AMIKHEAKAKHIUKKHI 18
18
Babilon Lungkhi
1Ha dunglim yunirü püpü thiyukhüm-sühmüh lade yinmi chingnü akikhi inü ngü; tüsho api mürenü alomi yinde kamshih. 2#Ami 14.8Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo; 3tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”
4Judüki yinmi chingnü düsheak püpü thakhi inü so,
“Alibe kinü akhiukang, I mihtsürü,
jude yungsho nüsanü anihbe neakbo ching shihcham lubah,
jude yungsho nüsanü anihbe arümbo ching shihcham lubah;
5tümüde anihbe neakbo thüning khiungde mujunglah,
tüsho Thrünpuhnü anihbe mülimkhibo lümkhitdo.
6Anihbenü ajihkhi nangde anihbe ki jihang;
tüsho anihbe rhimobo dün alü thsüde athrihloang;
anihbe khilim alü thsüde müküpde pung ching dungyukjang.
7Anihbenü müretah-a lukhi tüsho müthangmüsün ahorikhi nangde,
alibe kilim ju ruk adüna thsümüchi tüsho tüzhopü jihang.
Tümütüsho anihbe mulong ching alibenü thachoh,
‘I kiulongthsüberü thsüde binlah;
I a khimoberü yung, I küyimkishe mütüzho,’
8Jumonü anihbe arümbo, tukthsübo,
tüzhopü tüsho khümzung nimungkhühnü arübah,
tüsho anihbe monü aniuabahbah;
tümüde anihbe mahkhapbuh ju Atungpuh Thrünpuh wuto ah.”
9Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah; 10arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”
11Tüsho alomi shothsümolorünü anihbe dünkheak tripchoh tüsho tüzhochoh, tümütüsho kheaküa shenü arü kukrukbo muthulo, 12suna kukruk, shotoyinchi, mürezhingzhing tüsho shotolungbo, khimthünak atsü, mürümmuchu, azhingzhing tüsho aneakrüm khim, rhümthünea sang mungjibo, thsotorü kukrukbo alala, amo achak sang kukrukbo alala, müwayinchi tüsho lungmüye, 13sinamon sang, thüneathürabe, rhümkebe, rhümthüneabe, jinjinlak, yukhu, müdangke, ayikangkang, tüsho wheat atsüdak, moshi tüsho namfimihnubo, khorabo tüsho khoralolungbebo, azhorübo tüsho mihtsürübo rhangdung. 14Shothsümolorünü anihbe ki thachoh, “Nü menü akünkhi sangaso nü kheaknü tsodo, tüsho nü lakhitbo tüsho nü thukhibo küyimkishe müngülopü thsüde nü kheaknü tsoabahdo!” 15Harü kukruk shothsümolorübo, anihbe lakhit chingnü alü thsürünü alibe thsümüchikhi trede, tripde tüsho achangnü tüzhode limshude azhipbah, 16“Are, are, khimthünak atsü, mürümmuchu tüsho aneakrüm yihkhi, suna, mürezhingzhing, tüsho shotolungbo züt thsükhi ato kiuto! 17Kimkhü 1 chingnü anihbe lakhit alala thsümünima lah.”
Sangkung putungrübo, hantsahrü, sangkung-berübo tüsho keto ching shothsümolorü alala limshude zhip 18tüsho anihbe takkhi mokhüh arünü ngübah zhi, “Ato kiuto nangde püpü kiuto küju lakhea?” 19Tüsho arünü arü kubo kheak awah sukkihbah trip tüsho tüzhode zhi, “Are, are, keto ching sangkungbo larü anihbe lakhit hode alarü kampung, ato kiuto! Kimkhü 1 chingnü anihbe thsümünima lah.”
20Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!
21Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo; 22bingkhung khungrü tüsho khün thsürü, khungpi khungrü tüsho hulipungpung khungrü nü kheaknü musolo; kheaklahrü nü kheak müngülo; tüsho hizübe-lung düsheak nü kheak musolo; 23nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk. 24Tüsho anihbe kheak wukihrübo le amüsührübo, tüsho alomi kheak laksahrü alala thiyih ngü.”
Currently Selected:
AMIKHEAKAKHIUKKHI 18: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 18
18
Babilon Lungkhi
1Ha dunglim yunirü püpü thiyukhüm-sühmüh lade yinmi chingnü akikhi inü ngü; tüsho api mürenü alomi yinde kamshih. 2#Ami 14.8Tüsho apinü düsheak atonü ji, “Lungdo, ato Babilon lungdo! Ha arimri lapung kamdo, amünean me, tüsho athraneanbe wuhnu mungpung kamdo; 3tümüde trükshih alalanü anihbe mümüsühkhi shihkünkhi yukhu yungdo, tüsho alomi kiulongthsürübonü anihbe kheak müzammüram yihbeakdo, tüsho alomi shothsümolorübonü anihbe hode müthangmüsünkhi chingnü alarü kamdo.”
