LEVI 5
5
Neak Dün Kingaünbo
1Mihtsürü khülangnü tümükhüh ngükhi yungsho mükheahkhi dünkheak mihtsürübonü thiyumütsan jihang de arhunganimkhi sobah apinü müthakhi hode neak yihbeaksho, ju hah apinü ahanbah.
2Mihtsürü khülangnü amümüsühkhi qiusho–mütüm shiwüh ashemi yungsho, akam-shiwüh ashemi yungsho alo ching tsahbe lorilokobo, tüsho apinü ju müyima lasho, api mümüsühde akambah tüsho amülim thsübah.
3Mihtsürü khülangnü amümüsühkhi mihtsürü qiusho, ju tümütümü thsüthsü she qiubah mümüsühde akambe qiusho, tüsho apinü ju müyima lasho api mümüsühde akambah tüsho amülim thsübah.
4Mihtsürü khülangnü mükümkangde amütsü yungsho atsü rhimo thiyuchihchimsho, mihtsürünü thade thiyuchihchimbe küdürü thsüthsü she, tüsho apinü müyima zobah küyimki mükheahkhitbanü api jurü dünkheak amülim thsübah.
5Küyimki mihtsürü khülang ju amülim kambanü apinü ayihbeakkhi neak alokhibah, 6tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.
7Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah. 8Apinü jurübo amükeambuh kilim handarübah, tüsho akhuhde neak kingaün thsungkheak wuhnu jihbah. Apinü aku muthokhitde ahung rhoshakbah 9tüsho athiyih khürü kingaünpung yeande rhaka bahbah. Aningkhi thiyih kingaün sadam kheak dunga bahbah; ha neak kingaün ah. 10Tüsho thiyuzüng yande mahnepü wuhnu ju apinü taka kingaünbah. Hanangde amükeambuhnü mihtsürü neak dünthsükhibah, tüsho api neak bahjihbah.
11Tüshe apinü müthrithrümpü mahne yungsho chithüreku nunu mahne hande marükhuksho, apinü ayikangkang atsüdak khahngak 1 neak kingaünpü handarübah. Apinü müdangke thsüthsü rhümthüneabe thsüthsü ju ching muyuk, tümüde ha neak kingaün ah. 12Apinü ju amükeambuh kilim handarübah, tüsho amükeambuhnü Atungpuh kilim jihkhi amütsan müyikhüh kama lubah, tüsho apinü ju tsühyungpü kingaün thsüde kingaünpung kheak takbah; ha neak kingaün ah. 13Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.
Ashaklo Kingaün
14Tüsho Atungpuhnü Mosa ki tha, 15Khürünü müreanglimnü amüsüh kukruk Atungpuh kilim müjihde lakpheansho, apinü ashaklo kingaün Atungpuh kilim lapha mükihkhi namfimihnu yungsho mihnupung handarübah. Tüsho ju arüngyam ching lakhi düpüt 11.5nü adünang; tüsho ha amülim thsükhi kingaün ah. 16Apinü amüsüh kukruk müjihkhi dün she shihcham muku yuklobah ajihbeah. Apinü amükeambuh kilim ju jihbah, tüsho amükeambuhnü api neak dünkheak mihnupungnü dünthsükhibah, tüsho api neak bahjihbah.
17Mihtsürü khürünü müreanglimnü Atungpuh yukhüm thsümünimsho, api amülim thsübah tüsho ju mülimkhi apinü ahanbah. 18Apinü ashaklo kingaün lapha mükihkhi namfimihnu yungsho mihnu pung Atungpuh kilim handarübeah. Ju ashaklo kingaünkhi dün akebah ajihbah, tüsho apinü müreanglimnü ayihbeakkhi neak amükeambuhnü dünthsükhibah, tüsho api neak bahjihbah. 19Ha Atungpuh azhihde apinü neak yihbeakkhi dünkheak ashaklo kingaün ah.
Currently Selected:
LEVI 5: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 5
5
Neak Dün Kingaünbo
1Mihtsürü khülangnü tümükhüh ngükhi yungsho mükheahkhi dünkheak mihtsürübonü thiyumütsan jihang de arhunganimkhi sobah apinü müthakhi hode neak yihbeaksho, ju hah apinü ahanbah.
