AMIKHEAKAKHIUKKHI 16
16
Thrünpuh Bukakhiukkhi Phurusükbo
1Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”
2Jumonü akhuhbuh yunirünü yü tüsho api phurusük ju alomi kheak dunga bah, tüsho shiwüh areak hanrü tüsho ju mejak kingaünrü mihtsürü kheak amünean tüsho amütsü mübo akhiuk.
3Mahnepü yunirünü api phurusük keto ching dunga bah, ju mihtsürü shekhi thiyih nangde kam, tüsho keto ching rhangdung lakhi lüpdükhi sheabah.
4Mahsampü yunirünü api phurusük ayungbo le kenübo ching dunga bah, tüsho jurü thiyih kamabah. 5Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang; 6tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah! 7Tüsho kingaün sadam chingnü azhikhi inü so, “Am, Wuto Atungpuh Thrünpuh thiyuro tüsho nü mahkhapkhibo alungki lah!”
8Aphüyipü yunirünü api phurusük ani kheak dunga bah, tüsho monü mihtsürü takpü ju ki mülüa lakheah; 9mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.
10Aphüngüpü yunirünü api phurusük shiwüh kiulongthsü-binkiu kheak dunga bah, tüsho ju kiulongthsü amiting ching lakheah; mihtsürübonü thsünükhi hode arü mulo mükap 11tüsho arü thsünükhi tüsho mübo dünkheaknü yinmi Thrünpuh athru, tüsho arü rhimobo chingnü mümüthrilo.
12Athurukpü yunirünü api phurusük Euphra ayung kheak dunga bah, tüsho aniakhiuklim kiulongthsürübo limro thsakhampü ke ju ngahabah. 13Tüsho dragon mün chingnü, shiwüh mün chingnü tüsho arükchih wukihrü mün chingnü kheangbo nangde amünean mebo mahsam akhiukshihde inü ngü; 14tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh. 15#Mt 24.43,44; Lk 12.39,40; Ami 3.3(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”) 16Tüsho arünü Ibri yu ching Armageddon de ajikhi dangpung ching arübo bemukhung.
17Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!” 18#Ami 8.5; 11.13,19Tüsho ju ching chinchobe phürapkhi, düsheakbo, tsüngmukbo, tüsho alomi kheak mihtsürü labah müdünjiakheahkhi muliuyuk khide ato lakheah. 19Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit. 20#Ami 6.14Kekung-lo alala tsoabah, tüsho awungbo alala dükheakbah; 21#Ami 11.19tüsho arulung atobo, khahngak 50 bande thüning chingnü mihtsürü kheak keam. Tüsho arulung arüm dünkheaknü arünü Thrünpuh athru, tümütüsho aru ju khide atrebe lakheah.
Currently Selected:
AMIKHEAKAKHIUKKHI 16: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 16
16
Thrünpuh Bukakhiukkhi Phurusükbo
1Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”
2Jumonü akhuhbuh yunirünü yü tüsho api phurusük ju alomi kheak dunga bah, tüsho shiwüh areak hanrü tüsho ju mejak kingaünrü mihtsürü kheak amünean tüsho amütsü mübo akhiuk.
3Mahnepü yunirünü api phurusük keto ching dunga bah, ju mihtsürü shekhi thiyih nangde kam, tüsho keto ching rhangdung lakhi lüpdükhi sheabah.
4Mahsampü yunirünü api phurusük ayungbo le kenübo ching dunga bah, tüsho jurü thiyih kamabah. 5Tüsho ke yunirünü thade inü so, nü a harü mahkhapkhibo ching thiyuro lah, nü shepü la tüsho shepü alakhea, Amüsühbuh Khülang; 6tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah! 7Tüsho kingaün sadam chingnü azhikhi inü so, “Am, Wuto Atungpuh Thrünpuh thiyuro tüsho nü mahkhapkhibo alungki lah!”
8Aphüyipü yunirünü api phurusük ani kheak dunga bah, tüsho monü mihtsürü takpü ju ki mülüa lakheah; 9mihtsürübo ju khide alamlamnü tak, tüsho arünü harü arümbo kurungkheak wu labuh Thrünpuh mung athru, arünü mulong mümüthri tüsho api kilim müremütah.
10Aphüngüpü yunirünü api phurusük shiwüh kiulongthsü-binkiu kheak dunga bah, tüsho ju kiulongthsü amiting ching lakheah; mihtsürübonü thsünükhi hode arü mulo mükap 11tüsho arü thsünükhi tüsho mübo dünkheaknü yinmi Thrünpuh athru, tüsho arü rhimobo chingnü mümüthrilo.
12Athurukpü yunirünü api phurusük Euphra ayung kheak dunga bah, tüsho aniakhiuklim kiulongthsürübo limro thsakhampü ke ju ngahabah. 13Tüsho dragon mün chingnü, shiwüh mün chingnü tüsho arükchih wukihrü mün chingnü kheangbo nangde amünean mebo mahsam akhiukshihde inü ngü; 14tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh. 15#Mt 24.43,44; Lk 12.39,40; Ami 3.3(“Kheahang, I ahührü nangde arüchoh! Shepü kurhangde la tüsho achih ngüde bünkeang mutsopü nihbuh khimmih zolanü müngühmühi!”) 16Tüsho arünü Ibri yu ching Armageddon de ajikhi dangpung ching arübo bemukhung.
17Athünepü yunirünü api phurusük apung ching dunga bah, tüsho arüngyam ching, kiulongthsübinkiu chingnü düsheak achangnü akhiukde tha, “Ha rhimodo!” 18#Ami 8.5; 11.13,19Tüsho ju ching chinchobe phürapkhi, düsheakbo, tsüngmukbo, tüsho alomi kheak mihtsürü labah müdünjiakheahkhi muliuyuk khide ato lakheah. 19Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit. 20#Ami 6.14Kekung-lo alala tsoabah, tüsho awungbo alala dükheakbah; 21#Ami 11.19tüsho arulung atobo, khahngak 50 bande thüning chingnü mihtsürü kheak keam. Tüsho arulung arüm dünkheaknü arünü Thrünpuh athru, tümütüsho aru ju khide atrebe lakheah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.