na hi uoi,” achi a; Amaun Baraba, achi uhi.
22Pilat in akung uah, “Ahileh Jesu Khrist kichi bang ka lawta diei le?” achi hi. Abawnpi un “Ama pen kross ah kilbeh in um heh,” achi uhi. 23Tuachi’n gam uhpipa’n bang dingin e? “Bang bawl khiel anei a ahiei?” achi hi. Amauten abawn un, “Kross ah kilbehin um heh,” chiin akikou nasa semsem uhi. 24#Danp. 21.6-9Pilat in bangma alaw thei sih a, hing buoi deudeu ding hi chi atheitah in, tui ala a, mipite mai a akhut sil in, “Tam midih sisan ah mawna ka nei sih hi, nouten na lawlaw kilawta un” achi hi.
25Tuachi’n mipite zousie in, “Asisan pen kouma leh ka tate uh tung ah tu heh,” achi uhi. 26Tuachi’n aman Baraba khu akung uah, ahakheta a, tualeh Jesu ajep a, kilbeh dingin apeta hi.
Jesu ajepna uh
(Mak. 15.15-17; Luk. 23.24,25; Jn. 19.16)
27Tuazou in gam uhpipa galkapten Jesu khu innpi huong sungah apuilut ua, apawlpawla um galkap zousie akimkot ah ahing kikhawmta uhi. 28Tualeh Apuonsilte ahawhkhiet pieh ua, puonsandup asilsah uhi.
Jesu Golgotha a apuina uh
(Mak. 15.18-22; Luk. 23.26-33; Jn. 19.17)
29Tualeh linglukhu aphan ua, akhusah ua, akhut ziet langah pumpeng chiengkhut khat atawisah ua, amai ah akhupdin ua, “Salam Judate leengpa!” Chi’n chiemmui bawlnan anei uhi. 30Tuachi’n atungah chil asietkhum ua, pumpeng chiengkhut alahpieh ua, alutang satnain anei uhi. 31Tuachi’n Ama chiemmui bawlna a anei zou un, puonsandup khu ahawhkhiet pieh ua, Ama puonte asilsah kia ua, Kross a kilbeh dingin apuita uhi.
32Ahing pawtdoh lai un, Sairin#Sairin-Cyrene (Eng) mundang Kuruni akichi hi. Afrika mallam gam monga khopi thupi khat a hi hi. khuo a mi amin Simon kichi mi khat a mu ua, ama khu Kross paw dingin aman uhi. 33Tualeh Golgotha kichi mun ahing tun tah un, (tuakhu lugu mun china ahi.)
Jesu kilbeh a aumna
(Mak. 15.23-32; Luk. 23.33-43; Jn. 19.18-24)
34 #
Late. 69.21
Uain thua, silkha toh kihal dawn ding in apie ua, Aman tua khu achiem a, adawn nuom tasih hi. 35#Late. 22.18Tuachi’n Ama Kross ah akhenbeh ua, tualeh aisanna in apuonsilte akihawm uhi; guolnei in, Ka puonte akihawm ua, ka puonsil tung ah ai asan uhi, chia anagen atangtunna dingin. 36Tualeh khunah atou ua, Ama avengta uhi. 37Tualeh ahehsietna uh, “TAMI JUDATE LENGPA JESU AHI”, chia kigiel alutung ah atahta uhi. 38Tualeh Ama toh suomhat mi ni zong akilbeh ua, azietlam ah khat, aveilam ah khat.
39 #
Late. 22.7; 109.25 Tualeh akunga suohkha poumain, alu uh thing in, a elhou uhi. 40#Mat. 26.61; Jn. 2.19“Nang Pasian biehinn susie a, ni thum sunga lam kiapa, nangleh nang kihunkhe ve, Pasian tapa na hileh hing kumkhie in,” achi uhi.
41Tuamabangin siempu liente, laigielmite leh upaten zong, a enghou uhi, 42“Aman midangte ahundam a, Ama leh Ama akihundam thei sih hi. Israelte leengpa ahileh kross dawn apat hing kum leh asih diei, tuahileh Ama i gingta mai ding uhi. 43#Late. 22.8Aman Pasian amuong vele, Ama aut leh tuin hundam leh aveleh, Pasian tapa ka hi achi hilou i,” achi uhi. 44Suomhat Ama toh akilbehte un zong, tuamabangin a elhou uhi.
