LEVI 19
19
Amüsüh tüsho Thiyuro Yakzanbo
1 Atungpuhnü Mosa ki tha, 2Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah. 3Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.
4Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.
5Küyimki nüsanü Atungpuh kilim mungtsü kingaün thsungkheak laksah-a jihbanü, nüsa thsungkheak inü aleangkhikhukpü thsüde jihang. 6Nüsanü akingaünkhi shih ju, ju nimung yungsho ashidopünü tsühabahbeah. Tüsho nimung asam nipü aningkhi shih ju monü takabahbeah, 7asam nipü tsühsho, ju athraneanbe ah; kingaün ju müleangkhi. 8Ha tsührü alala nihbuh zangrü neak hanbah, tümüde arünü Atungpuh kilim amüsüh kukruk mükhemükimdo; tüsho ju mihtsürü ju mihtsürü bolungnü khekhita bahbah.
9Küyimki nüsanü thulu yimlubanü, thulu tsünthri khiungde düyimlu tüsho yimluabahshu amüdrebo dümo. 10Nüsa kurungasolu ching lumüdümkhi yungsho ayokhikhi mopü düyülo; jurübo zhochihrü mihtsürübo tüsho khiungkerübo khilim zojang. I Atungpuh nüsa Thrünpuh.
11Nüsanü dahüh yungsho rük thsüde dümülapyuk yungsho khülangnü khülang ki akeangyu dütha. 12Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.
13Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo. 14Nünü nükhünpeangrü dathru tüsho müktukrü müngüh jing mükhebe düzojih; nünü nü Thrünpuh treang: I Atungpuh ah.
15Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang. 16Nünü nü mihtsürü lung jipjiprarade wutula akila de düthsü, tüsho nü yamhingrü rhangdung azhihde düzhip: I Atungpuh ah.
17Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah. 18Nünü nü mihtsürü azhihde rodüyim, yungsho mükthsühüthsü düla, tüshe nünü nü yamhingrü ki nihbuh nangde muzhoang: I Atungpuh ah.
19Nünü I yuzüng thsükhibo zoang. Akam-shiwühnü buh shihshih kheak düdungshih. Thulu khülang ching müjih mahne düyang. Yungsho kukruk mahne thsürubah akeakkhi khim düphuyu.
20Mürhokhityikhi yungsho zuzu mükamshihyikhi azhorü liberü khülang athrürü khülangnü thiyuzokhi kheak püpürü khürünü müzammüramsho, ane thsümüchibah tüshe müsheshih, tümüde alibe ju azhorü liberü ah; 21tüshe apinü ashorupung khimyam ripit ki mihnupung khülang amülim kingaün Atungpuh kilim handarü ajihbah. 22Tüsho amükeambuhnü amülim kingaünkhi mihnupung ju lua apinü ayihbeakkhi neak dünthsükhipü Atungpuh kilim jihbah; tüsho api neak bahjihbah.
23Küyimki nüsa Kanan lomi ching arübahle sangasodung khimbanü, aso ju kam mahsam mümüsüh de lümang. Ju dükeak ching nüsanü mütsühbeah. 24Kam phüyipü ching sangaso alala Atungpuh kilim mungshide kingaün jihkhi amüsüh kambah. 25Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.
26Shih tümü she athiyih zahde dütsüh. Nüsanü müchitmudu yungsho thümüthiyi dahori. 27Nüsanü nüsa müchipnam hütadübah, yungsho mükhühnam dünipmüchih. 28Ashekhi dünkheak nüsa pang kheak dütsüt yungsho nüsa kheak yak düdo: I Atungpuh ah.
29Nüsa tsührü aliberübo müzammüramkhinü mungchih düngüshih; jude yungsho müzammüram le mihbukmuyuknü alomi mide akambah. 30I amunimung yihkhialung, tüsho I kingaünpung arüngyam kheak wüntreang. I Atungpuh ah.
31Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.
32Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.
33Küyimki khiungkerü khülang nüsa lo ching nü lung labanü, nünü dükheahmüchih. 34Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.
35Nünü ayunglim akekhi, wuh-a adünkhi tüsho mülangmüyi adünarakhi ching rük düthsü. 36Sangkhik dükde, wuh-a adünbe dükde, keluh tüsho adünarabebo nüsanü dükde ahoribeah: I nüsa Ijip lomi chingnü bede akhiukbuh Atungpuh nüsa Thrünpuh ah. 37Nüsanü I yakzan thsükhibo tüsho I yuzüngbo alala yanang, tüsho jurü rhimoang: I Atungpuh ah.
Currently Selected:
LEVI 19: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 19
19
Amüsüh tüsho Thiyuro Yakzanbo
1 Atungpuhnü Mosa ki tha, 2Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah. 3Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.
4Sangthsübo kilim dürholo yungsho nüsa thsungkheak düthsü: I Atungpuh nüsa Thrünpuh.
