TITA 1
1
1Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü, 2küyimkishe akeangyu müthabuh Thrünpuhnü adüso alokhikhi lün rhangdung mulonglam ching 3tüsho isa khümkhitrü Thrünpuh thiyukhümnü I ki thiyia lakhi api yu thsangyuthsangrakhi hode kim dükdü ching dünjikhinü;
4 #
2 Kor 8.23; Gal 2.3; 2 Tim 4.10 Rukhüh akin ching thiyuro I tsührü, Tita kilim:
Abuh Thrünpuh tüsho isa khümkhitrü Jisu Khrista kilimnü amüthsüm tüsho mungtsü laang.
Krete ching Tita Rhimo
5Ha dünkheaknü inü nü ki Krete ching lashihkheah, junangde dükde mülakhi nünü thsülangbah, tüsho inü nü ki khuhlangahuhkhi nangde kiuto aban ching limberübo mokhitbah. 6#1 Tim 3.2-7Mihtsürü khülang ju areak mükihkhi, niuberü khülang lang alakhi, api tsührübo ju akinrü tüsho bukmüke le mihyumanikhi mülabeah. 7Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah, 8tüshe hanrü-mürührü, atsü muzhorü, nihbuh banthsangkhi, alungki, amüsüh, tüsho nihbuh danyukrü labeah; 9athsangyukhi yu apinü düngde ramrihbeah, junangde apinü thiyuro kingaün-yakzan ching thsangdankhi jihkhukbah tüsho ju azhihrü ki amülim mütsanjihbah. 10Tümüde ahihkhüh mihyumanikhi mihtsürü, akeangkeang asukrü tüsho mülapmüjirü, adungto thsüde tsütabahrü bolungnü lah; 11arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh. 12Arü yo wukihrü bolungnü she tha, “Kreterü ju kamruhroro akeangyu tharü, mihbukmuyuk shiwüh, yomuhyothsün bukchihrü ah.” 13Ha thiyumütsan thiyuro ah. Jumonü arü khakkhak thürühang, junangde arü akin ching thiyuro labah, 14tüsho Jihudarü yo mümütsankhi yukhean yungsho thiyuro bahyukrü yukhümbo manide alabah. 15Atsangkhitkhi ching alala tsangkhitlah, tüshe athsümünim tüsho mükinkhi ching tümü she atsangkhitkhi müla; arü lümkhi tüsho sulümbo athsümünim lah. 16Arünü Thrünpuh mükheahlah de thaa luchoh, tüshe arü rhimobonü api reanglochoh; arübo athraneanbe mihyumanikhi, rhimo atsü tümü thsungkheak she müthülün.
Currently Selected:
TITA 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
