LEVI 7
7
Ashaklo Kingaün
1Harü ha ashaklo kingaün thsungkheaknü khide amüsüh yakzanbo ah. 2Ashaklo kingaünpü thsüde taka kingaünpü laksahpung chingnü alaksahbah, tüsho thiyih ju kingaünpung thrip phüyi abande arhakkihbah. 3Amüdang harü alala yihkhitbah kingaünpung kheak zojihbah: amokungro-müdang, bukning muhiukhi müdang, 4amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 5Amükeambuhnü tsühyungpü kingaün thsüde Atungpuh ki amüdangbo kingaünpung kheak takbah; ha ashaklo kingaün. 6Amükeamrü yamkhün ching athrürübonü ju tsühpü kuklah tüshe amüsüh dangpung chingnü atsühbeah, tümüde ha khide amüsüh.
7Neak kingaün tüsho ashaklo kingaün ane chido thsungkheaknü yakzan khülang rukhüh lah: shih ju dünthsükhia bahjihbuh amükeambuh yo thsübah. 8Tüsho amükeamrü shepünü khürü yo taka kingaünkhi jihchonü, taka kingaünkhi küp ju anihbuh lubah. 9Hi kingaünkhibo yinchikuk, yungsho keangkihphüh yungsho tak-phuru chingnü thsakhama anungkhi ju Thrünpuh kilim jihbuh amükeambuh yo thsübah. 10Tüshe amükhiungkhi hi kingaün alala, müdangke yukkhi thsüthsü yungsho akung thsüthsü, Aron tsührü amükeamrübo yo thsübah tüsho arü bolung rukhühnü chama lubah.
Mungtsü Kingaün
11Ha Atungpuh kilim mungtsü kingaün jihpü yakzan ah. 12Khürünü Atungpuh kilim makshe kingaün jihsho apinü shiwüh lung phaüm muyukkhi yikhap bebah shuhmülanga jihbah: ju ayikangkangnü anungkhi yikhap ching müdangke yukkhi yungsho yikhapkheam müdangkenü amujukhi yungsho ayikangkang atsüdak ching müdangke yukkhi yikhap jihbeah. 13Ju lungnü, mungtsü kingaün makshe jihde shuhmülanga jihkhi phaüm yukkhi yikhap jihbah. 14Apinü yikhap mungji aban chingnü khülang khülang thrükhita Atungpuh kilim arung nangde ajihbeah; hoju shih thiyih lubah kingaün mühide buka bahbuh amükeambuh yo thsübah. 15Makshe jihde mungtsü kingaünkhi shih ju shuhmülanga jihkhi nimung tsühkhambeah; ashido yapsu khiungde anikhüh she maningshih.
16Tüshe apinü shuhmülanga jihkhi kingaün ju thiyuchihchim yungsho arung jihkhi kingaün thsüsho, apinü shuhmülanga jihkhi ju ju ninü atsühbeah; tüshe aningkhi ashido she atsühpü kuklah, 17tütüshe shuhmülanga jihkhi shih aningkhi ju nimung asampü ching a monü takabahbah. 18Khürünü ha mungtsü kingaünkhi shih mahsam nipü tsühsho anihbuhnü kingaünkhi ju müleangkhi, ju mükheyuk; tüshe amümüsühkhi khejihbah, tüsho shepünü atsühbanü apinü neak hanbah.
19Amümüsühkhi kukruk kheak qiukhi shih ju mütsüh, tüshe monü takabahbeah. Sherü müsühlanü arünü shih ju atsühpü kuklah. 20Tüshe amümüsührü khürünü ha mungtsü kingaün Atungpuh kilim jihkhi tsühsho, api ju nihbuh mihtsürü bolungnü khekhita bahbah. 21Tüsho khürünü tümükhüh amümüsüh kukruk qiubah ha mungtsü kingaün Atungpuh kilim jihkhi shih tsühsho, mihtsürü thsüthsü yungsho shiwüh thsüthsü, api ju nihbuh mihtsürü bolungnü khekhita bahbah.
Amüdang tüsho Thiyih Mütsühpü Thakhi
22 Atungpuhnü Mosa ki tha, 23“Israelrü tsührübo ki thaang: Nüsanü moshipung, namfimihnu tüsho mihnubo müdang mütsüh. 24Ashelimnü ashekhi shiwüh yungsho ari-shiwühnü anguhsahkhi müdang mütsühbeah, tüshe yihnüpü khürü ching yukpü kuklah. 25Khürünü Atungpuh kilim taka kingaünkhi shiwüh müdang tsühsho, api ju nihbuh mihtsürü bolungnü khekhita bahbah. 26Junangde, Israelrü küching küching lalashe arünü wuhnubo yungsho shiwühbo thiyih mütsüh. 27Khürünü ha thiyih tsühsho api ju nihbuh mihtsürü bolungnü khekhita bahbah.”