4Judüki yinmi chingnü düsheak püpü thakhi inü so,
“Alibe kinü akhiukang, I mihtsürü,
jude yungsho nüsanü anihbe neakbo ching shihcham lubah,
jude yungsho nüsanü anihbe arümbo ching shihcham lubah;
5tümüde anihbe neakbo thüning khiungde mujunglah,
tüsho Thrünpuhnü anihbe mülimkhibo lümkhitdo.
6Anihbenü ajihkhi nangde anihbe ki jihang;
tüsho anihbe rhimobo dün alü thsüde athrihloang;
anihbe khilim alü thsüde müküpde pung ching dungyukjang.
7Anihbenü müretah-a lukhi tüsho müthangmüsün ahorikhi nangde,
alibe kilim ju ruk adüna thsümüchi tüsho tüzhopü jihang.
Tümütüsho anihbe mulong ching alibenü thachoh,
‘I kiulongthsüberü thsüde binlah;
I a khimoberü yung, I küyimkishe mütüzho,’
8Jumonü anihbe arümbo, tukthsübo,
tüzhopü tüsho khümzung nimungkhühnü arübah,
tüsho anihbe monü aniuabahbah;
tümüde anihbe mahkhapbuh ju Atungpuh Thrünpuh wuto ah.”
9Tüsho alomi kiulongthsürü, sherünü anihbe lung müzammüram yihbeakkhea tüsho müthangmüsün ching lakheanü anihbe aniukhi mokhüh ngüchoki arünü atripbah tüsho tüzhobah; 10arünü anihbe thsünükhi trede limshu ching zhipbah athabah, “Are! Are! Nü Babilon ato kiuto! Kimkhü 1 chingnü nü mahkhappü arüdo.”
11Tüsho alomi shothsümolorünü anihbe dünkheak tripchoh tüsho tüzhochoh, tümütüsho kheaküa shenü arü kukrukbo muthulo, 12suna kukruk, shotoyinchi, mürezhingzhing tüsho shotolungbo, khimthünak atsü, mürümmuchu, azhingzhing tüsho aneakrüm khim, rhümthünea sang mungjibo, thsotorü kukrukbo alala, amo achak sang kukrukbo alala, müwayinchi tüsho lungmüye, 13sinamon sang, thüneathürabe, rhümkebe, rhümthüneabe, jinjinlak, yukhu, müdangke, ayikangkang, tüsho wheat atsüdak, moshi tüsho namfimihnubo, khorabo tüsho khoralolungbebo, azhorübo tüsho mihtsürübo rhangdung. 14Shothsümolorünü anihbe ki thachoh, “Nü menü akünkhi sangaso nü kheaknü tsodo, tüsho nü lakhitbo tüsho nü thukhibo küyimkishe müngülopü thsüde nü kheaknü tsoabahdo!” 15Harü kukruk shothsümolorübo, anihbe lakhit chingnü alü thsürünü alibe thsümüchikhi trede, tripde tüsho achangnü tüzhode limshude azhipbah, 16“Are, are, khimthünak atsü, mürümmuchu tüsho aneakrüm yihkhi, suna, mürezhingzhing, tüsho shotolungbo züt thsükhi ato kiuto! 17Kimkhü 1 chingnü anihbe lakhit alala thsümünima lah.”
Sangkung putungrübo, hantsahrü, sangkung-berübo tüsho keto ching shothsümolorü alala limshude zhip 18tüsho anihbe takkhi mokhüh arünü ngübah zhi, “Ato kiuto nangde püpü kiuto küju lakhea?” 19Tüsho arünü arü kubo kheak awah sukkihbah trip tüsho tüzhode zhi, “Are, are, keto ching sangkungbo larü anihbe lakhit hode alarü kampung, ato kiuto! Kimkhü 1 chingnü anihbe thsümünima lah.”
20Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!
21Judüki wuto yunirünü hizübelung ato nangde lung khülang shuh-a lu tüsho keto ching jipa bahde tha, “Hanangde ato kiuto Babilon thsümünimde jipkhia bahbah, tüsho küyimkishe müngülo; 22bingkhung khungrü tüsho khün thsürü, khungpi khungrü tüsho hulipungpung khungrü nü kheaknü musolo; kheaklahrü nü kheak müngülo; tüsho hizübe-lung düsheak nü kheak musolo; 23nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk. 24Tüsho anihbe kheak wukihrübo le amüsührübo, tüsho alomi kheak laksahrü alala thiyih ngü.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.