AMIKHEAKAKHIUKKHI 15
15
Yunirübo tüsho Akheam Arümbo
1Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.
2Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü. 3Tüsho arünü Thrünpuh tankihrü Mosa tüsho Namfimihnunu khün thsüde tha,
“Nü rhimobo ato tüsho amüyinsahbe,
O Wuto Atungpuh Thrünpuh!
Nü limrobo alungki tüsho thiyuro,
O lünbo kiulongthsüpuh!
4O Atungpuh, shepünü nü mütrepü tüsho nü mung müremütahpü?
Tümüde nü lang amüsüh ah.
Trükshih alalanü arübah tüsho nü kingaünbah,
tümüde nü mahkhapkhibo amikheak akhiukdo.”
5Ha dunglim inü kheah, tüsho yinmi ching thiyumütsan khimyam, arüngyam ju khimshuh, 6tüsho arüngyam chingnü yunirü thüne, arüm thüne lubah, ayinatrüm khimthünak müthsün yih tüsho arü treangbo suna treangkhümbebonü rümbah akhiuk. 7Tüsho arhang shiwüh phüyi bolung khülang yunirü thüne kilim lünnü lün labuh, Thrünpuh bukakhiukkhinü mide suna phurusükbo thüne jih; 8arüngyam ju Thrünpuh müretahkhi tüsho api wu ching yo mokhühnü mide kam, tüsho yunirü thüne yo arüm thüne mükheamyikia shenü she arüngyam ching müyüzahkhuk.
Currently Selected:
AMIKHEAKAKHIUKKHI 15: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 15
15
Yunirübo tüsho Akheam Arümbo
1Judüki thüning ching amütsan ato tüsho khinthiyinbe inü ngü: arüm thüne lung yunirü thüne lakheah, jurü akheambo, tümütüsho Thrünpuh bukakhiukkhi arün thsüpü arü kheak lakheah.
2Judüki meayinpung keto ju mo lung düsahbah akhiuk, tüsho sherünü shiwüh le mejak tüsho amung khekhi kurungkheak akuk ngükheanü, Thrünpuh bingkhungbo shuhbah meayinpung keto yean zhipde inü ngü. 3Tüsho arünü Thrünpuh tankihrü Mosa tüsho Namfimihnunu khün thsüde tha,
“Nü rhimobo ato tüsho amüyinsahbe,
O Wuto Atungpuh Thrünpuh!
Nü limrobo alungki tüsho thiyuro,
O lünbo kiulongthsüpuh!
4O Atungpuh, shepünü nü mütrepü tüsho nü mung müremütahpü?
Tümüde nü lang amüsüh ah.
Trükshih alalanü arübah tüsho nü kingaünbah,
tümüde nü mahkhapkhibo amikheak akhiukdo.”
5Ha dunglim inü kheah, tüsho yinmi ching thiyumütsan khimyam, arüngyam ju khimshuh, 6tüsho arüngyam chingnü yunirü thüne, arüm thüne lubah, ayinatrüm khimthünak müthsün yih tüsho arü treangbo suna treangkhümbebonü rümbah akhiuk. 7Tüsho arhang shiwüh phüyi bolung khülang yunirü thüne kilim lünnü lün labuh, Thrünpuh bukakhiukkhinü mide suna phurusükbo thüne jih; 8arüngyam ju Thrünpuh müretahkhi tüsho api wu ching yo mokhühnü mide kam, tüsho yunirü thüne yo arüm thüne mükheamyikia shenü she arüngyam ching müyüzahkhuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.