AMIKHEAKAKHIUKKHI 13
13
Shiwüh Mahne
1 #
Ami 17.3,7-12 Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü. 2Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih. 3Aku bolung khülang ashebe mü nangde alakheah, tüshe ashebe mü ju nguabah, tüsho alomi lüpdükhinü müyinsahde shiwüh dunglim yan. 4Mihtsürübonü dragon kingaün, tümüde apinü shiwüh kilim thiyukhüm-sühmüh jih, tüsho arünü shiwüh kingaünde tha, “Shiwüh nangde shepü la, tüsho shepünü ju bede keochihpü kukla?”
5Shiwüh kilim ju lülüshishi yu thapü, athruaji mün tüsho khinu yirükheak mahne api thiyukhümsühmüh ahoripü jih-a lakheah. 6Thrünpuh athruajipü tüsho api mung le api lapung tüsho yinmi ching larü athruajipü api mün khimshuh. 7Api kilim amüsührü bede thirithsüpü tüsho arü kukpü she wu jih-a lakheah. Tüsho trük aban, mihtsürü, thiyutha tüsho trükshih kurungkheak thiyukhüm-sühmüh wu jih-a lakheah. 8Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.
9Nüsa nükhün kihlasho aniang! 10Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.
11Judüki alomi chingnü akhiukkhi shiwüh püpü inü ngü; namfimihnunu nangde ajuh mahne kih tüsho dragon nangde asuk. 12Apinü akhuhbe shiwüh thsung thsüde api thiyukhüm-sühmüh alala ahori, tüsho alomi le ju ching larübonü ashebe mü thsüngukhi akhuhbe shiwüh ju kingaünshih. 13Apinü amütsan atobo rhimode, mihtsürübo mikinü thüning chingnü alomi kheak mo she akishih; 14khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih. 15Akhuhbe shiwüh mejak kilim sheak jihpü api kheak wu jih; junangde junü thiyu thakhukbah tüsho mejak, kingaünpü arochihrü alala laksahpü lakheah. 16Kheaküshe junü anini tüsho ato, alarü tüsho zhochihrü, zuzu tüsho azhorü alala tsülim khah yungsho kingkang kheak mütsan yihkihpü reangkih, 17junangde mütsan kihkhi shiwüh mung yungsho amung khekhi mülasho shenü she athulopü yungsho ayinpü mukukde alakheah. 18Ha lümlung ah: shepü anikhitkhi lanü shiwüh khekhi ju kheakheahang, tümüde ha mihtsürü khekhi lah, ha khekhi ju 666.
Currently Selected:
AMIKHEAKAKHIUKKHI 13: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 13
13
Shiwüh Mahne
1 #
Ami 17.3,7-12 Tüsho shiwüh khülang keto chingnü, ajuh thürü tüsho aku thüne, ajuhbo kheak kuthran thürü tüsho akubo kheak athruaji mung kihbah akhiukde inü ngü. 2Inü angükhi shiwüh ju sangtsung nangde, ajingbo ju kuto jing nangde, tüsho amün ju kekhüzü mün nangde alakheah. Tüsho ju kilim dragonnü api wu le kiulongthsü-binkiu tüsho thiyukhüm-sühmüh ato jih. 3Aku bolung khülang ashebe mü nangde alakheah, tüshe ashebe mü ju nguabah, tüsho alomi lüpdükhinü müyinsahde shiwüh dunglim yan. 4Mihtsürübonü dragon kingaün, tümüde apinü shiwüh kilim thiyukhüm-sühmüh jih, tüsho arünü shiwüh kingaünde tha, “Shiwüh nangde shepü la, tüsho shepünü ju bede keochihpü kukla?”
5Shiwüh kilim ju lülüshishi yu thapü, athruaji mün tüsho khinu yirükheak mahne api thiyukhümsühmüh ahoripü jih-a lakheah. 6Thrünpuh athruajipü tüsho api mung le api lapung tüsho yinmi ching larü athruajipü api mün khimshuh. 7Api kilim amüsührü bede thirithsüpü tüsho arü kukpü she wu jih-a lakheah. Tüsho trük aban, mihtsürü, thiyutha tüsho trükshih kurungkheak thiyukhüm-sühmüh wu jih-a lakheah. 8Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.
9Nüsa nükhün kihlasho aniang! 10Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.
11Judüki alomi chingnü akhiukkhi shiwüh püpü inü ngü; namfimihnunu nangde ajuh mahne kih tüsho dragon nangde asuk. 12Apinü akhuhbe shiwüh thsung thsüde api thiyukhüm-sühmüh alala ahori, tüsho alomi le ju ching larübonü ashebe mü thsüngukhi akhuhbe shiwüh ju kingaünshih. 13Apinü amütsan atobo rhimode, mihtsürübo mikinü thüning chingnü alomi kheak mo she akishih; 14khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih. 15Akhuhbe shiwüh mejak kilim sheak jihpü api kheak wu jih; junangde junü thiyu thakhukbah tüsho mejak, kingaünpü arochihrü alala laksahpü lakheah. 16Kheaküshe junü anini tüsho ato, alarü tüsho zhochihrü, zuzu tüsho azhorü alala tsülim khah yungsho kingkang kheak mütsan yihkihpü reangkih, 17junangde mütsan kihkhi shiwüh mung yungsho amung khekhi mülasho shenü she athulopü yungsho ayinpü mukukde alakheah. 18Ha lümlung ah: shepü anikhitkhi lanü shiwüh khekhi ju kheakheahang, tümüde ha mihtsürü khekhi lah, ha khekhi ju 666.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.