LEVI 4
4
Müreanglim Neak Kingaün
1 Atungpuhnü Mosa ki tha, 2Israel mihtsürübo ki thaang, Müreanglimnü Atungpuh yukhüm lakshide khürü rhimokhinü neak yihbeaksho thiyukhüm harünü arhükbah:
3Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah. 4Apinü moshipung ju Atungpuh shorupung khimyam ripit ki bedarübah, akhahnü aku kheak nimbah, tüsho ju ching Atungpuh mikinü alaksahbah. 5Mujude-müsühkhitkhi amükeambuhnü moshipung thiyih khürü lubah Atungpuh shorupung khimyam lim arübah; 6tüsho amükeambuhnü thiyih ching ju ayingkhing thsambah amüsüh khim zhinkhi miki thüne ki rhakbah. 7Amükeambuhnü thiyih khürü lubah Atungpuh shorupung khimyam ching arhümthüneakhi kingaünpung juhbo kheak bukkihbah, tüsho aningkhi thiyih ju khimyam ripit ki lakhi taka kingaünpung jing kheak dungkihbah. 8Apinü neak kingaünkhi moshipung chingnü amüdang alala yihkhita lubah: bukningbo muhiukhi müdang tüsho bukning mükamde amüdang alala, 9amügüe mahne lung azungyin ching zahkhi amüdang, tüsho amüsan she de amügüe mahne lung yihkhita jihbah. 10Apinü mungtsü kingaün thsungkheak shiwüh laksahkhi müdang yihkhitkhi nangde amükeambuhnü ha müdang lubahle kingaünpung kheak taka kingaünbah. 11Tüshe apinü aküp, ashihtsü, aku, ajingbo, bukningbo tüsho arhubo, 12lubah binpung aleanglim awah suka bahpung amüsüh dangpung ching wukhiukbah, tüsho sang kheak monü takabahbah.
13Israel trük athrünkhinü müreanglimnü neak yihbeakde boto miki ramsho, tüsho Atungpuh yukhüm thsümünimde amülim kamsho, 14neak ramkhit yanalünde, Israel trük athrünkhinü moshipung nunu neak kingaün thsungkheak jihang. Arünü ju Atungpuh shorupung khimyam ching handarübah; 15tüsho boto ching azothsürübonü aku kheak arü khahnü animbah, tüsho ju ching laksahbah. 16Mujudemüsühkhitkhi amükeambuhnü moshipung thiyih khürü lubah khimyam ching yüzahbah, 17ju ching ayingkhing thsambah, tüsho amüsüh khim zhinkhi miki thüne ki rhakbah. 18Tüsho apinü thiyih khürü khimyam alunglim Atungpuh miki kingaünpung juhbo kheak yihkihbah, tüsho aningkhi thiyih khimyam ripit ki taka kingaünpung jing kheak apinü adungkihbah. 19Tüsho apinü amüdangbo lubahle kingaünpung kheaknü atakbah. 20Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah. 21Apinü anihbuh neak dünkheak akhuhlim moshipung taka kingaünkhi ruk, ju moshipung khimyam aleanglim lude wukhiukbah atakbah. Ha boto dünkheaknü neak kingaün ah.
22Yakzanshuhrü khülangnü müreanglimnü neak yihbeakde api Thrünpuh Atungpuh yukhüm khürü thsümünimbah amülim kamsho, 23tüsho anihbuh neak apinü mükheahkhitsho, apinü nihbuh kingaün lapha mükihkhi mihnupung handarübah. 24Apinü akhah aku kheak nimbah tüsho taka kingaünbe laksahpung, Atungpuh mikinü alaksahbah. Ha neak kingaün ah. 25Tüsho amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah. 26Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.
27Mihtsürü ah dümung khürünü müreanglimnü neak yihbeakde Atungpuh yukhüm khürü thsümünimbah amülim kamsho, 28tüsho anihbuh neak apinü mükheahkhitsho, apinü nihbuh kingaün lapha mükihkhi mihnu dre handarübah. 29Apinü akhah aku kheak nimbah tüsho taka kingaünbe laksahpung kinü alaksahbah. 30Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah. 31Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.
32Neak kingaün thsungkheaknü apinü namfimihnu handarüsho lapha mükihkhi dre thsübeah, 33tüsho apinü akhah aku kheak nimbah tüsho taka kingaünbe laksahpung kinü alaksahbah. 34Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah. 35Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.
