LEVI 20
20
Neak Dünkheak Thsümüchibo
1 Atungpuhnü Mosa ki tha, 2Israel tsührübo ki thaang: Israel yungsho khiungkerü Israel ching larü shepünü nihbuh tsührü Molek thrünpuh kingaünpü jihbanü, lomi ching larü mihtsürü athrünkhinü dükde lungnü api rusahabahbah. 3Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah. 4Tüshe mihtsürü khülangnü nihbuh tsührü Molek kilim jihbah mihtsürübonü müngümürang thsüde api mülaksahsho, 5inü ju buh mihtsürü le api yamkhün kheak azhihbah; tüsho arü le arü yande Molek kheak müzammüramrü alala arü mihtsürü bolungnü khekhita bahbah.
6Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah. 7Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah. 8I yakzan thsükhi anide rhimoang: I nüsa müsühkhitjihbuh Atungpuh .
9Shepünü buhrü yungsho berü athruajibanü dükde asheshihbah. Apinü abuh yungsho abe athruajimonü, api thiyih api kheak kihbah.
10Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah. 11Athrürü shepünü nihbuh abuh niube kheak nungbanü abuh mungchih ngüshihchoh; athrüpü tüsho alibe ane chido dükde asheshihbah. Ane thiyih ju ane kheak kihbah. 12Mihtsürü khülangnü nihbuh tsühmeakbe kheak nungsho, ane chido asheshihbah. Anenü amülim rhimodo; ane thiyih ju ane kheak kihbah. 13Athrürü khülangnü aliberü kheak nangde athrürü kheak nungsho, ane chidonü athraneanbe yihbeakdo. Ane dükde asheshihbah; ane thiyih ane kheak kihbah. 14Athrürü khülangnü aliberü le alibe abe ane chido lusho, ju yüliyürakhi ah; api tüsho arü chido monü ataksahbah, junangde nüsa bolung yüliyürakhi mülade akambah. 15Athrürü khülangnü shiwüh lung nungsho, api dükde asheshihbah, tüsho nüsanü shiwüh ju alaksahbeah. 16Aliberü khülangnü shiwüh lung müyampü mürangsho, nüsanü alibe tüsho shiwüh ane chido dükde alaksahbah. Ane thiyih ane kheak kihlah.
17Athrürü khülangnü nihbuh chiniurü lusho, abuh tsührü yungsho abe tsührü thsüthsü, tüsho anenü nungsho, ju khide amütsü rhimo ah. Tüsho ane ju nihbe mihtsürü mük kinü yankhita bahbah. Apinü nihbuh chiniurü mungchihshihdo. Apinü nihbuh amülim hanbah. 18Athrürü khülangnü aliberü khülang kheak anihbe thiyih yükhi kim ching nungsho, apinü alibe müyeanpung lahkhitchoh, tüsho alibenü she ju müyihdo. Ane chido ane mihtsürü bolungnü yankhita bahbah.
19Nü be niurü yungsho nü buh niurü kheak dünung, tümüde junü betsührü khung thsükhi wüntre mülade akambah; nüke chidonü neak hanbah. 20Athrürü khülangnü nihbuh akü niube kheak nungsho, apinü nihbuh künirü mungchih ngüshihchoh. Neak anenü ahanbah; ane tsührü mülade ashebah. 21Athrürü khülangnü akhiung niube lusho, ju amümüsüh rhimo; apinü akhiung mungchih ngüshihchoh. Ane tsührü mülade alabah.
22Jumonü nüsanü I yakzan thsükhi tüsho I yuzüngbo anide rhimoang, jude thsüsho inü nüsa lashihpü bede ayüpung Kanan lonü nüsa mülümkhita mübah. 23Inü nüsa müngüh yankhita bahpü lakhi trükbonü arhimokhi düyan. Tümüde arübonü harü amütsübo rhimodo, jumonü inü arü thraneanabah. 24Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh. 25Jumonü nüsanü shiwüh amüsüh tüsho amümüsüh, wuhnu amüsüh tüsho amümüsüh dükeak mütsanmükhiang, tüsho inü nüsa kheaknü mümüsüh de büthsüjihkhi, shiwüh le wuhnu yungsho alo kheak chinde atsahbe rhangdung labebo hode nüsa mümüsühde dükam. 26Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.
27Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.