Aron tüsho Atsührübo Shihcham
28 Atungpuhnü Mosa ki tha, 29Israelrü tsührübo ki thaang: Shepünü nihbuh mungtsü kingaün Atungpuh kilim shuhmülanga jihbanü api mungtsü kingaün shuhmülanga jihkhi chingnü Atungpuh kilim kingaün jihbah. 30Anihbuh khahnü taka kingaünkhi Atungpuh kilim handarünü ajihbah. Apinü shiwüh müdang tüsho ju lung akhüh ju atsüdakbe thsambah thsüde Atungpuh kilim handarübah. 31Amükeambuhnü amüdang ju kingaünpung kheak takbah, tüshe akhüh a Aron tüsho atsührübo yo thsübah. 32Tüsho nüsanü tsülim pho ju shuhmülanga jihkhi mungtsü kingaün chingnü arung kingaün nangde amükeambuh kilim jihang; 33Aron tsührü bolung shepünü mungtsü kingaün ching athiyih tüsho amüdang jihchonü apinü ashihcham tsülim pho lubah. 34Tümüde Israel mihtsürünü mungtsü kingaünkhi chingnü atsüdakbe kingaün jihkhi akhüh, tüsho apho inü ludo, tüsho ha Israel mihtsürünü lünnü jihde alapü yakzan thsüde amükeambuh Aron le atsührübo kilim jihdo. 35Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham. 36Apinü arü mujudemüsühkhitkhi nimung arübo kilim ha shihcham jihshihpü Atungpuhnü Israelrü kilim thiyukhüm jih. Ha Israel mihtsürübonü lün lün ching anide rhimode ayüpü yakzan ah.
37Jumonü ha yakzanbo ha taka kingaün, hi kingaün, neak kingaün, ashaklo kingaün, müsühkhitkhi kingaün, tüsho shuhmülanga jihkhi mungtsü kingaünbo thsungkheaknü ah. 38Apinü Israelrübo ki kingaünshihpü thiyukhüm jih nimung sunglo ching Sinai Müzüng kheaknü Atungpuhnü Mosa kilim thiyukhüm harü jih.
Currently Selected:
LEVI 7: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 7
7
Ashaklo Kingaün
1Harü ha ashaklo kingaün thsungkheaknü khide amüsüh yakzanbo ah. 2Ashaklo kingaünpü thsüde taka kingaünpü laksahpung chingnü alaksahbah, tüsho thiyih ju kingaünpung thrip phüyi abande arhakkihbah. 3Amüdang harü alala yihkhitbah kingaünpung kheak zojihbah: amokungro-müdang, bukning muhiukhi müdang, 4amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah. 5Amükeambuhnü tsühyungpü kingaün thsüde Atungpuh ki amüdangbo kingaünpung kheak takbah; ha ashaklo kingaün. 6Amükeamrü yamkhün ching athrürübonü ju tsühpü kuklah tüshe amüsüh dangpung chingnü atsühbeah, tümüde ha khide amüsüh.
7Neak kingaün tüsho ashaklo kingaün ane chido thsungkheaknü yakzan khülang rukhüh lah: shih ju dünthsükhia bahjihbuh amükeambuh yo thsübah. 8Tüsho amükeamrü shepünü khürü yo taka kingaünkhi jihchonü, taka kingaünkhi küp ju anihbuh lubah. 9Hi kingaünkhibo yinchikuk, yungsho keangkihphüh yungsho tak-phuru chingnü thsakhama anungkhi ju Thrünpuh kilim jihbuh amükeambuh yo thsübah. 10Tüshe amükhiungkhi hi kingaün alala, müdangke yukkhi thsüthsü yungsho akung thsüthsü, Aron tsührü amükeamrübo yo thsübah tüsho arü bolung rukhühnü chama lubah.
Mungtsü Kingaün
11Ha Atungpuh kilim mungtsü kingaün jihpü yakzan ah. 12Khürünü Atungpuh kilim makshe kingaün jihsho apinü shiwüh lung phaüm muyukkhi yikhap bebah shuhmülanga jihbah: ju ayikangkangnü anungkhi yikhap ching müdangke yukkhi yungsho yikhapkheam müdangkenü amujukhi yungsho ayikangkang atsüdak ching müdangke yukkhi yikhap jihbeah. 13Ju lungnü, mungtsü kingaün makshe jihde shuhmülanga jihkhi phaüm yukkhi yikhap jihbah. 14Apinü yikhap mungji aban chingnü khülang khülang thrükhita Atungpuh kilim arung nangde ajihbeah; hoju shih thiyih lubah kingaün mühide buka bahbuh amükeambuh yo thsübah. 15Makshe jihde mungtsü kingaünkhi shih ju shuhmülanga jihkhi nimung tsühkhambeah; ashido yapsu khiungde anikhüh she maningshih.
