AMIKHEAKAKHIUKKHI 6
6
Mütsanyümbo
1Kheakü Namfimihnununü ayümdokhi thüne bolung khülang khimshuhde inü ngü tüsho shiwüh phüyi bolung khülangnü tsüngmuk düsheak nangde athakhi inü so, “Arang!” 2Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.
3Küyimki apinü ayümdokhi mahnepü khimshuhkhea, mahnepü arhang shiwühnü thade inü so, “Arang!” 4Jushu khora püpü amürüm akhiuk. Mihtsürübo khülangnü khülang laksahachihshihpü thsüde abebuh kilim ju alomi chingnü mungtsü luakhinpü wu jih; tüsho api kilim nukshang ato khülang jih.
5Küyimki apinü ayümdokhi mahsampü khimshuhkhea, mahsampü arhang shiwühnü thade inü so, “Arang!” Tüsho kheahang, khora amürak khülang, abebuh khah ching adünarabe khülang shuhbah alakheah; 6Tüsho arhang shiwüh phüyi bolungnü düsheak khülang inü so, “Nimung khülang mihkhah dün wheat hi khahngak 1, tüsho nimung khülang mihkhah dün barli khahngak 3; tüshe müdangke tüsho kurungasolu düthsümünim!”
7Küyimki apinü ayümdokhi aphüyipü khimshuhkhea, aphüyipü arhang shiwühnü thade inü so, “Arang!” 8Tüsho kheahang, khora amükin khülang inü ngü, tüsho abebuh mung ju Ashekhi lakheah tüsho Athsümüchinü api dunglim yan; tüsho nukshangnü, khümzungnü, arümnü tüsho alomi shiwühbonü asheshihpü shihcham phüyi ching khülang kurungkheak wu jih-a lakheah.
9Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü; 10arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?” 11Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.
12 #
Ami 11.13; 16.18; Mt 24.29; Mk 13.24,25; Lk 21.25 Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah, 13tüsho tsüngkam ching khubasodung kheaknü apung amüküpnü ayünkhikhi sangaso nangde thüning kheaknü chiningbo alomi kheak keamkhi; 14#Ami 16.20thüning ju khiuthulungde kheamabah, tüsho awungbo le kekung-lo aban adangpung chingnü shuhakhin. 15Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde, 16#Lk 23.30awungbo tüsho lungtobo ki ji, “Isa kheak keamang tüsho kiulongthsübinkiu kheak binkhi, tüsho Namfimihnunu bukakhiukkhi kheaknü isa jikshang; 17tümüde arü bukakhiukkhi nimung ato arüdo, tüsho shepünü ju müngüh zhipkhukba?”
Currently Selected:
AMIKHEAKAKHIUKKHI 6: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 6
6
Mütsanyümbo
1Kheakü Namfimihnununü ayümdokhi thüne bolung khülang khimshuhde inü ngü tüsho shiwüh phüyi bolung khülangnü tsüngmuk düsheak nangde athakhi inü so, “Arang!” 2Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.
3Küyimki apinü ayümdokhi mahnepü khimshuhkhea, mahnepü arhang shiwühnü thade inü so, “Arang!” 4Jushu khora püpü amürüm akhiuk. Mihtsürübo khülangnü khülang laksahachihshihpü thsüde abebuh kilim ju alomi chingnü mungtsü luakhinpü wu jih; tüsho api kilim nukshang ato khülang jih.
5Küyimki apinü ayümdokhi mahsampü khimshuhkhea, mahsampü arhang shiwühnü thade inü so, “Arang!” Tüsho kheahang, khora amürak khülang, abebuh khah ching adünarabe khülang shuhbah alakheah; 6Tüsho arhang shiwüh phüyi bolungnü düsheak khülang inü so, “Nimung khülang mihkhah dün wheat hi khahngak 1, tüsho nimung khülang mihkhah dün barli khahngak 3; tüshe müdangke tüsho kurungasolu düthsümünim!”
7Küyimki apinü ayümdokhi aphüyipü khimshuhkhea, aphüyipü arhang shiwühnü thade inü so, “Arang!” 8Tüsho kheahang, khora amükin khülang inü ngü, tüsho abebuh mung ju Ashekhi lakheah tüsho Athsümüchinü api dunglim yan; tüsho nukshangnü, khümzungnü, arümnü tüsho alomi shiwühbonü asheshihpü shihcham phüyi ching khülang kurungkheak wu jih-a lakheah.
9Küyimki apinü ayümdokhi aphüngüpü khimshuhkhea, Thrünpuh yu dünkheak tüsho arünü thiyumütsan thsükhi dünkheak laksahkhi mebo kingaün sadam khüp inü ngü; 10arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?” 11Judüki arü aban kilim shulünkhim amüye jih, tüsho arü nangde arü rukhüh tankihrü tüsho keoniorübo laksahpü wühkhe mübanyi khiungde aleangpü tha.
12 #
Ami 11.13; 16.18; Mt 24.29; Mk 13.24,25; Lk 21.25 Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah, 13tüsho tsüngkam ching khubasodung kheaknü apung amüküpnü ayünkhikhi sangaso nangde thüning kheaknü chiningbo alomi kheak keamkhi; 14#Ami 16.20thüning ju khiuthulungde kheamabah, tüsho awungbo le kekung-lo aban adangpung chingnü shuhakhin. 15Judüki alomi kiulongthsürübo, yakzanshuhrü tüsho bonungrü torübo, alarü tüsho wularü, mihbüm aban, azhorü tüsho zuzu larü lungkhünbo tüsho awung ching lungbo khüp jikde, 16#Lk 23.30awungbo tüsho lungtobo ki ji, “Isa kheak keamang tüsho kiulongthsübinkiu kheak binkhi, tüsho Namfimihnunu bukakhiukkhi kheaknü isa jikshang; 17tümüde arü bukakhiukkhi nimung ato arüdo, tüsho shepünü ju müngüh zhipkhukba?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.