WANGSHEMBU MWOT 19

Pol-e Efisia ma Hwon-ano

1Apolo Korin ma tüitanto, Pol a ija haxtok osungwa makhange ahamle hüikya Efisia to ngui. Ikhato chixe Jisu wangshembu züita atak, 2ilaxle hwom ma atüi: “Hünzome mongongkya zuma Otsao Chasa koplaxmami?”

Hwome lan: “Münkop! Ilaxle kwome Otsao Chasa tüile lüjao ma-atat.”

3Pol-e atüi: “Jangchangba hünzome chem ningkya bapti laxpu?” Hwome lan: “Juhan-e baptikya olom laxpu.”

4 # Mat 3.11; Mrk 1.4,7,8; Luk 3.4,16; Jhn 1.26,27. Pol-e thüi: “Juhan-e baptikya olom pi ma ochax tokya chatkyabu hanpakma changwüi; ikoxle chixe Israel khünakbu ang chix füima hüile ngokya mix to mongong angkya kaxtom kox; ija a Jisu changle.”

5Ija atatlaxle hwome Jowanpa Jisu mün ma bapti. 6Pol-e hwom khangkho ma chix chak dankya zuma hwom hato Otsao Chasa hüi; hwome chitsingkya kax ma zangwün ilaxle Zang kaxho apuk. 7Hwom pangnu a mixhuak bün anyi tukux tüikya.

8Pol sinagok to dong, ilaxle lyetkua azom ojao chizale khünaknu hama zangwün ilaxle Zang Wangting bama chix akaxle ngokya bama otsingtsing changpu le chixe kaxkhi fa. 9Ikoxlechu hwom khama züizüi mongkhüikyabu tüikya ilaxle ibue mong chiongtsuak. Ilaxle khünaknu thüntho ma hwome Jowanpa lomtang bama kaxma thüi. Ikhoma Pol-e ibu dantoxlaxle Jisu wangshembu chix füito laxlax tox; üntoxle Tairanas khünaknu pünzün wangsaikya homnu ma chixe nyixfo to khünaknu füi zangwün ma aswot. 10Ile nuikya zanglao anyi hom, idaile ijongkha Asia haxtok ma ngokya Jehudi khünaknu hia mixnok pangnue wüi Jowanpa kax atat ang kop.

Sewa sasün Hwom

11Zange Pol makhange khomtsikyabu mwot otya ma wüi mokle hüi. 12Chixe laxle ngokya chix tsangtsa angkya thünfwot nyi hia nyikhakbu ngaxchu kakmixbu hato pao ang twon, üntoxle kakbu jwonle apao ilaxle haxshix chasabu hwom angkya laile pao ang kox. 13Züizüi Jehudi khünakbu haxshix chasa jwonle aham ngokyabuchu ija jwon ang Jowanpa Jisu mün twon ang azong. Hwome haxshix chasabu füi akax: “Pol-e wün ngokya Jisu mün ma kue nang ang kaxkoxpu.” 14Ile mokle ngokyabu khama Jehudi nok nguapa akhokya Sewa le amünkya mixsün sasün hwom mixhuak anüt tüikya.

15Ikoxlechu haxshix chasae hwom ang thüi: “Kue Jisu awanle ilaxle kue Pol bamachu awanle, ikoxle nang a owa?”

16Haxshix chasa füikya mixsün tuitae hwom to shing le hüile hwom to lüt. Ija homkha angkya hwom mak-kha laxle nyiza wüi shikshak shikshem le laile pao. 17Efisia ma ngokya Jehudi khünakbu hia mixnok pangnue wüi ija zing atat ang kop; hwom pangnu wüi za ilaxle Jowanpa Jisu mün onüi towüi achuak achenle chang. 18Mae mokdaokyabu ahole tamchu noknu thüntho to angaile mongongkya khünakbu huanuma hüi. 19Khunhing twonle ngokya khünakbuechu wüi ma laipexbu apüi ilaxle noknue ngünle ibu zokle ashun. Hwome zokkya lai ibu otha athüt koxle jat punyi bün tha bang. 20Ipongpong zongle Jowanpa kax putsa ilaxle oshing mongle tsong ang süt

Efisia ma chongkya Tuwuk

21Ibu chang füima Mesidonia hia Akaia chaxwan to ahamle ngopongma Jerusalem to chat angkya Pol mongto texle atak. Chixe thüi: “Ikhato pao füima kue Rom tingnuchu wüi ngün angkya changle.” 22Idaile chix Asia haxtok ma süngokya bama chixe Timothi hia Erata, chix chakta nyi, Mesidonia to kat.

