MATHIU 19
19
Ki khul tungtang dohna
(Mak. 10.1-16; Luk. 18.15-17)
1Tualeh Jesu’n tua thute agen zouin, Galili gam akipat in apawt a, Jordan lui gal Judia gam ah atungta hi. 2Mipi tampi in Ama azui ua, Khunah Aman amaute ana sudam hi.
3Pharisaite zong akungah ahing pei ua, “Ama aze et ua, akungah, bang ahiei zieh khat poupouin mi’n azi akhul a sieng ei?” achi uhi.
4 #
Siem. 1.27; 5.2 Tualeh Aman adawnga, akung uah, “Achiil akipat a ama uh siempa’n numei leh pasal in ana siem hi, chi simkhalou na hi uoimah? achi hi. 5#Siem. 2.24Tualeh tamte ziehin pasal in anu leh apa anuasie dinga azi atu ding hi, tuachi’n ani un sapumkhat ahing hita ding uhi, achi hi; chi na sim sih uh amah? 6Tuachi’n amauh ni ahi nawn sih ua, Sapumkhat ahita uhi. Tuaziehin Pasian in agawmsa mihingin khen sih heh,” achi hi.
7 #
Danp. 24.1-4; Mat. 5.31 Amaun akungah, “Ahileh bangding a Mosi in kikhulna lai pieh a khul ding ahi, chia thu apieh ahiei?” achi uhi.
8Aman akung uah, “Mosi in na lungtang uh akhau zieha, na zite uh khul ahing phalpieh ahi, hinanleh achiil akipat in tuachibang ahi sih hi. 9#Mat. 5.32; 1 Kor. 7.10,11Tualeh ken ka hing hil ahi, Koipou in, angkawm zieh hiloupi a azi akhul midang akitenpi leh angkawm ahi, tualeh khulsa kitenpi pouma zong angkawm ahi, achi hi.
10Anuazuiten akungah, “Pasal azi toh kaal thu tuabang ahileh, zi neilou ahoizaw hi,” achi uhi.
11Hinanleh Aman akung uah, “Tam thu kigen pen mi zousie in apom thei sih uhi, akung ua pieh a umte loungal in. 12Michilge khenkhat anu uh gilsung apat tuabang mawnga pieng a um ua, tualeh michilge mihing khuta gete zong a um ua, tualeh michilge, vangam zieh a, amau’leh amauh michilge a kibawl zong a um uhi. Koipou apom theiin pom uheh,” achi hi.
Jesu’n naupangte a guolzawlna
13Tuachi’n atung ua akhut koi a, athumpieh dingin akungah naupang neute ahing zawpi ua, hinanleh nuazuiten amauh ana phawh uhi. 14Hinanleh Jesu’n “Naupangte ka kungah hing pei sah un, amauh khaam sih un, vangam khu tambang mite a ahi,” achi hi. 15Tualeh atung uah akhut akoi a, khuna kipat in apeita hi.
Tangval hausa in kumtawn hinna asui
(Mak. 10.17-27; Luk. 18.18-27)
16En vawi, mi khat ahing pei a akungah, “Siepa hoi, kumtawn hinna ka nei theina dingin sil hoi bang ka bawl diei?” achi hi.
17Tuachi’n Aman akungah, “Bangdinga mi hoi hing chi na hiei? Pasian chilou mi hoi dang a um sih hi; bangtenghileh hinna a na lut nuom leh thupiehte zui in,” achi hi.
18 #
Pawt. 20.13; Danp. 5.17; Pawt. 20.14; Danp. 5.18; Pawt. 20.15; Danp. 5.19; Pawt. 20.16; Danp. 5.20 Aman A kungah, “Abangpente ahiei?” achi a, Jesu’n akungah, “Tualthat sin, angkawm sin, guta sin, theipitu dihlou in pang sin, 19#Pawt. 20.12; Danp. 5.16; Siempu. 19.18Na nu leh na Pa zatat in, tualeh nangma na ki it banga na innvengte na it ding ahi,” achi hi.
20Tangvalpan akungah, “Tamte zousie ka neulai apat ka zui zel hi, bang ka tasam nalai ei?” achi hi.
21Jesu’n akungah, “Hoibukim na ut leh, pei inlen na neisa zua inlen mi zawngte kungah pie in, tuachi’n van ah gou na nei ding hi; tualeh hing pei inlen Kei hing zui in,” achi hi.
22Hinanleh tangvalpa’n tua thu azahtah in lunggim tahin apei mangta hi; sum tampi nei ahi zieh in.
Hausatna nohphah dan
23Tuachi’n Jesu’n anuazuite kungah, “Adihtahin ka hinghil ahi, mi hausa adingin vangam lut ahasa hi. 24Tualeh ka hinghil kia ahi, mi hausa Pasian gam a alut sangin sangawngsau phinbil hawm a alut suoh abailam zaw hi,” achi hi. 25Anuazuiten tami azah tahun lamdang asa mama ua, “Koi hundam in a um zou diei?” achi uhi. 26Hinanleh Jesu’n amauh a en a akung uah, “Tami mihing bawlthaw guol ahi sih a, hinanleh Pasian a dingin bangkim bawl thei ahi,” achi hi.
Pasian gam a sawltahte tanding
(Mak. 10.28-30; Luk. 18.28-30)
27Tuachi’n Peter in akungah, “Ngai vawi, kouten bangteng taisan in Nangma ka hing zuita uhi. Tuaziehin bang ahiei ka lawtah ding uh?” Chiin adongta hi. 28#Mat. 25.31; Luk. 22.30Tuachi’n Jesu’n akung uah, “Adihtahin ka hinghil ahi, sil zousie siemtha ahi chienga, Mihing Tapa avangletna toupha a atou chiengin, nou Kei hing zuite khu Israel nam sawm leh nite vaihawm in mangtoupha sawm leh ni tungah na tou sam ding uhi. 29Tualeh michin ka min zieh a innte ahiei, asanggampa ahiei asanggamnu ahiei, a pa ahiei, anu ahiei, azi ahiei atate ahiei, agamte ahiei, taisan pouma in aleza amu ding ua, kumtawn hinna atang ding uhi. 30#Mat. 20.16; Luk. 13.30Hinanleh mi tampi amasa pente anukhia ding ua, anukhiapente amasa ding uhi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.