WANGSHEMBU MWOT 24
24
Jehudi Khünakbue Felik pomtho ma Pol ma Kaxhux fe
1Nyix aga füima züita tüichong mixmüibu hia Tartula le amünkya kaxfünpa koplaxle Nguakho Anania Kaisaria to ngui. Hwom Gowarnor Felik hato ngui üntoxle Pol bama tse atwon angkya kax kox. 2Chixe sekya zuma Tartula-e Pol bama kaxhux ile fe:
“Nang alixachong! Nang hwontax-jenüi lomzun tokhange kwome ozulole tumüi ma ngo ang kople, üntoxle kem chaxwan hanpakma fün amüi angkya lili pangwüi azünle zingle amüi daoa. 3Jento pangnu khato wüi iningkya müipule kwome pongle koppu, ilaxle nang füi kwom mongzom müihupu. 4Kue hanpak aluile okuilo le laxkya tokhange nang mong ngwom ang tomse müntsu, ikoxle nange chingcha üntoxle kue amoxle wünkya kwom zangwün to mongkoxle shong apahüi le texpu. 5Chix a onok tingtui adün ngokya za-adünkya mix changa le kwome awan ang kople; chixe zangfang pangnu khato wüi Jehudi khünakbu bama wuk alaile, ilaxlechu chix a Nazarait othom khama lompa changle. 6Chixe Zangshwom-Hom anu-ahai angchu azongkya, ikoxle kwome koppu. (Kwome chix ba angkya kax kwom wanlom ma fünkoxle müisele tsukya, 7ikoxle süpahi lompa Laisias hüilaxle chixe kwom kha angkya ija mixsün zongzukle paopu. 8Ifüima Laisias-e chix ma kaxfe angkyabu chix hato ngui angkya changle le kaxkox). Nange ija mixsün ma jangatüiba, kwome chix kaxfekya pangnu chix makhange nange awan ang thoüi.” 9Jehudi khünakbu pangnu wüi ija kax changkox a le kaxfyet ma tom.
Felik Pomtho ma Pol-e ma Khose
10Ifüima Gowarnor-e Pol ang akaxhu le chak ajakya zuma Pol-e thüi:
“Ija haxtok ma nang kaxfünpa ang zangpua obibi hex ngole hüikya awanlaxle, kue ma khose ang mongmüimüile ajongpu. 11Nange ajangle lax ang thoüi, Jerusalem to Zang shwom ang ku Zangshwom-Hom to ngui füima anyix nyix bün anyi to makai. 12Zangshwom-Hom ma wüi changlax, chichangba sinagok mawüi changlax, chichangba tingjang lomnu towüi changlax, hwom thoma ku owawa füi ala-ashale nuikoxa lüchu münchang chichangba khünaknu to chüile ama nuikoxa lüchu münchang. 13Athax hwome ku ma kaxhux fele nang hama wünkya zangwün bamachu hwome kaxkhi fale changkoxa le aho ang münthoüi. 14Changpu: hwome thaile le thüikya olom ma kue kwom pupa hwom Zang to shwomkoxa. Ile Mosa Wanlom ma hia ajebu Lai ma zakya pangnu to kuechu wüi ongpu. 15Hwome ongkya ningle, chitsaokya hia tsaokya pangnu wüi Jowanpa ma zidaokya chatle azangle zoüi le kuechu ongpu. 16Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.
17 #
Mwt 21.17-28. “Obibi zangpua hexle Jerusalem füi atsai le ngolaxle, ku ikhato ma-mix hato ngun-syen hidaole apong ang tamchu Zang to tö kox angle nguikya changpu. 18Kue atsao angkya zom zingle tsuak füima ijabu mokle ku hwom thoma Zangshwom-Hom ma bangpu. Ikhama ku füi tomle khünakbuchu müntüikya, ilaxle akhong-akhakyachu müntüikya. 19Ikoxle Asia haxtok tokya Jehudi khünakbu züita tüikya; hwome ku ma kaxhux fe angkya oli jangtüi thüiba, hwom ikhato nang thüntho ma nguilaxle wünkox müise. 20Chichang koxchu Nguawangbu thüntho ma ajong pongma: Anyix hünzome zidaokya chatle azangle zoüi le ongkya khoma ku kaxfün puo? le akhongkya boma 21#Mwt 23.6.hwome kuma chem zia ama le thaikya atakpuix ibu naxwün fa.”
22Ifüima Felik, owa hama Jowanpa lomtang müile apuale thomdao laxpuix, chixe tse atwonkya zangwün ashuk ang kox. Chixe hwom ang thüi: “Süpahi-Lompa Laisias ngui ningle tix, hünzom tsetwon zangwün kue wünle tsuaküihex.” 23Chixe nyekya alixachong ang Pol nyele thom angkya ikoxlechu hidaole chix mongmong ma ngo ang kox angkya üntoxle chix zuikhuibue chemchem jali koxtwon angkya taxabaxkox le thüi.
Felik hia Drusila nyi Tuntho ma Pol
24Nyixta anyi füima Felik kakonu Drusila, owa Jehudi cha changpuix, she füi ngui. Chixe Pol apüi ang tom ilaxle chixe chix füi Khrista to mongongkya bama wünkya apa. 25Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.” 26Tamchu chixe Pol-e chix ang ngun hidaole zunüi changtüi angpu le thüt, ikhoma chixe athax-athaxle Pol se ilaxle chix füi zangwün.
27Zanglao anyi kai füima, Felik man ma Gowarnor ang Porias Festas achang. Jehudi khünakbue chix ang sule naxthüi le Felik-e Pol kun ma wüi tox.
Currently Selected:
WANGSHEMBU MWOT 24: WANCBSI
Highlight
Share
Compare
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
