LEVI 6
6
1 Atungpuhnü Mosa ki tha, 2Küyimki nüsa khürünü yamhingrü ki zomukhungkhi yungsho thiyuchihchimkhi ching mülapyukde yungsho ahühmudode, Atungpuh azhihde neak yihbeakbanü yungsho nünü yamhingrü junosho, 3yungsho tümükhüh dükheakkhi ngübah akeangyu thasho–khürünü rhimobah neak yihbeakbe mungjithürü dünkheak amülim thiyuchihchimsho, 4küyimki khürünü junangde neak yihbeakbah amülim kambanü, apinü ahüh-a lukhi ju ajihlobah, yungsho apinü junode alukhi, yungsho zomukhungkhi apinü alukhi, yungsho adükheakkhi kukruk apinü angükhi, 5yungsho tümükhüh dünkheak apinü akeangyu thiyuchihchimkhi; apinü alala jihlobah, tüsho ju lung shihcham muku yukajakbah, tüsho kukruk putungpuh kilim amülimkhi kingaün nimung apinü ajihlobah. 6Apinü amükeambuh kilim ashaklo kingaün thsüde namfimihnu yungsho mihnupung lapha mükihkhi amülimkhi kingaün dün mode handarübah. 7Amükeambuhnü mihtsürü neak dünthsükhibah tüsho apinü alakmihkhi neak bahjihbah.
Taka Kingaünkhi
8 Atungpuhnü Mosa ki tha, 9Aron tüsho atsührübo ki, ha taka kingaün yakzan ah de thiyukhüm jihang. Taka kingaünpü ju kingaünpung mokin kheak tsüngreroro takde yapsu khiungbah tüsho mo ju kingaünpung kheak taka zobah. 10Tüsho amükeambuhnü alunglim athünak yukbah khimzhingzhing yukbah, tüsho taka kingaünkhi wah ju wua kingaünpung mungyean zobah. 11Tüsho apinü ayihkhi khim ju yihkhitbahle püpü yukbah, tüsho awah ju wungdo hande wukhiuknü amüsüh dangpung ching zobah. 12Kingaünpung kheak mo takkhi ju mümütshihdü lang azobah. Yapsu aban amükeambuhnü sang tsanglunga yukde ju kheak taka kingaünpü thsübah, tüsho mungtsü kingaün thsungkheak amüdang ju kheak takbah. 13Kingaünpung kheak mo ju mutukzhakde atakbah; ju mümütshih.
Hi Kingaün
14Hi kingaün yakzan: Aron tsührübonü Atungpuh miki kingaünpung kheak jihbah. 15Arünü ayikangkang müyikhüh, müdangke, tüsho ju kheak lakhi rhümthüneabe lubah mümihpü thsüde Atungpuh kilim kingaünpung kheak takbah. Ha kingaünkhi rhümnü Atungpuh asühshihchoh. 16Tüsho aningkhi Aron tüsho atsührübonü phaüm muyukde amüsüh dangpung khülang chingnü atsühbah; ju Atungpuh shorupung khimyam dükeak chingnü atsühbah. 17Hoju phaüm yukbah munung. Ha Atungpuhnü arü kilim taka kingaünpü shihcham jihkheah; ju neak kingaün tüsho ashaklo kingaün ruk khide amüsüh lah. 18Atungpuh kilim taka kingaünkhi ching yo lünnü Atungpuh miki lün lün ching tangzüng thsüde Aron tsührübo athrürü abannü atsühpü kuklah; sherübonü ju qiubanü arü amüsüh kambah.
19 Atungpuhnü Mosa ki tha, 20Api mujude-müsühkhit nimung Aron tüsho atsührübonü Atungpuh kilim kingaün ha jihbah: ayikangkang khahngak 1 (hi kingaün nimung aban jihkhi dükhüh), chamshakkhüh yapsu lim tüsho chamshakkhüh are de ajihbah. 21Hoju müdangke yukbah thsürubahle keangkihphüh chingnü adükihbah tüsho hi kingaün nangde anininü anungbah, tüsho ju rhümnü Atungpuh asühshihde ajihbah. 22Api tsührü bolung anihbuh müthri amükeambuh thsüpü mujude-müsühkhitkhinü ha jihbah. Ha Atungpuh kilim lünnü yakzan labah. Ha abümnü atakbah. 23Amükeambuhnü hi kingaünkhibo ju mütsüh; ju shahde takabahbah.
Neak Kingaün
24 Atungpuhnü Mosa ki tha, 25Ha neak kingaün yakzan ah de Aron tüsho atsührübo ki thaang: Kükheaknü taka kingaünpü laksahkheanü ju kheaknü neak kingaünbe Atungpuh mikinü alaksahbah, hoju khide amüsüh kingaün ah. 26Amükeamrü shepünü neak kingaün jihchonü ju amüsüh dangpung, Atungpuh shorupung khimyam dükeaknü atsühbah. 27Khürünü yungsho tümükhühnü shih ju qiusho amüsüh kamabahbah. Shih thiyih khimmih kheak rhakkihsho, amüsüh dangpung chingnü müsühabahbeah. 28Alo phüh chingnü shih ju khiunga lasho ju ayihrüpbeah, tüsho müwayinchi phüh chingnü khiunga lasho ju pheabahang tüsho kenü müsühabahbeah. 29Amükeamrü yamkhün ching athrürü abannü ha kingaünkhi tsühpü kuklah; ha khide amüsüh. 30Tüshe neak kingaünkhi yo thiyih amüsüh dangpung dünthsükhipü ashorupung khimyam ching handarüsho, ju shih mütsüh; hoju takabahbah.