Jesu shina
(Mak. 15.33-37; Luk. 23.44-46; Jn. 19.28-30)
45Sunkim akipat in nitahlam nai thum dongin leitung pumpi ahing mielta hi. 46#Late. 22.1Tualeh nai thum#naithum-sumkim nai 12 vel ahia nai kuo pen nitahlam nai thum vel, eite ding ann huon hun vel ahi. ding vel in Jesu aw ngaitah in akikou a, “Eloi Eloi lama Sabakthani?” tuakhu “Ka Pasian Ka Pasian bangdinga hing taisan na hei?” china ahi. 47Khuna akunga dingten tuakhu azah tahun “Tam mipa’n Elijah ahan hi,” achi uhi. 48#Late. 69.21Alah ua mi khat atai pai a, Spanji#spanji tuihupna, tulai chi dan in dunlop ahi. khat ala a, uoin thua ah adie a, pumpeng chieng dawnah ata a, dawn dingin ape tou hi.
49Adangten Amatangin umsah un, “Ama hunkhe dingin Elijah ahing pei mawng ei mah enva ui,” achi uhi. 50Jesu aw ngaitahin akikou kia a, ahagau ahata hi.
Jesu shi laitah a sillamdang umte
(Mak. 15.38-41; Luk. 23.45,47-49)
51 #
Pawt. 26.31-33
Tualeh Ngai un, Pasian biehinn puonjah khu, atunglam apat in anuoilam dongin phal ni kisuoin akehsuoh a, zilpi ahing ling a, suongpite ahing pohkeh a, 52tualeh hante ahing kihong a, misiengthou imusate tahsa tampi kaithawin a umta hi, 53tuate Ama thawkia nuain hante apat hing pawtdoh in khopi siengthou ah alut ua, mi tampi kungah akilah uhi.
54Tuachi’n galkap za lamkaipa leh Jesu venga umten zilling leh sil umdante amu un, azauta mama ua, “Tam Mipa Pasian Tapa dihtah ahi,” achi uhi. 55#Luk. 8.2,3Tualeh khunah numei tampi ana seppieh kawm zela Galili gam akipata hing zuite aum ua, gamlapi ah a en ua; 56tuate lah ah Mari Magdalene, Jakob leh Joseph nu, Mari, tualeh Zebedi tate nu, a um uhi.
Jesu vui a umna
(Mak. 15.42-47; Luk. 23.50-55; Jn. 19.38-42)
57Nitahlam ahing hitah in, Arimathai khuo a um Jesu nuazui khat, amin Joseph, mi hausa khat ahing pei a, 58tua mipa khu Pilat kungah ava pei a, Jesu luong angen hi. Tuachi’n Pilat in aluong khu pieh ding thu apie hi. 59Tualeh Joseph in aluong khu ala a, diel puon nemtahin atuom a, 60ahantha suongkhuoh hawm sung ah, asiel a, tualeh hankot ah suong lienpi khat alia lut a apeita hi. 61Tualeh Mari Magdalene leh Mari dang khat han mazawn ah atou uhi.
62Azingni, tuakhu kiginni zing ni ahia, siempu liente leh Pharisaite Pilat kungah ahing kikhawm ua; 63#Mat. 16.21; 17.23; 20.19; Mak. 8.31; 9.31; 10.33,34; Luk. 9.22; 18.31-33“Pu, tua misolhatpa’n adamlai in, Ni thum nuain Ka thoukia ding achi ka theizing uhi. 64Tuaziehin han khu anithum ni tan hoitah a veng dingin thu pie in, tuachilouinvang zanlaiin anua zuiten ava gu khading ua, mipite lah ah, mishi lah akipat in athou kiata achi khading uhi; tuachi’n solna nukhia zaw khu amasa sangin asezaw khading hi,” achi uhi.
65Pilat in akung uah, “Vengmi galkapte na nei ve ua le, pei unlen, na theitawp un veng hoisah ta un,” achi hi. 66Tuachi’n vengmi galkapte toh apei ua, han khu a enchien ua, a suong achiemte ua, vengmi akoita uhi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.