AMIKHEAKAKHIUKKHI 5
5
Küpqiu tüsho Namfimihnunu
1Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü; 2tüsho düsheak achangnü zhiyukde sühmüh lakhi yunirü khülang inü ngü, “Ayümdokhi yihshakbah küpqiu khimshuhpü shepü thülünde la?” 3Tüsho küpqiu khimshuhpü yungsho ju ching kheahpü kukde yinmi ching yungsho alomi kheak, yungsho alo alunglim sheshe mülade alakheah, 4tüsho küpqiu khimshuhpü yungsho ju ching kheahpü thülünde sheshe müngükhinü inü khide trip. 5Judüki azothsürü khülangnü I ki tha, “Dütrip; kheahang, Juda trük kekhüzü, David Sangyingnü kukdo, junangde apinü ayümdokhi thüne küpqiu khimshuhpü kuklah.”
6Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü; 7tüsho apinü yübah kiulongthsübinkiu kheak binbuh khah tsülimnü küpqiu ju lu. 8Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning; 9tüsho arünü khün aso thsüde tha,
“Küpqiu lupü tüsho ju yümdokhibo khimshuhpü nü athülün ah,
tümüde nü laksahdo tüsho nü thiyih hode
trük, thiyutha, mihtsürü tüsho trükshih aban chingnü
Thrünpuh thsungkheak nünü mihtsürübo rhokhit,
10 #
Ami 1.6
tüsho isa Thrünpuh kilim arübo kiulongthsü tüsho amükeamrübo kamshih,
tüsho arünü alomi kheak kiulongthsübah.”
11Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so. 12Arünü düsheak achangnü khün thsü,
“Wu, lakhit, lümlung, sühmüh, wüntre,
müretah tüsho müngühmühi leangkhipü alaksahkhi Namfimihnunu athülün lah!”
13Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!” 14Tüsho arhang shiwühbo phüyinü tha, “Amen!” Tüsho azothsürübonü khukningbah kingaün.
Currently Selected:
AMIKHEAKAKHIUKKHI 5: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 5
5
Küpqiu tüsho Namfimihnunu
1Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü; 2tüsho düsheak achangnü zhiyukde sühmüh lakhi yunirü khülang inü ngü, “Ayümdokhi yihshakbah küpqiu khimshuhpü shepü thülünde la?” 3Tüsho küpqiu khimshuhpü yungsho ju ching kheahpü kukde yinmi ching yungsho alomi kheak, yungsho alo alunglim sheshe mülade alakheah, 4tüsho küpqiu khimshuhpü yungsho ju ching kheahpü thülünde sheshe müngükhinü inü khide trip. 5Judüki azothsürü khülangnü I ki tha, “Dütrip; kheahang, Juda trük kekhüzü, David Sangyingnü kukdo, junangde apinü ayümdokhi thüne küpqiu khimshuhpü kuklah.”
6Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü; 7tüsho apinü yübah kiulongthsübinkiu kheak binbuh khah tsülimnü küpqiu ju lu. 8Tüsho küyimki apinü küpqiu lukheanü, arhang shiwüh phüyi tüsho azothsürü mukukheak phüyi, arü abannü akinrübo tamkhüntamnü bingkhung tüsho rhümthüneanü mide suna phurusükbo shuhbah Namfimihnunu miki khukning; 9tüsho arünü khün aso thsüde tha,
“Küpqiu lupü tüsho ju yümdokhibo khimshuhpü nü athülün ah,
tümüde nü laksahdo tüsho nü thiyih hode
trük, thiyutha, mihtsürü tüsho trükshih aban chingnü
Thrünpuh thsungkheak nünü mihtsürübo rhokhit,
10 #
Ami 1.6
tüsho isa Thrünpuh kilim arübo kiulongthsü tüsho amükeamrübo kamshih,
tüsho arünü alomi kheak kiulongthsübah.”
11Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so. 12Arünü düsheak achangnü khün thsü,
“Wu, lakhit, lümlung, sühmüh, wüntre,
müretah tüsho müngühmühi leangkhipü alaksahkhi Namfimihnunu athülün lah!”
13Tüsho yinmi ching, alomi kheak, keto ching tüsho alala ching shiwühbo abannü athakhi inü so, “Kiulongthsü-binkiu kheak binbuh tüsho Namfimihnunu kilim müngühmühi, wüntre, müretah tüsho sühmüh lünnü lün laang!” 14Tüsho arhang shiwühbo phüyinü tha, “Amen!” Tüsho azothsürübonü khukningbah kingaün.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.