AMIKHEAKAKHIUKKHI 14
14
Namfimihnunu tüsho Api Mihtsürübo
1 #
Ami 7.3
Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah. 2Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah, 3tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit. 4Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih, 5tüsho arü mün ching akeangyu müngü, tümüde arü jakreak mükih.
Yunirü Mahsam
6Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü; 7tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”
8 #
Ami 18.2
Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”
9Tüsho püpü yunirü, mahsampünü ane dunglim yande düsheak achangnü tha, “Khürünü shiwüh tüsho ju mejak kingaünsho, tüsho api kingkang yungsho khah kheak amütsan yihkih-a lasho, 10api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah. 11Tüsho arü thsümüchikhi mokhüh lünnü lün yükihchoh; harü shiwüh tüsho mejak kingaünrü tüsho ju mung amütsan yihkih-a lurü azhing ayin sühakhim müla.”
12Ha Thrünpuh yuzüngbo tüsho Jisu akin zorü amüsührü arümkheam thsungkheak jikhi lah.
13Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.”
“Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”
Alomi Yimlukhi
14Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah. 15Tüsho yunirü püpü amo kheak binbuh ki düsheak achangnü jide arüngyam chingnü akhiuk, “Hirhüpbe luang tüsho rhüpang, tümütüsho yimlupü kim arüdo; yimlupü thsüde alomi müna lah.” 16Jumonü amo kheak binbuhnü api hirhüpbe alomi kheak khülim khülim hit tüsho alomi ju yimlu.
17Yinmi arüngyam chingnü yunirü püpü akhiuk, tüsho api she hirhüpbe ayuk khülang lakheah. 18Judüki yunirü püpü mo kurungkheak wu lakhi kingaün sadam limnü akhiuk, tüsho hirhüpbe ayuk shuhbuh ki düsheak achangnü zhi, “Hirhüpbe ju luang tüsho alomi kurungasolu chingnü kurungaso keangthrünbo rhüpmukhungang, tümütüsho kurungasobo müna lah.” 19Jumonü yunirü junü api hirhüpbe khülim khülim hit tüsho alomi kurungasobo hanmukhung, tüsho Thrünpuh bukakhiukkhi kurungaso nitpung ato ching jipa yüzahshih; 20#Ami 19.15kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.
Currently Selected:
AMIKHEAKAKHIUKKHI 14: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 14
14
Namfimihnunu tüsho Api Mihtsürübo
1 #
Ami 7.3
Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah. 2Tüsho inü yinmi chingnü ke ahihkhüh tüsho tsüngmuk düsheak ato nangde so; inü asokhi düsheak ju khün-khungrünü arü bingkhung khungkhi nangde alakheah, 3tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit. 4Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih, 5tüsho arü mün ching akeangyu müngü, tümüde arü jakreak mükih.
Yunirü Mahsam
6Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü; 7tüsho apinü düsheak achangnü tha, “Thrünpuh treang tüsho api müretahang, tümüde api mahkhappü kim arüdo; tüsho shepünü thüning, alomi, keto tüsho kenübo thrünkheanü api kingaünang.”
8 #
Ami 18.2
Püpü yunirü, mahnepünü tha, “Lungdo! Babilon ato lungdo! Alibenü anihbe yüliyüra yukhu trükshih alala yungshih.”
9Tüsho püpü yunirü, mahsampünü ane dunglim yande düsheak achangnü tha, “Khürünü shiwüh tüsho ju mejak kingaünsho, tüsho api kingkang yungsho khah kheak amütsan yihkih-a lasho, 10api she Thrünpuh mulong zhipzhip pung mikhiukde ayukkhi yukhu yungbah. Api ju amüsüh yunirübo tüsho Namfimihnunu mikinü mo le yinchike bede thsümüchibah. 11Tüsho arü thsümüchikhi mokhüh lünnü lün yükihchoh; harü shiwüh tüsho mejak kingaünrü tüsho ju mung amütsan yihkih-a lurü azhing ayin sühakhim müla.”
12Ha Thrünpuh yuzüngbo tüsho Jisu akin zorü amüsührü arümkheam thsungkheak jikhi lah.
13Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.”
“Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”
Alomi Yimlukhi
14Judüki inü kheah, tüsho ju ching amo amüye lakheah, tüsho amo kheak binkhi ju mihtsürü nangde, aku kheak suna kuthran thran tüsho akhah ching hirhüpbe ayuk khülang lakheah. 15Tüsho yunirü püpü amo kheak binbuh ki düsheak achangnü jide arüngyam chingnü akhiuk, “Hirhüpbe luang tüsho rhüpang, tümütüsho yimlupü kim arüdo; yimlupü thsüde alomi müna lah.” 16Jumonü amo kheak binbuhnü api hirhüpbe alomi kheak khülim khülim hit tüsho alomi ju yimlu.
17Yinmi arüngyam chingnü yunirü püpü akhiuk, tüsho api she hirhüpbe ayuk khülang lakheah. 18Judüki yunirü püpü mo kurungkheak wu lakhi kingaün sadam limnü akhiuk, tüsho hirhüpbe ayuk shuhbuh ki düsheak achangnü zhi, “Hirhüpbe ju luang tüsho alomi kurungasolu chingnü kurungaso keangthrünbo rhüpmukhungang, tümütüsho kurungasobo müna lah.” 19Jumonü yunirü junü api hirhüpbe khülim khülim hit tüsho alomi kurungasobo hanmukhung, tüsho Thrünpuh bukakhiukkhi kurungaso nitpung ato ching jipa yüzahshih; 20#Ami 19.15kurungasobo ju kiuto aleanglim kurungaso nitpung chingnü nit, tüsho kurungaso nitpung chingnü thiyih ju ketode ayunglim kilomitir 300 tüsho asüklim limthrip 2 bande akhiuk.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.