WÜHKHE 26
26
Wühkhekhi Mahnepü
1Tüsho arüm hoabahshu Atungpuhnü Mosa tüsho amükeambuh Aron tsührü Eleazar ki tha, 2“ Israelrü tsührü kam mukunü akumung thirithsü ching yükhukpü thsüde arü buhtsüh wühkhe luang.” 3Jumonü Mosa tüsho amükeambuh Eleazarnü Jirikho hode yübah, Jordan ki Moab dükhün ching arü ki tha, 4“ Mosa tüsho Israel mihtsürübo, Ijip lo chingnü akhiukrübo ki Atungpuhnü thiyukhüm jihkhi nangde mihtsürübo kam mukunü akumung wühkhe luang.” Harü ha Ijip chingnü akhiukkhi Israelrübo: 5Jakob tsührü adüjibuh Reuben tsühsoniusobo: Hanok kheaknü Hanokrü guk kam; Pallu kheaknü Pallu guk kam; 6Hezron kheaknü Hezronrü guk kam; Karmi kheaknü Karmirü guk kam. 7Harübo ha Reubenrü gukbo lakheah; tüsho arü wühkhe ju 43,730.
8Eliab ju Pallu tsührü, 9tüsho Eliab tsührübo ju Nemuel, Dathan tüsho Abiram. Dathan tüsho Abiram büne ha arünü Atungpuh azhihchoki boto mung chingnü amokhitkhi, Mosa le Aron azhihde Kora jingyanrü bolung bekheah; 10tüsho alonü amün kabah ane Kora lung muyuabah, api jingyanrü 250 monü taksahabah; tüsho arübo amütsan khülang kam. 11Judüalalashe Kora tsührübo a müshe.
12Simeon tsühsoniusobo arü guk ayannü: Nemuel kheaknü Nemuelrü guk kam; Jamin kheaknü Jaminrü guk kam; Jakin kheaknü Jakinrü guk kam; 13Zera kheaknü Zerarü guk kam; Shaul kheaknü Shaulrü guk kam. 14Harü gukbo wühkhe ju 22,200.
15Gad tsühsoniusobo arü guk ayannü: Zephon kheaknü Zephonrü guk kam; Haggi kheaknü Haggirü guk kam; Shuni kheaknü Shunirü guk kam; 16Ozni kheaknü Oznirü guk kam; Eri kheaknü Erirü guk kam; 17Arodi kheaknü Arodirü guk kam; Areli kheaknü Arelirü guk kam. 18Harübo ha Gad gukbo lakheah; arü wühkhe ju 40,500.
19Er tüsho Onan ane Juda tsührü lakheah, tüshe ane Kanan ching sheabah. 20Tüsho Juda tsühsoniusobo arü guk ayannü: Shela kheaknü Shelarü guk kam; Perez kheaknü Perezrü guk kam; Zera kheaknü Zerarü guk kam. 21Perez tsühsoniusobo: Hezron kheaknü Hezonrü guk kam; Hamul kheaknü Hamulrü guk kam. 22Harübo ha Juda gukbo; arü wühkhe ju 76,500.
23Issakar tsühsoniusobo arü guk ayannü: Tola kheaknü Tolarü guk kam; Pua kheaknü Puarü guk kam; 24Jashub kheaknü Jashubrü guk kam; Zhimron kheaknü Zhimronrü guk kam. 25Harübo ha Issakar gukbo; arü wühkhe ju 64,300.
26Zebulun tsühsoniusobo arü guk ayannü: Elon kheaknü Elonrü guk kam; Jaleel kheaknü Jaleelrü guk kam; 27Harü ha Zebulun gukbo; arü wühkhe ju 60,500.
28Josep tsühsoniusobo arü guk yande alakhi ju Manase tüsho Ephraim. 29Manase tsühsoniusobo: Makir kheaknü Makirü guk kam (Makir ju Gilead abuh lakheah); Gilead kheaknü Gileadrü guk kam. 30Gilead tsühsoniusobo: Iezer kheaknü Iezerrü guk kam; Helek kheaknü Helekrü guk kam; 31Asriel kheaknü Asrielrü guk kam; Shekem kheaknü Shekemrü guk kam; 32Shemida kheaknü Shemidarü guk kam; Hepher kheaknü Hepherrü guk kam, 33Hepher tsührü Zelophehad a tsührü athrürü müla, tüshe tsührü aliberübo lang alakheah: arübo mung ju Mahla, Noa, Hogla, Milka tüsho Tirza. 34Harübo ha Manase gukbo; arü wühkhe ju 52,700.