16Tüshe apinü shuhmülanga jihkhi kingaün ju thiyuchihchim yungsho arung jihkhi kingaün thsüsho, apinü shuhmülanga jihkhi ju ju ninü atsühbeah; tüshe aningkhi ashido she atsühpü kuklah, 17tütüshe shuhmülanga jihkhi shih aningkhi ju nimung asampü ching a monü takabahbah. 18Khürünü ha mungtsü kingaünkhi shih mahsam nipü tsühsho anihbuhnü kingaünkhi ju müleangkhi, ju mükheyuk; tüshe amümüsühkhi khejihbah, tüsho shepünü atsühbanü apinü neak hanbah.
19Amümüsühkhi kukruk kheak qiukhi shih ju mütsüh, tüshe monü takabahbeah. Sherü müsühlanü arünü shih ju atsühpü kuklah. 20Tüshe amümüsührü khürünü ha mungtsü kingaün Atungpuh kilim jihkhi tsühsho, api ju nihbuh mihtsürü bolungnü khekhita bahbah. 21Tüsho khürünü tümükhüh amümüsüh kukruk qiubah ha mungtsü kingaün Atungpuh kilim jihkhi shih tsühsho, mihtsürü thsüthsü yungsho shiwüh thsüthsü, api ju nihbuh mihtsürü bolungnü khekhita bahbah.
Amüdang tüsho Thiyih Mütsühpü Thakhi
22 Atungpuhnü Mosa ki tha, 23“Israelrü tsührübo ki thaang: Nüsanü moshipung, namfimihnu tüsho mihnubo müdang mütsüh. 24Ashelimnü ashekhi shiwüh yungsho ari-shiwühnü anguhsahkhi müdang mütsühbeah, tüshe yihnüpü khürü ching yukpü kuklah. 25Khürünü Atungpuh kilim taka kingaünkhi shiwüh müdang tsühsho, api ju nihbuh mihtsürü bolungnü khekhita bahbah. 26Junangde, Israelrü küching küching lalashe arünü wuhnubo yungsho shiwühbo thiyih mütsüh. 27Khürünü ha thiyih tsühsho api ju nihbuh mihtsürü bolungnü khekhita bahbah.”
Aron tüsho Atsührübo Shihcham
28 Atungpuhnü Mosa ki tha, 29Israelrü tsührübo ki thaang: Shepünü nihbuh mungtsü kingaün Atungpuh kilim shuhmülanga jihbanü api mungtsü kingaün shuhmülanga jihkhi chingnü Atungpuh kilim kingaün jihbah. 30Anihbuh khahnü taka kingaünkhi Atungpuh kilim handarünü ajihbah. Apinü shiwüh müdang tüsho ju lung akhüh ju atsüdakbe thsambah thsüde Atungpuh kilim handarübah. 31Amükeambuhnü amüdang ju kingaünpung kheak takbah, tüshe akhüh a Aron tüsho atsührübo yo thsübah. 32Tüsho nüsanü tsülim pho ju shuhmülanga jihkhi mungtsü kingaün chingnü arung kingaün nangde amükeambuh kilim jihang; 33Aron tsührü bolung shepünü mungtsü kingaün ching athiyih tüsho amüdang jihchonü apinü ashihcham tsülim pho lubah. 34Tümüde Israel mihtsürünü mungtsü kingaünkhi chingnü atsüdakbe kingaün jihkhi akhüh, tüsho apho inü ludo, tüsho ha Israel mihtsürünü lünnü jihde alapü yakzan thsüde amükeambuh Aron le atsührübo kilim jihdo. 35Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham. 36Apinü arü mujudemüsühkhitkhi nimung arübo kilim ha shihcham jihshihpü Atungpuhnü Israelrü kilim thiyukhüm jih. Ha Israel mihtsürübonü lün lün ching anide rhimode ayüpü yakzan ah.
37Jumonü ha yakzanbo ha taka kingaün, hi kingaün, neak kingaün, ashaklo kingaün, müsühkhitkhi kingaün, tüsho shuhmülanga jihkhi mungtsü kingaünbo thsungkheaknü ah. 38Apinü Israelrübo ki kingaünshihpü thiyukhüm jih nimung sunglo ching Sinai Müzüng kheaknü Atungpuhnü Mosa kilim thiyukhüm harü jih.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.