WÜHKHE 1
1
Akhuhbe Israelrü Wühkhe
1Israelrü mihtsürü Ijip chingnü akhiukshu kam mahnepü khinu mahne nimung akhuhbe nipü, Atungpuhnü Mosa ki Sinai sunglo ching api shorupung khimyam chingnü tha, 2Israelrü tsührübo arü yamkhün, arü buhrü, athrürü aban aku thsükhi yande wühkhe luang; 3Israel ching kam muku tüsho akumung sherü keochih yükhuklanü Aron nükenü nihbuh bonungrü ayannü arübo kheang. 4Tüsho nü lung trük aban chingnü mihtsürü khülang khülang, kuku chingnü abande alabah, 5mihtsürü harübonü nü rungbah: Reuben chingnü Shedeur tsührü Elizur, 6Simeon chingnü Zurishaddai tsührü Shelumiel, 7Juda chingnü Amminadab tsührü Nashon, 8Issakar chingnü Zuar tsührü Nethanel, 9Zebulun chingnü Helon tsührü Eliab, 10Josep tsührü chingnü: Ephraim chingnü Ammihud tsührü Elishama tüsho Manase chingnü Pedazur tsührü Gamaliel; 11Benjamin chingnü Gideoni tsührü Abidan, 12Dan chingnü Ammishaddai tsührü Ahiezer, 13Asher chingnü Okran tsührü Pagiel, 14Gad chingnü Deuel tsührü Eliasaph, 15Naphtali chingnü Enan tsührü Ahira. 16Harübo ha trük boto chingnü amokhitkhi arü jipürü trük ching limberübo, Israel gukbo ching akubo lakheah. 17Mosa le Aron bünenü mung thrütyukrübo bea lu, 18tüsho khinu mahne nimung atan ni, arübo boto alala mukhung; arübonü guk tüsho yamkhün ayannü kam muku tüsho akumung mihbüm aban mung thrütyuk. 19Atungpuhnü Mosa ki thiyukhüm jihkhi nangde Sinai sunglo ching arü mung khea lu.
20Israel tsührü adüjibuh Reuben trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit, 21Reuben trük chingnü wühkhekhi 46,500. 22Simeon trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 23Simeon trük chingnü wühkhekhi 59,300.
24Gad trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 25Gad trük chingnü wühkhekhi 45,650.
26Juda trük chingnü: Athrürü alala kam muku tüsho ju akumung thirithsü ching yükhukpü larü mung khülang khülangnü arü guk tüsho yamkhün yande khekhit. 27Juda trük chingnü wühkhekhi 74,600.
28Issakar trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 29Issakar trük chingnü wühkhekhi 54,400.
30Zebulun trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 31Zebulun trük chingnü wühkhekhi 57,400.
32Josep tsührübo chingnü: Ephraim trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 33Ephraim trük chingnü wühkhekhi 40,500.
34Manase trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 35Manase trük chingnü wühkhekhi 32,200. 36Benjamin trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 37Benjamin trük chingnü wühkhekhi 35,400.
38Dan trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 39Dan trük chingnü wühkhekhi 62,700.
40Asher trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 41Asher trük chingnü wühkhekhi 41,500.
42Naphtali trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit. 43Naphtali trük chingnü wühkhekhi 53,400.
44Harübo ha Mosa le Aron anenü Israelrü limberübonü rungde athrürü thürükheak mahne, nihbuh jipürü guk ayannü akhekhibo ah. 45Jumonü Israelrübo alala nihbuh jipürü guk yande, kam muku tüsho akumung, mihtsürü abannü Israel ching keochih yükhukpü larü– 46arü wühkhekhi alalanü 603,550.
47Tüshe Levirübo a mührü bolung arü buhrü trük yande mükheyuk; 48tümüde Atungpuhnü Mosa ki tha, 49“Nünü Levi trük lang dükheyuk yungsho Israelrü tsührü bolung arü wühkhe mulu; 50tüshe nünü Levirübo a I lapung khimyam tüsho kukrukbo kurungkheak akheahrü mokhitang. Arünü arüngyam tüsho kukruk hande ju ching tankihbah, tüsho ju mühi arü binkheampungbo thsübah. 51Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah. 52Israelrü tsührübonü nihbuh tsükhi tüsho bonungrü ayannü binkheampung ching khimyam thsübah; 53tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.” 54Jumonü Atungpuhnü Mosa ki thiyukhüm jihkhi nangde Israelrünü alala rhimo.
Currently Selected:
WÜHKHE 1: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
