WÜHKHE 33
33
Ijip chingnü Moab
1Harübo ha Mosa tüsho Aron anenü Israel mihtsürü arü bonungrü bebah Ijip ching hantsahkhibo ah. 2Kheakü Mosanü Atungpuh yukhüm yande arü hantsahchoki binkheampungbo thrütyuk. Tüsho harü ha arü hantsahkhi akhinashu:
3Arünü akhuhbe khinu thürükheak phüngü nipü ching Rameses chingnü tsahmusu; phungho-thünio shidopü Israelrünü Ijiprü mük kinü mulong ato thsübah wukhiuk. 4Judüki Ijiprübo arü tsührü adüjirü Atungpuhnü alaksahkhi kiuyuka bahde alakheah; kheaküshe arü thrünpuhbo kheak Atungpuhnü mahkhapkhi rhimo handarü.
5Jushu Israel mihtsürübo Rameses chingnü akhinbah Sukkoth ching binkheam. 6Arü Sukkoth chingnü akhinbah sunglo tsünthri yean Etham ching binkheam. 7Arü Etham chingnü akhinbah Baal Zephon aniakhiuklim, Pi-hahiroth lim rholode arü; tüsho arü Migdol phünide binkheam. 8Arü Pi-hahiroth chingnü keto hode sunglo ching yü, tüsho arü Etham sunglo ching nimung mahsam tsahchoki, arü Mara ching binkheam. 9Arü Mara chingnü akhinde Elim ching yü, ju ching kekhip thürükheak mahne tüsho ashidung nerü lakheah, tüsho arü ju ching binkheam.
10Arü Elim chingnü akhinde yünü Amürüm Keto ching binkheam. 11Jushu arü Sin sunglo ching binkheam. 12Jushu arü Dophka ching arü, 13tüsho jushu Atush ching arü. 14Ju khin ke yungpü müngüpung Rephidim ching arü.
15Arü Rephidim chingnü akhinbah Sinai sunglo ching arü, 16ju chingnü Kibroth Hattaava ching arü, 17ju chingnü Hazeroth ching arü, 18ju chingnü Rithma ching arü, 19ju chingnü Rimmon Perez ching arü, 20ju chingnü Libna ching arü, 21ju chingnü Rissa ching arü, 22ju chingnü Kehelatha ching arü, 23ju chingnü Shepher wung ching arü, 24ju chingnü Harada ching arü, 25ju chingnü Makheloth ching arü, 26ju chingnü Tahath ching arü, 27ju chingnü Tera ching arü, 28ju chingnü Mithka ching arü, 29ju chingnü Hashmona ching arü, 30ju chingnü Moseroth ching arü, 31ju chingnü Bene Jaakan ching arü, 32ju chingnü Hor Hagidgad ching arü, 33ju chingnü Jotbatha ching arü, 34ju chingnü Abrona ching arü, 35ju chingnü Ezion Geber ching arü, 36ju chingnü Kadesh de ajihkhi Zin sunglo ching arü, 37ju chingnü Edom lomi aredung kheak, Hor Müzüng ching arü.
38Tüsho Atungpuhnü thiyukhüm jihkhi nangde amükeambuh Aronnü Hor Müzüng ching wutu, tüsho Israel mihtsürü Ijip chingnü akhiukbah kam yirü khinu phüngü atan nimung api ju ching sheabah. 39Aron ju Hor Müzüng ching shechoki asürükhi kam 123 lakheah.
40Kheakü Kananrü Arad kiulongthsüpuh, Kanan lomi Negeb ching labuhnü Israelrü arükhi so.
41Jumonü arü Hor Müzüng chingnü tsahmusubah Zalmona ching binkheam, 42ju chingnü Punon ching arü, 43ju chingnü Oboth ching arü, 44ju chingnü Moab aredung, Ije Abarim ching arü, 45ju chingnü Dibon Gad ching arü, 46ju chingnü Almon Diblathaim ching arü, 47ju chingnü Nebo phünide Abarim wungbo ching arü; 48ju chingnü Jirikho hobah Jordan ki Moab dükhünbo ching arü, 49tüsho arü Moab dükhünbo ching Jordan ki, Beth Jeshimoth chingnü Abel-shittim khiungde binkheam.
Jordan Hopü Thsangdankhi
50Kheakü Jirikho hobah Jordan ki, Moab dükhün ching Atungpuhnü Mosa ki tha, 51“ Israel mihtsürübo ki thaang: Küyimki nüsa Jordan hobah Kanan lo ching yüzahbanü, 52nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang; 53nüsanü ju lo ching larü yankhitbahle ju ching laang, tümüde nüsa lashihpü alo inü jihdo. 54Tüsho nüsa buhtsüh ayannü alo yamrüplurüp ju azan thsüde chama luang; buhtsüh torü kilim nünü yamrüplurüp ato jihang, tüsho buhtsüh ninirü kilim anini jihang; mihtsürü aban yamrüplurüp ju nihbuh kheak azan akhiukkhi yande alabah. Nüsanü nüsa buhrü trükbo yande yamrüplurüp luang. 55Tüshe nüsanü ju lo ching larü yankhita mübahsho, nüsanü aninga zorübo junü nüsa mük alühde alabah tüsho nüsa rheang ki ayang thsübah; tüsho nüsa lakhi lomi ching arünü nüsa küpkhuk jihbah. 56Jude yungsho inü arü kheak tümü rhimopü lümlanü nüsa kheak rhimobah.”
Currently Selected:
WÜHKHE 33: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