2Mihtsürü khülangnü amümüsühkhi qiusho–mütüm shiwüh ashemi yungsho, akam-shiwüh ashemi yungsho alo ching tsahbe lorilokobo, tüsho apinü ju müyima lasho, api mümüsühde akambah tüsho amülim thsübah.
3Mihtsürü khülangnü amümüsühkhi mihtsürü qiusho, ju tümütümü thsüthsü she qiubah mümüsühde akambe qiusho, tüsho apinü ju müyima lasho api mümüsühde akambah tüsho amülim thsübah.
4Mihtsürü khülangnü mükümkangde amütsü yungsho atsü rhimo thiyuchihchimsho, mihtsürünü thade thiyuchihchimbe küdürü thsüthsü she, tüsho apinü müyima zobah küyimki mükheahkhitbanü api jurü dünkheak amülim thsübah.
5Küyimki mihtsürü khülang ju amülim kambanü apinü ayihbeakkhi neak alokhibah, 6tüsho apinü ayihbeakkhi neak dünkheak neak kingaün mihnu bolungnü namfimihnu dre yungsho mihnu Atungpuh kilim handarübah; tüsho amükeambuhnü api neak dünthsükhibah.
7Tüshe apinü namfimihnu yungsho mihnu müjihkhuksho, apinü neak shaklopü müthrithrümpü mahne yungsho chithüreku mahne Atungpuh kilim, khülang neak kingaün tüsho püpü ju taka kingaünpü thsungkheak hande arübah. 8Apinü jurübo amükeambuh kilim handarübah, tüsho akhuhde neak kingaün thsungkheak wuhnu jihbah. Apinü aku muthokhitde ahung rhoshakbah 9tüsho athiyih khürü kingaünpung yeande rhaka bahbah. Aningkhi thiyih kingaün sadam kheak dunga bahbah; ha neak kingaün ah. 10Tüsho thiyuzüng yande mahnepü wuhnu ju apinü taka kingaünbah. Hanangde amükeambuhnü mihtsürü neak dünthsükhibah, tüsho api neak bahjihbah.
11Tüshe apinü müthrithrümpü mahne yungsho chithüreku nunu mahne hande marükhuksho, apinü ayikangkang atsüdak khahngak 1 neak kingaünpü handarübah. Apinü müdangke thsüthsü rhümthüneabe thsüthsü ju ching muyuk, tümüde ha neak kingaün ah. 12Apinü ju amükeambuh kilim handarübah, tüsho amükeambuhnü Atungpuh kilim jihkhi amütsan müyikhüh kama lubah, tüsho apinü ju tsühyungpü kingaün thsüde kingaünpung kheak takbah; ha neak kingaün ah. 13Hanangde amükeambuhnü mihtsürünü ayihbeakkhi neak dünthsükhibah, tüsho api neak bahjihbah. Ha kingaünkhi ching akhualokhi nangde aningkhi ayikangkang ju amükeambuh yo thsübah.
Ashaklo Kingaün
14Tüsho Atungpuhnü Mosa ki tha, 15Khürünü müreanglimnü amüsüh kukruk Atungpuh kilim müjihde lakpheansho, apinü ashaklo kingaün Atungpuh kilim lapha mükihkhi namfimihnu yungsho mihnupung handarübah. Tüsho ju arüngyam ching lakhi düpüt 11.5nü adünang; tüsho ha amülim thsükhi kingaün ah. 16Apinü amüsüh kukruk müjihkhi dün she shihcham muku yuklobah ajihbeah. Apinü amükeambuh kilim ju jihbah, tüsho amükeambuhnü api neak dünkheak mihnupungnü dünthsükhibah, tüsho api neak bahjihbah.
17Mihtsürü khürünü müreanglimnü Atungpuh yukhüm thsümünimsho, api amülim thsübah tüsho ju mülimkhi apinü ahanbah. 18Apinü ashaklo kingaün lapha mükihkhi namfimihnu yungsho mihnu pung Atungpuh kilim handarübeah. Ju ashaklo kingaünkhi dün akebah ajihbah, tüsho apinü müreanglimnü ayihbeakkhi neak amükeambuhnü dünthsükhibah, tüsho api neak bahjihbah. 19Ha Atungpuh azhihde apinü neak yihbeakkhi dünkheak ashaklo kingaün ah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.