AMIKHEAKAKHIUKKHI 4
4
Yinmi ching Kingaün
1Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.” 2Judüakede I Me ching lakheah, tüsho kheahang, mihtsürü khülang binbah yinmi ching kiulongthsü-binkiu khülang akhiuk. 3Tüsho ju kheak binbuh ju asherühü tüsho shotolung-thüyin nangde, tüsho kiulongthsü-binkiu mükamde shotolung-phüyak nangde mürechin khülang lakheah. 4Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah. 5#Ami 8.5; 11.19; 16.18; Ami 1.4Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah; 6tüsho kiulongthsübinkiu miki ju lungmüsang ruk meayingpung keto nangde alakheah.
Tüsho kiulongthsü-binkiu mükamde, thrip aban arhang shiwühbo, müngüh tüsho dunglim mükbo kihbah alakheah: 7akhuhbe arhang shiwüh ju kekhüzü nangde, mahnepü arhang shiwüh moshipung nangde, asampü arhang shiwüh mihtsürü miro kihde, tüsho aphüyipü arhang shiwüh ju aphinkhi müleang nangde alakheah. 8Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo,
“Atungpuh Wuto Thrünpuh ju,
amüsüh, amüsüh, amüsüh lah,
Shepü alakhea, tüsho la, tüsho arüpü la.”
9Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü, 10azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,
11“Isa Atungpuh tüsho Thrünpuh, müretah, wüntre
tüsho wu leangkhipü nü athülün ah,
tümüde nünü alala thrün,
tüsho nü lümkhinü arü thrün tüsho rhangdung lah.”
Currently Selected:
AMIKHEAKAKHIUKKHI 4: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 4
4
Yinmi ching Kingaün
1Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.” 2Judüakede I Me ching lakheah, tüsho kheahang, mihtsürü khülang binbah yinmi ching kiulongthsü-binkiu khülang akhiuk. 3Tüsho ju kheak binbuh ju asherühü tüsho shotolung-thüyin nangde, tüsho kiulongthsü-binkiu mükamde shotolung-phüyak nangde mürechin khülang lakheah. 4Kiulongthsübinkiu mükamde kiulongthsü-binkiu mukukheak phüyi, tüsho kiulongthsübinkiu kheak binkhi ju amüye khimmih yihbah, arü ku kheak suna kuthran thrankhi azothsürü mukukheak phüyi lakheah. 5#Ami 8.5; 11.19; 16.18; Ami 1.4Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah; 6tüsho kiulongthsübinkiu miki ju lungmüsang ruk meayingpung keto nangde alakheah.
Tüsho kiulongthsü-binkiu mükamde, thrip aban arhang shiwühbo, müngüh tüsho dunglim mükbo kihbah alakheah: 7akhuhbe arhang shiwüh ju kekhüzü nangde, mahnepü arhang shiwüh moshipung nangde, asampü arhang shiwüh mihtsürü miro kihde, tüsho aphüyipü arhang shiwüh ju aphinkhi müleang nangde alakheah. 8Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo,
“Atungpuh Wuto Thrünpuh ju,
amüsüh, amüsüh, amüsüh lah,
Shepü alakhea, tüsho la, tüsho arüpü la.”
9Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü, 10azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,
11“Isa Atungpuh tüsho Thrünpuh, müretah, wüntre
tüsho wu leangkhipü nü athülün ah,
tümüde nünü alala thrün,
tüsho nü lümkhinü arü thrün tüsho rhangdung lah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.