Currently Selected:
LEVI 20: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 20
20
Neak Dünkheak Thsümüchibo
1 Atungpuhnü Mosa ki tha, 2Israel tsührübo ki thaang: Israel yungsho khiungkerü Israel ching larü shepünü nihbuh tsührü Molek thrünpuh kingaünpü jihbanü, lomi ching larü mihtsürü athrünkhinü dükde lungnü api rusahabahbah. 3Khürünü nihbuh tsührü Molek kilim jihde I yo amüsüh arüngyam müneansho tüsho I mung amüsüh achih kipsho, inü api azhihde awusubah tüsho api I mihtsürü bolungnü khekhita bahbah. 4Tüshe mihtsürü khülangnü nihbuh tsührü Molek kilim jihbah mihtsürübonü müngümürang thsüde api mülaksahsho, 5inü ju buh mihtsürü le api yamkhün kheak azhihbah; tüsho arü le arü yande Molek kheak müzammüramrü alala arü mihtsürü bolungnü khekhita bahbah.
6Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah. 7Jumonü nüsa müsühkhitang, tüsho müsühde laang; tümüde I Atungpuh nüsa Thrünpuh ah. 8I yakzan thsükhi anide rhimoang: I nüsa müsühkhitjihbuh Atungpuh .
9Shepünü buhrü yungsho berü athruajibanü dükde asheshihbah. Apinü abuh yungsho abe athruajimonü, api thiyih api kheak kihbah.
10Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah. 11Athrürü shepünü nihbuh abuh niube kheak nungbanü abuh mungchih ngüshihchoh; athrüpü tüsho alibe ane chido dükde asheshihbah. Ane thiyih ju ane kheak kihbah. 12Mihtsürü khülangnü nihbuh tsühmeakbe kheak nungsho, ane chido asheshihbah. Anenü amülim rhimodo; ane thiyih ju ane kheak kihbah. 13Athrürü khülangnü aliberü kheak nangde athrürü kheak nungsho, ane chidonü athraneanbe yihbeakdo. Ane dükde asheshihbah; ane thiyih ane kheak kihbah. 14Athrürü khülangnü aliberü le alibe abe ane chido lusho, ju yüliyürakhi ah; api tüsho arü chido monü ataksahbah, junangde nüsa bolung yüliyürakhi mülade akambah. 15Athrürü khülangnü shiwüh lung nungsho, api dükde asheshihbah, tüsho nüsanü shiwüh ju alaksahbeah. 16Aliberü khülangnü shiwüh lung müyampü mürangsho, nüsanü alibe tüsho shiwüh ane chido dükde alaksahbah. Ane thiyih ane kheak kihlah.
17Athrürü khülangnü nihbuh chiniurü lusho, abuh tsührü yungsho abe tsührü thsüthsü, tüsho anenü nungsho, ju khide amütsü rhimo ah. Tüsho ane ju nihbe mihtsürü mük kinü yankhita bahbah. Apinü nihbuh chiniurü mungchihshihdo. Apinü nihbuh amülim hanbah. 18Athrürü khülangnü aliberü khülang kheak anihbe thiyih yükhi kim ching nungsho, apinü alibe müyeanpung lahkhitchoh, tüsho alibenü she ju müyihdo. Ane chido ane mihtsürü bolungnü yankhita bahbah.
19Nü be niurü yungsho nü buh niurü kheak dünung, tümüde junü betsührü khung thsükhi wüntre mülade akambah; nüke chidonü neak hanbah. 20Athrürü khülangnü nihbuh akü niube kheak nungsho, apinü nihbuh künirü mungchih ngüshihchoh. Neak anenü ahanbah; ane tsührü mülade ashebah. 21Athrürü khülangnü akhiung niube lusho, ju amümüsüh rhimo; apinü akhiung mungchih ngüshihchoh. Ane tsührü mülade alabah.
22Jumonü nüsanü I yakzan thsükhi tüsho I yuzüngbo anide rhimoang, jude thsüsho inü nüsa lashihpü bede ayüpung Kanan lonü nüsa mülümkhita mübah. 23Inü nüsa müngüh yankhita bahpü lakhi trükbonü arhimokhi düyan. Tümüde arübonü harü amütsübo rhimodo, jumonü inü arü thraneanabah. 24Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh. 25Jumonü nüsanü shiwüh amüsüh tüsho amümüsüh, wuhnu amüsüh tüsho amümüsüh dükeak mütsanmükhiang, tüsho inü nüsa kheaknü mümüsüh de büthsüjihkhi, shiwüh le wuhnu yungsho alo kheak chinde atsahbe rhangdung labebo hode nüsa mümüsühde dükam. 26Tüsho nüsa I kilim amüsüh, tümüde I Atungpuh amüsüh, tüsho nüsa I yo kamshihpü thsüde inü nüsa püpürü trükshih bolungnü bemuwuh.
27Athrürü yungsho aliberü shepü mesherü yungsho thümürü thsübanü, dükde arübo lungnü arusahbah. Arü thiyih ju arü kheak kihbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.