AMIKHEAKAKHIUKKHI 10
10
Yunirü tüsho Küpqiu Anikhüh
1Judüki inü püpü wuto yunirü amo ching hingbah, aku kheak mürechin kihde thüning chingnü akide ngü, tüsho amiro ju ani nangde, tüsho ajingbo ju mo dungtobo nangde alakheah. 2Api khah ching akhimshuhkhi küpqiu anikhüh khülang lakheah. Api jing tsülim keto kheak thrüm, tüsho api jing huzulim alo kheak thrüm, 3tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung. 4Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.” 5Tüsho inü angükhi keto tüsho alo kheak zhipbuh yunirünü api khah tsülim chungkih 6tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü, 7tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.
8Judüki yinmi ching inü asokhi düsheaknü I ki thalo, “Yüang, keto tüsho alo kheak zhipkhi yunirü khah ching küpqiu khimshuhkhi luang.” 9Jumonü inü yunirü kilim yü tüsho küpqiu anikhüh ju I kilim jihpü api ki tha; tüsho apinü I ki tha, “Ju luang tüsho tsühang; ju nü buk ching akhüh labah, tüshe nü mün ching a mukhuke nangde aniungbah.” 10Inü küpqiu anikhüh ju yunirü khah chingnü lu tüsho tsüh; ju I mün ching mukhuke nangde niungmüyingdo la, tüshe küyimki inü ju muyukheanü I buk ching khühmürakdo la. 11Tüsho I ki tha, “Nünü kheaküshe mihtsürübo, trükshih, thiyutha tüsho kiulongthsürü ahihkhüh dünkheak müchitbeah.”
Currently Selected:
AMIKHEAKAKHIUKKHI 10: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 10
10
Yunirü tüsho Küpqiu Anikhüh
1Judüki inü püpü wuto yunirü amo ching hingbah, aku kheak mürechin kihde thüning chingnü akide ngü, tüsho amiro ju ani nangde, tüsho ajingbo ju mo dungtobo nangde alakheah. 2Api khah ching akhimshuhkhi küpqiu anikhüh khülang lakheah. Api jing tsülim keto kheak thrüm, tüsho api jing huzulim alo kheak thrüm, 3tüsho kekhüzü arungkhi nangde düsheak achangnü zhi. Küyimki apinü ajikhea, tsüngmuk thüne arung. 4Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.” 5Tüsho inü angükhi keto tüsho alo kheak zhipbuh yunirünü api khah tsülim chungkih 6tüsho lünnü lün labuh, thüning tüsho ju ching lakhi, alomi tüsho ju ching lakhi, keto tüsho ju ching lakhi thrünrü tamde mashupü thiyuchihchim thsü, 7tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.
8Judüki yinmi ching inü asokhi düsheaknü I ki thalo, “Yüang, keto tüsho alo kheak zhipkhi yunirü khah ching küpqiu khimshuhkhi luang.” 9Jumonü inü yunirü kilim yü tüsho küpqiu anikhüh ju I kilim jihpü api ki tha; tüsho apinü I ki tha, “Ju luang tüsho tsühang; ju nü buk ching akhüh labah, tüshe nü mün ching a mukhuke nangde aniungbah.” 10Inü küpqiu anikhüh ju yunirü khah chingnü lu tüsho tsüh; ju I mün ching mukhuke nangde niungmüyingdo la, tüshe küyimki inü ju muyukheanü I buk ching khühmürakdo la. 11Tüsho I ki tha, “Nünü kheaküshe mihtsürübo, trükshih, thiyutha tüsho kiulongthsürü ahihkhüh dünkheak müchitbeah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.