5Küyimki nüsanü Atungpuh kilim mungtsü kingaün thsungkheak laksah-a jihbanü, nüsa thsungkheak inü aleangkhikhukpü thsüde jihang. 6Nüsanü akingaünkhi shih ju, ju nimung yungsho ashidopünü tsühabahbeah. Tüsho nimung asam nipü aningkhi shih ju monü takabahbeah, 7asam nipü tsühsho, ju athraneanbe ah; kingaün ju müleangkhi. 8Ha tsührü alala nihbuh zangrü neak hanbah, tümüde arünü Atungpuh kilim amüsüh kukruk mükhemükimdo; tüsho ju mihtsürü ju mihtsürü bolungnü khekhita bahbah.
9Küyimki nüsanü thulu yimlubanü, thulu tsünthri khiungde düyimlu tüsho yimluabahshu amüdrebo dümo. 10Nüsa kurungasolu ching lumüdümkhi yungsho ayokhikhi mopü düyülo; jurübo zhochihrü mihtsürübo tüsho khiungkerübo khilim zojang. I Atungpuh nüsa Thrünpuh.
11Nüsanü dahüh yungsho rük thsüde dümülapyuk yungsho khülangnü khülang ki akeangyu dütha. 12Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.
13Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo. 14Nünü nükhünpeangrü dathru tüsho müktukrü müngüh jing mükhebe düzojih; nünü nü Thrünpuh treang: I Atungpuh ah.
15Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang. 16Nünü nü mihtsürü lung jipjiprarade wutula akila de düthsü, tüsho nü yamhingrü rhangdung azhihde düzhip: I Atungpuh ah.
17Nünü nü mulong chingnü keoniorü müthraneanbeah, tüsho nü yamhingrü tsükjide thürühang, jude yungsho api neak nünü ahanbah. 18Nünü nü mihtsürü azhihde rodüyim, yungsho mükthsühüthsü düla, tüshe nünü nü yamhingrü ki nihbuh nangde muzhoang: I Atungpuh ah.
19Nünü I yuzüng thsükhibo zoang. Akam-shiwühnü buh shihshih kheak düdungshih. Thulu khülang ching müjih mahne düyang. Yungsho kukruk mahne thsürubah akeakkhi khim düphuyu.
20Mürhokhityikhi yungsho zuzu mükamshihyikhi azhorü liberü khülang athrürü khülangnü thiyuzokhi kheak püpürü khürünü müzammüramsho, ane thsümüchibah tüshe müsheshih, tümüde alibe ju azhorü liberü ah; 21tüshe apinü ashorupung khimyam ripit ki mihnupung khülang amülim kingaün Atungpuh kilim handarü ajihbah. 22Tüsho amükeambuhnü amülim kingaünkhi mihnupung ju lua apinü ayihbeakkhi neak dünthsükhipü Atungpuh kilim jihbah; tüsho api neak bahjihbah.
23Küyimki nüsa Kanan lomi ching arübahle sangasodung khimbanü, aso ju kam mahsam mümüsüh de lümang. Ju dükeak ching nüsanü mütsühbeah. 24Kam phüyipü ching sangaso alala Atungpuh kilim mungshide kingaün jihkhi amüsüh kambah. 25Tüshe kam phüngüpü ching a nüsanü sangaso ju atsühpü kuklah, junangde nüsa thsungkheak hihde asobah. I Atungpuh nüsa Thrünpuh ah.
26Shih tümü she athiyih zahde dütsüh. Nüsanü müchitmudu yungsho thümüthiyi dahori. 27Nüsanü nüsa müchipnam hütadübah, yungsho mükhühnam dünipmüchih. 28Ashekhi dünkheak nüsa pang kheak dütsüt yungsho nüsa kheak yak düdo: I Atungpuh ah.
29Nüsa tsührü aliberübo müzammüramkhinü mungchih düngüshih; jude yungsho müzammüram le mihbukmuyuknü alomi mide akambah. 30I amunimung yihkhialung, tüsho I kingaünpung arüngyam kheak wüntreang. I Atungpuh ah.
31Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.
32Nünü ku buyukrü miki wusuang tüsho ashinbuhrü ki akin jihang, tüsho nü Thrünpuh treang: I Atungpuh ah.
33Küyimki khiungkerü khülang nüsa lo ching nü lung labanü, nünü dükheahmüchih. 34Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.
35Nünü ayunglim akekhi, wuh-a adünkhi tüsho mülangmüyi adünarakhi ching rük düthsü. 36Sangkhik dükde, wuh-a adünbe dükde, keluh tüsho adünarabebo nüsanü dükde ahoribeah: I nüsa Ijip lomi chingnü bede akhiukbuh Atungpuh nüsa Thrünpuh ah. 37Nüsanü I yakzan thsükhibo tüsho I yuzüngbo alala yanang, tüsho jurü rhimoang: I Atungpuh ah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.