AMIKHEAKAKHIUKKHI 7
7
Israelrü 144,000
1Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü. 2Judüki yunirü püpü arhang Thrünpuh mütsanyüm shuhbah aniakhiuklimnü akihde inü ngü, tüsho apinü alomi tüsho keto thsümünimpü wu jih-a lakhi yunirü phüyi ki düsheak achangnü zhide ji, 3“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.” 4Judüki Israel trük alala chingnü 144,000 mütsanyümkhi düsheak inü so. 5Juda trük chingnü mütsanyümkhi 12,000, Reuben trük chingnü 12,000, Gad trük chingnü 12,000, 6Asher trük chingnü 12,000, Naphtali trük chingnü 12,000, Manase trük chingnü 12,000, 7Simeon trük chingnü 12,000, Levi trük chingnü 12,000, Issakar trük chingnü 12,000, 8Zebulun trük chingnü 12,000, Josep trük chingnü 12,000, Benjamin trük chingnü 12,000.
Boto Ato
9Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah, 10tüsho düsheak achangnü zhi, “Akhümkhit ju kiulongthsü-binkiu kheak binbuh isa Thrünpuh, tüsho Namfimihnunu yo ah!” 11Tüsho yunirü alalanü kiulongthsü-binkiu, azothsürübo tüsho arhang shiwüh phüyi mükamde zhip, tüsho kiulongthsü-binkiu miki arü miro mükhüm tüsho Thrünpuh kingaünde 12tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”
13Judüki azothsürü bolung khülangnü I ki keokhi, “Harü shulünkhim amüye yihkhibo ha sherü a, tüsho arü küchingnü arükhea?” 14#Mt 24.21; Mk 13.19Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih. 15Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah. 16Arü kheaküa mükhüm yungsho kemüthüri; aninü yungsho alamlamnü arü mütak. 17Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”
Currently Selected:
AMIKHEAKAKHIUKKHI 7: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 7
7
Israelrü 144,000
1Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü. 2Judüki yunirü püpü arhang Thrünpuh mütsanyüm shuhbah aniakhiuklimnü akihde inü ngü, tüsho apinü alomi tüsho keto thsümünimpü wu jih-a lakhi yunirü phüyi ki düsheak achangnü zhide ji, 3“Isa Thrünpuh tankihrü kingkangbo kheak isanü müyümyikia alomi yungsho keto yungsho sangdungbo düthsümünim.” 4Judüki Israel trük alala chingnü 144,000 mütsanyümkhi düsheak inü so. 5Juda trük chingnü mütsanyümkhi 12,000, Reuben trük chingnü 12,000, Gad trük chingnü 12,000, 6Asher trük chingnü 12,000, Naphtali trük chingnü 12,000, Manase trük chingnü 12,000, 7Simeon trük chingnü 12,000, Levi trük chingnü 12,000, Issakar trük chingnü 12,000, 8Zebulun trük chingnü 12,000, Josep trük chingnü 12,000, Benjamin trük chingnü 12,000.
Boto Ato
9Ha dunglim inü kheah, tüsho mihtsürü shenü akhepü mukukkhi, trükshih aban, trük alala, mihtsürü tüsho thiyutha aban chingnü, shulünkhimbo amüye yihbah, arü khahbo ching ashisang düchibo shuhbah kiulongthsü-binkiu miki zhipde alakheah, 10tüsho düsheak achangnü zhi, “Akhümkhit ju kiulongthsü-binkiu kheak binbuh isa Thrünpuh, tüsho Namfimihnunu yo ah!” 11Tüsho yunirü alalanü kiulongthsü-binkiu, azothsürübo tüsho arhang shiwüh phüyi mükamde zhip, tüsho kiulongthsü-binkiu miki arü miro mükhüm tüsho Thrünpuh kingaünde 12tha, “Amen! Müngühmühi, müretah, lümlung, makshejihkhi, wüntre, wu tüsho sühmüh lünnü lün isa Atungpuh yo thsang! Amen.”
13Judüki azothsürü bolung khülangnü I ki keokhi, “Harü shulünkhim amüye yihkhibo ha sherü a, tüsho arü küchingnü arükhea?” 14#Mt 24.21; Mk 13.19Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih. 15Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah. 16Arü kheaküa mükhüm yungsho kemüthüri; aninü yungsho alamlamnü arü mütak. 17Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.