35Ha Ephraim tsühsoniusobo arü guk ayannü: Shuthela kheaknü Shuthelarü guk kam; Beker kheaknü Bekerrü guk kam; Tahan kheaknü Tahanrü guk kam. 36Shuthela tsühsoniusobo Eran kheaknü, Eranrü guk kam. 37Harü ha Ephraim gukbo; arü wühkhe ju 32,500. Harübo ha Josep kheaknü trükkhitde arükhi gukbo ah.
38Benjamin tsühsoniusobo arü guk ayannü: Bela kheaknü Belarü guk kam: Ashbel kheaknü Ashbelrü guk kam; Ahiram kheaknü Ahiramrü guk kam; 39Shuphan kheaknü Shuphanrü guk kam; Hupham kheaknü Huphamrü guk kam. 40Bela tsührütsührü Ard tüsho Naaman kheaknü arükhi: Ard kheaknü Ardrü guk kam; Naaman kheaknü Naamanrü guk kam. 41Harü ha Benjamin gukbo; arü wühkhe ju 45,600.
42Ha Dan tsühsoniusobo guk: Shuham kheaknü Shuhamrü guk kam; 43arü wühkhe ju 64,400.
44Asher tsühsoniusobo arü guk ayannü: Imna kheaknü Imnarü guk kam; Ishvi kheaknü Ishvirü guk kam; Beria kheaknü Beriarü guk kam. 45Tüsho Beria tsühsoniusobo: Heber kheaknü Heberrü guk kam; Malkiel kheaknü Malkielrü guk kam; 46Asher tsührü aliberü amung Sera lakheah. 47Ha Asher gukbo; arü wühkhe ju 53,400.
48Naphtali tsühsoniuso gukbo: Jazeel kheaknü Jazeelrü guk kam; Guni kheaknü Gunirü guk kam; 49Jezer kheaknü Jezerrü guk kam; Shillem kheaknü Shillamrü guk kam. 50Ha Naphtali gukbo; arü wühkhe ju 45,400.
51Israel mihtsürübo wühkhekhi alala thsürubah 601,730.
52 Atungpuhnü Mosa ki tha, 53Alo ju arü wühkhe ayannü yamrüplurüp thsüde mülüjihkheah. 54Boto ato kilim yamrüplurüp ato jihang, tüsho boto anini kilim aninibe jihang; wühkhekhi ching thrütyukkhi yande mihtsürü abannü nihbuh yamrüplurüp leangkhishang. 55Tüshe alo ju azan thsüde achambeah; arübonü nihbuh jipürü trük mungji yande yamrüplurüp lubah. 56Azan thsüde yamrüplurüp ju boto ato tüsho anini dükeak ching chamjihbeah.
57Ha Levirü guk khekhi: Gershon kheaknü Gershonrü guk kam; Kohath kheaknü Kohathrü guk kam: Merari kheaknü Merarirü guk kam. 58Levirü gukbo: Libnirü guk, Hebronrü guk, Mahlirü guk, Mushirü guk, Korarü guk, tüsho Kohath ju Amram abuh lakheah. 59Amram niube ju Levirü tsührü Ijip chingnü azübekhi, Jokebed; tüsho anihbenü Amram kilim Aron, Mosa tüsho Miriam zübejih. 60Aron kilim Nadab, Abihu, Eleazar tüsho Ithamar zübejih. 61Tüsho Nadab le Abihu ane Atungpuh miki mümülükhi mo jihchoki sheabah. 62Levirü athrürü alala khinu khülang yungsho ju kumung wühkhekhi ju 23,000. Arübo Israelrü püpürü lung mükheyuk tümütüsho arübo a arü lung yamrüplurüp mulu.
63Harü ha Mosa tüsho amükeambuh Eleazar anenü Jirikho hode yübah Jordan yean Moab dükhün ching Israel mihtsürü wühkhekhibo ah. 64Tüshe harü bolung Mosa tüsho amükeambuh Aronnü Sinai sunglo ching Israel mihtsürü wühkhekhi ching zahrü sheshe mübe. 65Tümüde Atungpuhnü arü dünkheaknü tha, “ Tsükjide arübo sunglo ching shebah.” Jumonü Jephunne tsührü Kaleb tüsho Nun tsührü Jihusua kheak hode mihtsürü sheshe maning.
Currently Selected:
WÜHKHE 26: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