Currently Selected:
LEVI 4: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 4
4
Müreanglim Neak Kingaün
1 Atungpuhnü Mosa ki tha, 2Israel mihtsürübo ki thaang, Müreanglimnü Atungpuh yukhüm lakshide khürü rhimokhinü neak yihbeaksho thiyukhüm harünü arhükbah:
3Mujude-müsühkhitkhi amükeambuhnü neak yihbeakde mihtsürübo kurungkheak amakham arüsho, apinü moshipung nunu lapha mükihkhi api neak dün Atungpuh kilim kingaünbah. 4Apinü moshipung ju Atungpuh shorupung khimyam ripit ki bedarübah, akhahnü aku kheak nimbah, tüsho ju ching Atungpuh mikinü alaksahbah. 5Mujude-müsühkhitkhi amükeambuhnü moshipung thiyih khürü lubah Atungpuh shorupung khimyam lim arübah; 6tüsho amükeambuhnü thiyih ching ju ayingkhing thsambah amüsüh khim zhinkhi miki thüne ki rhakbah. 7Amükeambuhnü thiyih khürü lubah Atungpuh shorupung khimyam ching arhümthüneakhi kingaünpung juhbo kheak bukkihbah, tüsho aningkhi thiyih ju khimyam ripit ki lakhi taka kingaünpung jing kheak dungkihbah. 8Apinü neak kingaünkhi moshipung chingnü amüdang alala yihkhita lubah: bukningbo muhiukhi müdang tüsho bukning mükamde amüdang alala, 9amügüe mahne lung azungyin ching zahkhi amüdang, tüsho amüsan she de amügüe mahne lung yihkhita jihbah. 10Apinü mungtsü kingaün thsungkheak shiwüh laksahkhi müdang yihkhitkhi nangde amükeambuhnü ha müdang lubahle kingaünpung kheak taka kingaünbah. 11Tüshe apinü aküp, ashihtsü, aku, ajingbo, bukningbo tüsho arhubo, 12lubah binpung aleanglim awah suka bahpung amüsüh dangpung ching wukhiukbah, tüsho sang kheak monü takabahbah.
13Israel trük athrünkhinü müreanglimnü neak yihbeakde boto miki ramsho, tüsho Atungpuh yukhüm thsümünimde amülim kamsho, 14neak ramkhit yanalünde, Israel trük athrünkhinü moshipung nunu neak kingaün thsungkheak jihang. Arünü ju Atungpuh shorupung khimyam ching handarübah; 15tüsho boto ching azothsürübonü aku kheak arü khahnü animbah, tüsho ju ching laksahbah. 16Mujudemüsühkhitkhi amükeambuhnü moshipung thiyih khürü lubah khimyam ching yüzahbah, 17ju ching ayingkhing thsambah, tüsho amüsüh khim zhinkhi miki thüne ki rhakbah. 18Tüsho apinü thiyih khürü khimyam alunglim Atungpuh miki kingaünpung juhbo kheak yihkihbah, tüsho aningkhi thiyih khimyam ripit ki taka kingaünpung jing kheak apinü adungkihbah. 19Tüsho apinü amüdangbo lubahle kingaünpung kheaknü atakbah. 20Apinü neak kingaün jihchoki moshipung akhualokhi nangde, ha moshipung kheak she arhimobah, tüsho ha ruk apinü mihtsürübo neak dünthsükhipü jihbah, tüsho arübo neak bahjihbah. 21Apinü anihbuh neak dünkheak akhuhlim moshipung taka kingaünkhi ruk, ju moshipung khimyam aleanglim lude wukhiukbah atakbah. Ha boto dünkheaknü neak kingaün ah.
22Yakzanshuhrü khülangnü müreanglimnü neak yihbeakde api Thrünpuh Atungpuh yukhüm khürü thsümünimbah amülim kamsho, 23tüsho anihbuh neak apinü mükheahkhitsho, apinü nihbuh kingaün lapha mükihkhi mihnupung handarübah. 24Apinü akhah aku kheak nimbah tüsho taka kingaünbe laksahpung, Atungpuh mikinü alaksahbah. Ha neak kingaün ah. 25Tüsho amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah. 26Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.
27Mihtsürü ah dümung khürünü müreanglimnü neak yihbeakde Atungpuh yukhüm khürü thsümünimbah amülim kamsho, 28tüsho anihbuh neak apinü mükheahkhitsho, apinü nihbuh kingaün lapha mükihkhi mihnu dre handarübah. 29Apinü akhah aku kheak nimbah tüsho taka kingaünbe laksahpung kinü alaksahbah. 30Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah. 31Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.
32Neak kingaün thsungkheaknü apinü namfimihnu handarüsho lapha mükihkhi dre thsübeah, 33tüsho apinü akhah aku kheak nimbah tüsho taka kingaünbe laksahpung kinü alaksahbah. 34Amükeambuhnü neak kingaünkhi thiyih khürü ayingkhing kheak thsamkih-a lubah tüsho taka kingaünpung juhbo kheak yihkihbah, tüsho aningkhi thiyih ju taka kingaünpung jing kheak bukkihbah. 35Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.