Currently Selected:
LEVI 6: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 6
6
1 Atungpuhnü Mosa ki tha, 2Küyimki nüsa khürünü yamhingrü ki zomukhungkhi yungsho thiyuchihchimkhi ching mülapyukde yungsho ahühmudode, Atungpuh azhihde neak yihbeakbanü yungsho nünü yamhingrü junosho, 3yungsho tümükhüh dükheakkhi ngübah akeangyu thasho–khürünü rhimobah neak yihbeakbe mungjithürü dünkheak amülim thiyuchihchimsho, 4küyimki khürünü junangde neak yihbeakbah amülim kambanü, apinü ahüh-a lukhi ju ajihlobah, yungsho apinü junode alukhi, yungsho zomukhungkhi apinü alukhi, yungsho adükheakkhi kukruk apinü angükhi, 5yungsho tümükhüh dünkheak apinü akeangyu thiyuchihchimkhi; apinü alala jihlobah, tüsho ju lung shihcham muku yukajakbah, tüsho kukruk putungpuh kilim amülimkhi kingaün nimung apinü ajihlobah. 6Apinü amükeambuh kilim ashaklo kingaün thsüde namfimihnu yungsho mihnupung lapha mükihkhi amülimkhi kingaün dün mode handarübah. 7Amükeambuhnü mihtsürü neak dünthsükhibah tüsho apinü alakmihkhi neak bahjihbah.
Taka Kingaünkhi
8 Atungpuhnü Mosa ki tha, 9Aron tüsho atsührübo ki, ha taka kingaün yakzan ah de thiyukhüm jihang. Taka kingaünpü ju kingaünpung mokin kheak tsüngreroro takde yapsu khiungbah tüsho mo ju kingaünpung kheak taka zobah. 10Tüsho amükeambuhnü alunglim athünak yukbah khimzhingzhing yukbah, tüsho taka kingaünkhi wah ju wua kingaünpung mungyean zobah. 11Tüsho apinü ayihkhi khim ju yihkhitbahle püpü yukbah, tüsho awah ju wungdo hande wukhiuknü amüsüh dangpung ching zobah. 12Kingaünpung kheak mo takkhi ju mümütshihdü lang azobah. Yapsu aban amükeambuhnü sang tsanglunga yukde ju kheak taka kingaünpü thsübah, tüsho mungtsü kingaün thsungkheak amüdang ju kheak takbah. 13Kingaünpung kheak mo ju mutukzhakde atakbah; ju mümütshih.
Hi Kingaün
14Hi kingaün yakzan: Aron tsührübonü Atungpuh miki kingaünpung kheak jihbah. 15Arünü ayikangkang müyikhüh, müdangke, tüsho ju kheak lakhi rhümthüneabe lubah mümihpü thsüde Atungpuh kilim kingaünpung kheak takbah. Ha kingaünkhi rhümnü Atungpuh asühshihchoh. 16Tüsho aningkhi Aron tüsho atsührübonü phaüm muyukde amüsüh dangpung khülang chingnü atsühbah; ju Atungpuh shorupung khimyam dükeak chingnü atsühbah. 17Hoju phaüm yukbah munung. Ha Atungpuhnü arü kilim taka kingaünpü shihcham jihkheah; ju neak kingaün tüsho ashaklo kingaün ruk khide amüsüh lah. 18Atungpuh kilim taka kingaünkhi ching yo lünnü Atungpuh miki lün lün ching tangzüng thsüde Aron tsührübo athrürü abannü atsühpü kuklah; sherübonü ju qiubanü arü amüsüh kambah.
19 Atungpuhnü Mosa ki tha, 20Api mujude-müsühkhit nimung Aron tüsho atsührübonü Atungpuh kilim kingaün ha jihbah: ayikangkang khahngak 1 (hi kingaün nimung aban jihkhi dükhüh), chamshakkhüh yapsu lim tüsho chamshakkhüh are de ajihbah. 21Hoju müdangke yukbah thsürubahle keangkihphüh chingnü adükihbah tüsho hi kingaün nangde anininü anungbah, tüsho ju rhümnü Atungpuh asühshihde ajihbah. 22Api tsührü bolung anihbuh müthri amükeambuh thsüpü mujude-müsühkhitkhinü ha jihbah. Ha Atungpuh kilim lünnü yakzan labah. Ha abümnü atakbah. 23Amükeambuhnü hi kingaünkhibo ju mütsüh; ju shahde takabahbah.
Neak Kingaün
24 Atungpuhnü Mosa ki tha, 25Ha neak kingaün yakzan ah de Aron tüsho atsührübo ki thaang: Kükheaknü taka kingaünpü laksahkheanü ju kheaknü neak kingaünbe Atungpuh mikinü alaksahbah, hoju khide amüsüh kingaün ah. 26Amükeamrü shepünü neak kingaün jihchonü ju amüsüh dangpung, Atungpuh shorupung khimyam dükeaknü atsühbah. 27Khürünü yungsho tümükhühnü shih ju qiusho amüsüh kamabahbah. Shih thiyih khimmih kheak rhakkihsho, amüsüh dangpung chingnü müsühabahbeah. 28Alo phüh chingnü shih ju khiunga lasho ju ayihrüpbeah, tüsho müwayinchi phüh chingnü khiunga lasho ju pheabahang tüsho kenü müsühabahbeah. 29Amükeamrü yamkhün ching athrürü abannü ha kingaünkhi tsühpü kuklah; ha khide amüsüh. 30Tüshe neak kingaünkhi yo thiyih amüsüh dangpung dünthsükhipü ashorupung khimyam ching handarüsho, ju shih mütsüh; hoju takabahbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.