AMIKHEAKAKHIUKKHI 9
9
1Aphüngüpü yunirünü api hulipungpung müt, tüsho thüning chingnü chining khülang alomi kheak ayokhide inü ngü, tüsho alokhünbit mükhipbe api kilim jih; 2apinü alokhünbit ju khimshuh, tüsho alokhünbit chingnü morimoto mokhüh nangde akhiukbah ani le thüning mitingde kamshih. 3Judüki mokhüh chingnü tangkhobo alomi kheak arü, tüsho alomi lungthsühri wu nangde arü kilim wu jih-a lakheah; 4alomi sangrung yungsho sangdung phüyak asürükhi thsümünimpü yung tüshe arü kingkangbo kheak Thrünpuh mütsanyüm mükihkhi mihtsürübo lang athsümünimpü arü ki tha. 5Tangkhobo ki mülükhi ju arü laksahpü yung tüshe khinu phüngü arü thsümüchipü lang alakheah, tüsho arünü thsümüchikhi ju lungthsührinü mükeaka thsükhi nangde alakheah. 6Tüsho jurü nimungbo ching mihtsürübonü ashepü yimbah, tüshe ashepünü arü kheaknü tsoabahbah.
7Tangkhobo ju khorabo thirithsüpü duklangkhi nangde alakheah; arü kubo kheak ju akheahpü suna kuthranbo nangde, arü mirobo ju mihtsürü mirobo nangde, 8arü kuyübo aliberü kuyü nangde, tüsho arü hü kekhüzü hü nangde alakheah; 9arü treangbo ju yinchi treangkhümbebo nangde, tüsho arü ghidükeang düsheak ju khora-lolungbebo khorabo bede ahihdo thirithsü ching nanachihde yüzahkhi nangde alakheah. 10Arübo lungthsühribo nangde amobo, amünibo la, tüsho khinu phüngü mihtsürü trünthsüpü wu arü mobo ching lakheah. 11Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon#Amütsan Athsümünimrü. de ji.
12Mihtrebe akhuhbe hodo; kheahang, mihtrebe mahne arüpü lah.
13Judüki athurukpü yunirünü api hulipungpung müt, tüsho Thrünpuh miki suna kingaün sadam juh phüyi chingnü inü düsheak khülang so, 14hulipungpung shuhkhi athurukpü yunirü ki tha, “Euphra ayung ato ching rhüka lakhi yunirü phüyi dükheang.” 15Jumonü ha kimkhü, nimung, khinu, tüsho kam ching mihtsürü shihcham mahsam ching khülang laksahpü thsakhama zokhi yunirü phüyi ju dükhe. 16Inü arü khekhi khora bonungrübo ju chiwung chi mahne lakheah. 17Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih. 18Harü arüm mahsam mo, mokhüh tüsho yinchike arü mün chingnü akhiukkhinü mihtsürü shihcham mahsam ching khülang laksah. 19Tümüde khorabo wu ju arü münbo tüsho arü mobo ching lakheah; arü mobo ju aku kihbah phurutobo nangde, jurü hode arünü yurijih. 20Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo; 21yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.
Currently Selected:
AMIKHEAKAKHIUKKHI 9: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 9
9
1Aphüngüpü yunirünü api hulipungpung müt, tüsho thüning chingnü chining khülang alomi kheak ayokhide inü ngü, tüsho alokhünbit mükhipbe api kilim jih; 2apinü alokhünbit ju khimshuh, tüsho alokhünbit chingnü morimoto mokhüh nangde akhiukbah ani le thüning mitingde kamshih. 3Judüki mokhüh chingnü tangkhobo alomi kheak arü, tüsho alomi lungthsühri wu nangde arü kilim wu jih-a lakheah; 4alomi sangrung yungsho sangdung phüyak asürükhi thsümünimpü yung tüshe arü kingkangbo kheak Thrünpuh mütsanyüm mükihkhi mihtsürübo lang athsümünimpü arü ki tha. 5Tangkhobo ki mülükhi ju arü laksahpü yung tüshe khinu phüngü arü thsümüchipü lang alakheah, tüsho arünü thsümüchikhi ju lungthsührinü mükeaka thsükhi nangde alakheah. 6Tüsho jurü nimungbo ching mihtsürübonü ashepü yimbah, tüshe ashepünü arü kheaknü tsoabahbah.
7Tangkhobo ju khorabo thirithsüpü duklangkhi nangde alakheah; arü kubo kheak ju akheahpü suna kuthranbo nangde, arü mirobo ju mihtsürü mirobo nangde, 8arü kuyübo aliberü kuyü nangde, tüsho arü hü kekhüzü hü nangde alakheah; 9arü treangbo ju yinchi treangkhümbebo nangde, tüsho arü ghidükeang düsheak ju khora-lolungbebo khorabo bede ahihdo thirithsü ching nanachihde yüzahkhi nangde alakheah. 10Arübo lungthsühribo nangde amobo, amünibo la, tüsho khinu phüngü mihtsürü trünthsüpü wu arü mobo ching lakheah. 11Arü kurungkheak kiulongthsürü, alokhünbit yunirü lakheah; api mung ju Ibri yu chingnü Abaddon, tüsho Greek yu chingnü Apollyon#Amütsan Athsümünimrü. de ji.
12Mihtrebe akhuhbe hodo; kheahang, mihtrebe mahne arüpü lah.
13Judüki athurukpü yunirünü api hulipungpung müt, tüsho Thrünpuh miki suna kingaün sadam juh phüyi chingnü inü düsheak khülang so, 14hulipungpung shuhkhi athurukpü yunirü ki tha, “Euphra ayung ato ching rhüka lakhi yunirü phüyi dükheang.” 15Jumonü ha kimkhü, nimung, khinu, tüsho kam ching mihtsürü shihcham mahsam ching khülang laksahpü thsakhama zokhi yunirü phüyi ju dükhe. 16Inü arü khekhi khora bonungrübo ju chiwung chi mahne lakheah. 17Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih. 18Harü arüm mahsam mo, mokhüh tüsho yinchike arü mün chingnü akhiukkhinü mihtsürü shihcham mahsam ching khülang laksah. 19Tümüde khorabo wu ju arü münbo tüsho arü mobo ching lakheah; arü mobo ju aku kihbah phurutobo nangde, jurü hode arünü yurijih. 20Harü arümbonü müsheshihkhi aningkhi mihtsürübonü arü khah rhimobo chingnü mümüthrilo yungsho arimri le suna, shotoyinchi, müwayinchi, lung tüsho sang, angüpü yungsho asopü yungsho atsahpü mukukkhi sangthsübo kingaünkhi mutuklo; 21yungsho arü mihkhukkhibo yungsho arü wurükbo yungsho arü müzammüram yungsho arü ahühkhibo chingnü mümüthrilo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.