23Ija tuke Jowanpa lomtang bama Efisia ma khamkhitle wuk lai. 24Demetria le amünkya khop jan jaokya mix tuitae ija jan füi Artema zang ang zangshwom-hom tuita zing, üntoxle chix thalex makhange zing mixbu ang huanuma lap alaile kox. 25Idaile chixe hwom pangwüi se, hwom bomachu hwom lailaile mokkya mamabuchu wüi sele asoxlaxle chixe hwom ang thüi: “Ibibi khünaknu, kem okop olwot a ija mwot makhange changwüi le hünzomechu awan ngopu. 26Ija mixsün Pol-e chem mokpuix, hünzome ma hanpakma ngünle lax üntoxle atat apa ang tsuaküi. Khünake zingkyabu zang ang zang münchangle chixe thüile, ilaxle ija Efisia machu anaole Asia haxtok pangnu khato wüi, chixe khünaknu huanuma anom-anaile koptsuak daoa. 27Idaile kem thalexe münma kop angkya ziama ma tüile. Itata münchang, ikoxle Artema zang zangshwom homchu chem angchu chichang le max angkya ziama ma tüile. Ile Asia haxtok angkya noke üntoxle chaxwannu pangnu khato wüi shwomkya zang, khünaknue she achongkya zang changpu le ema chilaxle ahaidaoa!”

28ija kax atatlaxle khünaknu ang mongtsik dong, üntoxle akhongle thüi: “Efisia angkya Artema achongkya wüi changpu!” 29Ija mwop ngaikyae tingnu pangkha towüi u. Hwome Pol füi tomle aham ngokya Gaia hia Aristarkas, Mesidonia tokya nyi kop ilaxle hokhi lax üntoxle tingnu ma noknu nguazua nui to akhangle asox. 30Pol-e khünaknu thoma nguazua nui to chix wüi shongnguiünse le thüt, ikoxlechu mongong mixbue chix pao ang chidan. 31Asia haxtok ma pünpa-chongwangbu züizüi chix zuikhuibue chix nguazua nui to chix tomtata sün chiaho koxwüi müiüile Pol hato kaxho fa. 32Iponge nguazua nui to khünaknu huanuma mwop. Züizüie tüle akax, mamabue tüle wün; chemthüikoxle noknu ang khosam, ilaxle süchong tukuxe hwom chemto asoxpuix le chiawantsuak. 33Jehudi khünakbue Alekjendar noknu thüntho to thwomle alaikya tokhange züizüie ija tuwuk ma chixchu wüi womle tüile le lax. Ifüima Alekjendar-e khünaknu füi khosele zangwün ang chak aja. 34Ikoxle chix a Jehudi khünak changle le hwome awankya zuma, hwom pangwüie ijaja wüi zexle khonta anyi tukux “Efisia angkya Artema achongkya wüi changle”, le akhong.

35Oshuk ma tingnu ma alixachong tuitae ija khünaknu mwopkya adang ang tho. Chixe thüi: “Efisia angkya khünaknu! Efisia a tuita akhokya Artema zangshwom-hom ilaxle zangkho tokya dütkya otsao long thomkya tingnu changle le pangnue awanle. 36Owaechu ibu ang münchangle thüi ang müntsuak. Idaile hünzom shongdangün ilaxle ajangle chiano homle chemchu taxmok. 37Okhie zangshwom-hom ahuxkoxa le nang chichang chichangba kem zang ang omale thüikoxa le nang chichang; ibachu hwome ija mixsün anyi ikhato apüipu. 38Demetria hia chix mwotmok mixbue owawa ma kaxfe angkya jangtüi thüiningle, khwa ka nyixfo to daple thomle üntoxle apa ang pünpa-chongwangbu ikhama ngole, hwome ikhato tata ma kaxfe ang tsuaküi. 39Bachutix hünzome texkya jangtüi thüiningle, ija a nokpubu tusox ma azut ang tsuaküi. 40Ija khoma ile changpu le lan angkya kaxtong nang chitüitüi le anyix chemle changdaopuix, ija khomachu wuk alai ang tomle le kwom to sa angkya ziama ma tüile.” 41Ile akaxlaxle nguazua fan ang tom.

Currently Selected:

WANGSHEMBU MWOT 19: WANCBSI

Highlight

Copy