AMIKHEAKAKHIUKKHI 19
19
1Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo, 2tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.” 3Kheaküshe arünü zhi, “Halleluya! Anihbe kheaknü mokhüh lünnü lün yükihchoh.” 4Tüsho azothsürü mukukheak phüyi tüsho arhang shiwüh phüyinü kiulongthsü-binkiu kheak binkhi Thrünpuh ki khukningde kingaünde tha, “Amen, Halleluya!”
Namfimihnunu Yamkhün-kamkhi Thünio
5Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.” 6Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh. 7Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah; 8alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.
9 #
Mt 22.2,3 Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.” 10Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.
Khora Amüye kheak Binbuh
11Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh. 12Api mükjibo motru nangde, tüsho aku kheak kuthran ahihdo thran; api kheak hode shenü mümükheahkhi mung thrütkih-a lakheah. 13Apinü aphuyukhi shulünkhim ju thiyih ching thsama lakheah, tüsho api mung ju, “Thrünpuh Yu” de ji. 14Tüsho yinmi bonungrübo khimthünak atsü, amüye tüsho amüthsün yihbahle khorabo kheak binbah api dunglim yan. 15#Ami 14.20Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh. 16Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.
17Judüki yunirü khülang ani ching zhipde inü ngü, tüsho thüning phulung phinde alakhi wuhnubo alala ki düsheak achangnü ji, “Arang, Thrünpuh thünio ato thsungkheak mukhungang, 18kiulongthsürübo shih, wühkenorübo shih, mungkhung mihtsürübo shih, khorabo le aberübo shih, tüsho mihtsürü alala shih tsühpü zuzu tüsho azhorü, anini tüsho ato.” 19Tüsho khora kheak binbuh le api bonungrü bede thirithsüpü shiwüh tüsho alomi kiulongthsürübo arü bonungrü bede amukhungkhi inü ngü. 20#Ami 13.1-18Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk. 21Tüsho aningkhibo ju khora kheak binbuh mün chingnü akhiukkhi nukshangnü laksah, tüsho arü shihnü wuhnubo alala bukthsü.
Currently Selected:
AMIKHEAKAKHIUKKHI 19: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 19
19
1Ha dunglim yinmi ching yimto ato düsheak zhikhi nangde inü so, “Halleluya! Akhümkhit, müretah tüsho wu isa Thrünpuh yo, 2tümüde api mahkhapkhibo thiyuro tüsho alungki; anihbe müzammüram hode alomi müneanshihkhi müzammüramberü ato apinü mahkhap, tüsho apinü anihbe kheak api tankihrübo thiyih royimjih.” 3Kheaküshe arünü zhi, “Halleluya! Anihbe kheaknü mokhüh lünnü lün yükihchoh.” 4Tüsho azothsürü mukukheak phüyi tüsho arhang shiwüh phüyinü kiulongthsü-binkiu kheak binkhi Thrünpuh ki khukningde kingaünde tha, “Amen, Halleluya!”
Namfimihnunu Yamkhün-kamkhi Thünio
5Tüsho kiulongthsü-binkiu chingnü düsheak zhide arü, “Nüsa api tankihrübo, api trerü, anini tüsho ato alalanü isa Thrünpuh shiang.” 6Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh. 7Isanü asühachihanü tüsho asühanü; isanü api müretah jihanü, tümüde Namfimihnunu yamkhün kampü kim arüdo, tüsho api yamkhünbenü anihbe küdah thsüde thsakhama lah; 8alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.
9 #
Mt 22.2,3 Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.” 10Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.
Khora Amüye kheak Binbuh
11Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh. 12Api mükjibo motru nangde, tüsho aku kheak kuthran ahihdo thran; api kheak hode shenü mümükheahkhi mung thrütkih-a lakheah. 13Apinü aphuyukhi shulünkhim ju thiyih ching thsama lakheah, tüsho api mung ju, “Thrünpuh Yu” de ji. 14Tüsho yinmi bonungrübo khimthünak atsü, amüye tüsho amüthsün yihbahle khorabo kheak binbah api dunglim yan. 15#Ami 14.20Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh. 16Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.
17Judüki yunirü khülang ani ching zhipde inü ngü, tüsho thüning phulung phinde alakhi wuhnubo alala ki düsheak achangnü ji, “Arang, Thrünpuh thünio ato thsungkheak mukhungang, 18kiulongthsürübo shih, wühkenorübo shih, mungkhung mihtsürübo shih, khorabo le aberübo shih, tüsho mihtsürü alala shih tsühpü zuzu tüsho azhorü, anini tüsho ato.” 19Tüsho khora kheak binbuh le api bonungrü bede thirithsüpü shiwüh tüsho alomi kiulongthsürübo arü bonungrü bede amukhungkhi inü ngü. 20#Ami 13.1-18Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk. 21Tüsho aningkhibo ju khora kheak binbuh mün chingnü akhiukkhi nukshangnü laksah, tüsho arü shihnü wuhnubo alala bukthsü.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.