HOSEA 3
3
Gomer leh Hosea kiten kiana Pasian itna tultheilou
1Tuachi’n Mangpa’n ka kungah, “Pei kia inlen, numei midang toh kingai lai, angkawmnu va it in; Israel taten pasien dangte lam a kihei in, grep ga gaw tanghoute ngaina nan uleh, Mangpa’n a it zing mabangin,” achi hi. 2Tuachi’n Keima a dingin amanu dangka shekel#shekel khat: gram 11.5 toh kikim. sawm leh nga leh barli bu homer khat#Liter 220 toh kikim. leh homer kimkhat in ka leita hi. 3Tualeh ken amanu kungah, “Ka kungah ni tampi na umden ding a, na kizua nawn sih dinga, pasal koima dang zi na hi sih dinga, tuamabangin Kei zong nanga ka hi ding hi,” ka chi hi. 4Aziehpen Israel tate a dingin leeng ahisihleh vaihawm umnonsihvan, kithoina ahisihleh milim khuomte umnonsihvan, siempu puonah ahisihleh teraphim#Teraphim: innsunga kikoi milim pasiente umnonsihvan, ni tampi tambangin a um ding uhi. 5Tuazou chiengin Israel tate ahing kinuale kia ding ua, Mangpa a Pasian u’leh, David aleengpa uh asui ding ua, tualeh ni nukhia lamte ah Mangpa leh ahoina zau kawm in ahing zuon ding uhi.
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.