AMIKHEAKAKHIUKKHI 17
17
Aliberü tüsho Shiwüh
1Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah. 2Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.” 3#Ami 13.1Apinü I Me chingnü sunglo ching bede yü, tüsho aliberü khülang, athruaji mungbonü mide alakhi aneakrüm shiwüh kheak binde inü ngü, tüsho ju aku thüne tüsho ajuh thürü lakheah. 4Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah; 5tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.” 6Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü.
Küyimki inü alibe ngükheanü I khide müyinsah. 7Tüshe yunirünü I ki tha, “Tümüde müyinsahcho? Inü alibe, tüsho anihbe binkhi aku thüne tüsho ajuh thürü kihkhi lümsük nü ki thabah. 8#Ami 11.7Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah. 9Ha lümlung tüsho anikhitkhi thsungkheak lah: aku thüne ju alibe binde alakhi awung thüne ah; 10arü ju kiulongthsürü thüne she ah, phüngü lungdo, khülang lah, püpü khülang arüpü lah, tüsho küyimki api arübanü api anükhühkheak lang alabah. 11Shiwüh küpü labah, kheakü mülade lanü ju kiulongthsürü atizheahpü ah. Api thüne ching ju belah tüsho api dükheakpung ching yüchoh. 12Tüsho nünü angükhi ajuh thürü ju kiulongthsü wu müleangkhiyikhi kiulongthsürü thürü ah, tüshe arübo shiwüh bolung rukhüh kimkhü 1 thsungkheak kiulongthsürübo thsüpü thiyukhüm-sühmüh leangkhibah. 13Arü lümkhi khülang thsülah tüsho arü wu le thiyukhüm-sühmüh shiwüh kilim jihbah; 14arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”
15Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah. 16Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah, 17Tümüde Thrünpuh yubo müdünjiyi khiungde arü wu shiwüh kilim jih-a yakzan shuhshihpü mulongpü thsüde akuk ngüshihpü Thrünpuhnü arü mulongbo ching yukjih. 18Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”
Currently Selected:
AMIKHEAKAKHIUKKHI 17: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 17
17
Aliberü tüsho Shiwüh
1Yunirü thüne bolung khülang shepü phurusük thüne lakheanü arü tüsho I ki tha, “Arang, kebo ahihdo kheak binkhi müzammüramberü ato thsümüchikhi inü nü ki huhbah. 2Alomi kiulongthsürübonü anihbe kheak müzammüram yihbeak tüsho alomi ching larübo anihbe müzammüram yukhunü müshangshih.” 3#Ami 13.1Apinü I Me chingnü sunglo ching bede yü, tüsho aliberü khülang, athruaji mungbonü mide alakhi aneakrüm shiwüh kheak binde inü ngü, tüsho ju aku thüne tüsho ajuh thürü lakheah. 4Alibe ju mürümmuchu tüsho aneakrümnü züt thsü, suna tüsho shotolungbo le mürelungbonü lüpdo, anihbe khah ching athraneanbe tüsho anihbe müzammüram müneannü mide alakhi suna pung shuhde alakheah; 5tüsho anihbe ku kheak lümsük mung thrüta lakheah: “Ato Babilon, müzammüramrü tüsho alomi athraneanbo abe.” 6Tüsho alibe ju amüsührü thiyih tüsho Jisu dünkheaknü alaksahrü thiyihnü müshanga inü ngü.
Küyimki inü alibe ngükheanü I khide müyinsah. 7Tüshe yunirünü I ki tha, “Tümüde müyinsahcho? Inü alibe, tüsho anihbe binkhi aku thüne tüsho ajuh thürü kihkhi lümsük nü ki thabah. 8#Ami 11.7Khülangki nünü angükhi shiwüh ju, kheaküa jude müla, tüsho alokhünbit chingnü akhiukbah anihbuh dükheakpung ching yübah. Alomi ching larübo alomiküp thrünbah rhangdung hüm ching mung thrüta mülarünü shiwüh ngüchoki amüyinsahbah, tümütüsho api khülangki lakhi, kheaküa jude müla, tüshe arülobah. 9Ha lümlung tüsho anikhitkhi thsungkheak lah: aku thüne ju alibe binde alakhi awung thüne ah; 10arü ju kiulongthsürü thüne she ah, phüngü lungdo, khülang lah, püpü khülang arüpü lah, tüsho küyimki api arübanü api anükhühkheak lang alabah. 11Shiwüh küpü labah, kheakü mülade lanü ju kiulongthsürü atizheahpü ah. Api thüne ching ju belah tüsho api dükheakpung ching yüchoh. 12Tüsho nünü angükhi ajuh thürü ju kiulongthsü wu müleangkhiyikhi kiulongthsürü thürü ah, tüshe arübo shiwüh bolung rukhüh kimkhü 1 thsungkheak kiulongthsürübo thsüpü thiyukhüm-sühmüh leangkhibah. 13Arü lümkhi khülang thsülah tüsho arü wu le thiyukhüm-sühmüh shiwüh kilim jihbah; 14arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”
15Tüsho apinü I ki tha, “Nünü angükhi kebo, müzammürambe binkhi ju, mihtsürübo, botobo, trükshihbo tüsho thiyuthabo ah. 16Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah, 17Tümüde Thrünpuh yubo müdünjiyi khiungde arü wu shiwüh kilim jih-a yakzan shuhshihpü mulongpü thsüde akuk ngüshihpü Thrünpuhnü arü mulongbo ching yukjih. 18Tüsho nünü angükhi aliberü ju alomi kiulongthsürübo kurungkheak yakzan shuhkhi ato kiuto ah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.