AMIKHEAKAKHIUKKHI 11
11
Thiyumütsan Mahne
1Judüki tso nangde akesang khülang I kilim jih, tüsho I ki tha: “Wusuang tüsho Thrünpuh arüngyam le kingaün sadam tüsho ju ching kingaünrübo akeang, 2#Lk 21.24tüshe arüngyam aleanglim a dake; ju aninga zojang, tümüde ju trükshihbo kilim jihdo, tüsho arünü khinu yirükheak mahne amüsüh kiuto kheak jungbah. 3Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”
4Harü ju oliv sangdung mahne tüsho alomi Atungpuh miki zhipkhi tsünpung mahne lah. 5Tüsho khürünü ane trünthsüsho, ane mün chingnü mo akhiukbah tüsho arü riribo aniuabahbah; hanangde khürünü ane trünthsüsho asheshihbah. 6Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah. 7#Ami 13.5-7; 17.8Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah, 8tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah. 9Tümüde trükshihbo, trükbo, thiyuthabo, boto alala chingnü mihtsürübonü ane ashemibo kheak nimung mahsam kheak thripkhüh kheahbah tüsho ane kiuyuka bahpü reanglobah, 10tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo. 11Tüshe nimung mahsam kheak thripkhüh dunglim Thrünpuh kilimnü arhang sheak ane kheak yüzah, tüsho ane ngürü alala müyinsah. 12Judüki yinmi chingnü düsheak achangnü ane ki thakhi so, “Halim akihang!” Tüsho ane riribo mikinü anenü amo chingnü yinmi lim yükih. 13#Ami 6.12; 16.18Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.
14Mihtrebe mahnepü hodo; kheahang, mihtrebe asampü nahde arüpü lah.
Hulipungpung Thünepü
15Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,” 16Tüsho Thrünpuh miki arü kiulongthsü-binkiubo kheak binkhi azothsürü mukukheak phüyinü arü miro mükhüm tüsho Thrünpuh kingaünde 17tha,
“Atungpuh Wuto Thrünpuh,
isanü nü ki makshe jihchoh,
shepü la tüsho shepü lakhea, tüsho arüpü la,
tümütüsho nünü wu ato lu tüsho kiulongthsüpü tankih.
18Trükshihbonü bukakhiuk tüsho nü mulong zhipzhip,
asherü mahkhappü kim arü, tüsho nü tankihrübo,
wukihrübo tüsho amüsührü, nü mung trerü,
anini tüsho ato chido thsambah jihpü,
tüsho alomi thsümünimrü dükheakshihpü lah.”
19 #
Ami 8.5; 16.18; Ami 16.21 Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.
Currently Selected:
AMIKHEAKAKHIUKKHI 11: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
AMIKHEAKAKHIUKKHI 11
11
Thiyumütsan Mahne
1Judüki tso nangde akesang khülang I kilim jih, tüsho I ki tha: “Wusuang tüsho Thrünpuh arüngyam le kingaün sadam tüsho ju ching kingaünrübo akeang, 2#Lk 21.24tüshe arüngyam aleanglim a dake; ju aninga zojang, tümüde ju trükshihbo kilim jihdo, tüsho arünü khinu yirükheak mahne amüsüh kiuto kheak jungbah. 3Tüsho inü I thiyumütsan thsürü mahne shungliukhim phuyubah nimung 1260 müchitpü wu mülüjihbah.”
4Harü ju oliv sangdung mahne tüsho alomi Atungpuh miki zhipkhi tsünpung mahne lah. 5Tüsho khürünü ane trünthsüsho, ane mün chingnü mo akhiukbah tüsho arü riribo aniuabahbah; hanangde khürünü ane trünthsüsho asheshihbah. 6Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah. 7#Ami 13.5-7; 17.8Tüsho küyimki ane thiyumütsan arün thsübanü alokhünbit chingnü akhiukkhi shiwühnü ane bede thirithsübah akukbah tüsho ane laksahbah, 8tüsho ane ashemibo ju amütsan thsüde Sodom tüsho Ijip de ajikhi, arü Atungpuh yümkihpung, ato kiuto kiudunglimro ching yapbah. 9Tümüde trükshihbo, trükbo, thiyuthabo, boto alala chingnü mihtsürübonü ane ashemibo kheak nimung mahsam kheak thripkhüh kheahbah tüsho ane kiuyuka bahpü reanglobah, 10tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo. 11Tüshe nimung mahsam kheak thripkhüh dunglim Thrünpuh kilimnü arhang sheak ane kheak yüzah, tüsho ane ngürü alala müyinsah. 12Judüki yinmi chingnü düsheak achangnü ane ki thakhi so, “Halim akihang!” Tüsho ane riribo mikinü anenü amo chingnü yinmi lim yükih. 13#Ami 6.12; 16.18Ju kim ching muliuyuk ato züng, tüsho kiuto shihcham thürü ching khülang thsümünim; muliuyuk ching mihtsürü 7000 laksah, tüsho aninga larünü müyinnim tüsho yinmi ching Thrünpuh kilim müretah jih.
14Mihtrebe mahnepü hodo; kheahang, mihtrebe asampü nahde arüpü lah.
Hulipungpung Thünepü
15Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,” 16Tüsho Thrünpuh miki arü kiulongthsü-binkiubo kheak binkhi azothsürü mukukheak phüyinü arü miro mükhüm tüsho Thrünpuh kingaünde 17tha,
“Atungpuh Wuto Thrünpuh,
isanü nü ki makshe jihchoh,
shepü la tüsho shepü lakhea, tüsho arüpü la,
tümütüsho nünü wu ato lu tüsho kiulongthsüpü tankih.
18Trükshihbonü bukakhiuk tüsho nü mulong zhipzhip,
asherü mahkhappü kim arü, tüsho nü tankihrübo,
wukihrübo tüsho amüsührü, nü mung trerü,
anini tüsho ato chido thsambah jihpü,
tüsho alomi thsümünimrü dükheakshihpü lah.”
19 #
Ami 8.5; 16.18; Ami 16.21 Judüki yinmi ching Thrünpuh arüngyam khimshuh, tüsho api tangzüng sangdan ju api arüngyam ching ngü; tüsho ju ching chinchobe, düsheakbo, tsüngmukbo, muliuyuk, tüsho aru mülangde ashukhi lakheah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.