LEVI 21
21
Amükeamrübo Dünkheak Yakzanbo
1 Atungpuhnü Aron tsührü amükeamrübo kilim thashihpü thsüde Mosa ki thiyukhüm jih, Shenü she nihbuh mihtsürü shekhi thsungkheak müneana dulu, 2tahle abe, abuh, tsührü athrürü tüsho aliberü, khiungmungrü, 3yungsho api lung lakhi amürhangrü achi pürü dünkheak a apinü nihbuh küdah thsüde müneanpü kuklah. 4Apinü nihbuh kimnangkünirü shechoki nihbuh zangrü müneana mulubeah.
5Amükeamrü shenü she atüzhokhi huhde nihbuh ku tüsho mükhühnam mühüt yungsho nihbuh pang kheak kiuaraka mulubeah. 6Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah. 7Arünü müzammüramberü yungsho athsümünimkhi liberü, yungsho niubuhrünü abahkhi liberü mulu; tümüde amükeambuh ju api Thrünpuh ki amüsüh lah. 8Jumonü arübo amüsüh ah de khejang, tümüde arünü nüsa Thrünpuh tsühyungpü jihchoh; arübo nüsa kilim amüsüh labah, tümüde I Atungpuh ; I nü müsühkhitjihbuh, amüsüh ah. 9Amükeamrü tsührübe khülangnü müzammüramde nihbe zangrü thsümünimsho, alibenü abuh mungchihshihchoh; anihbe ju monü takabahbeah.
10Achangbe Amükeambuh ju nihbuh keoniorü bolungnü aku kheak müdangke dungkihdo tüsho amükeamrü khimmih phuyupü müsühkhit, jumonü apinü nihbuh kuyü mushude mülabeah yungsho khim murukrüpbeah. 11Apinü ashemi phünide müyü; apinü nihbuh berübuhrü thsüthsü she müneana mulu; 12yungsho apinü arüngyam bahbah tsobah nihbuh Thrünpuh arüngyam mümüneanshih; tümüde api Thrünpuh yo mujude-müsühkhitbe müdangke api kheak lah. I Atungpuh ah. 13Apinü yihlupü lakhi aliberü ju atsangkhitkhi thsübeah. 14Khimoberü, abahkhi liberü apinü müyihlu, tüshe apinü nihbuh mihtsürü bolung atsangkhitkhi lubeah, 15yungsho apinü api mihtsürü bolung nihbuh keoniorü mümüneanjihbeah; tümüde I Atungpuh , inü api müsühkhit.
16 Atungpuhnü Mosa ki tha, 17Aron ki thaang: Nü tsührü tsührübo mütsümüyangrü shenü she arü lün amuyung ching arü Thrünpuh tsühyungpü jihpü marü. 18Tümüde mütsümüyangrü shenü she phünide marü, amük tukkhi, phephea larü, yungsho athrünmüchihkhi; 19khürü müphü yungsho khah zhakkhi; 20yungsho ngam dübümrü yungsho amükhirü; khürü mük yungsho küp tukthsü kihrü; tüsho mükiji trürübo. 21Amükeambuh Aron tsührübo mütsümüyangrübo sheshe Atungpuh kilim monü taka kingaünpü marü. Api mütsümüyang; apinü nihbuh Thrünpuh tsühyungpü jihpü phünide marübeah. 22Apinü api Thrünpuh tsühyungpü khide amüsüh tüsho amüsüh ane chido tsühpü kuklah, 23tüshe apinü azhindokhi yungsho kingaün sadam phünide marü, tümütüsho api mütsümüyang, junangde apinü I yo amüsüh dangpungbo mümünean; tümüde I Atungpuh ; inü arü müsühkhit.
24Junangde Mosanü ha Aron le atsührübo tüsho Israel mihtsürü alala ki tha.
Currently Selected:
LEVI 21: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
LEVI 21
21
Amükeamrübo Dünkheak Yakzanbo
1 Atungpuhnü Aron tsührü amükeamrübo kilim thashihpü thsüde Mosa ki thiyukhüm jih, Shenü she nihbuh mihtsürü shekhi thsungkheak müneana dulu, 2tahle abe, abuh, tsührü athrürü tüsho aliberü, khiungmungrü, 3yungsho api lung lakhi amürhangrü achi pürü dünkheak a apinü nihbuh küdah thsüde müneanpü kuklah. 4Apinü nihbuh kimnangkünirü shechoki nihbuh zangrü müneana mulubeah.
5Amükeamrü shenü she atüzhokhi huhde nihbuh ku tüsho mükhühnam mühüt yungsho nihbuh pang kheak kiuaraka mulubeah. 6Arünü nihbuh Thrünpuh mung mümüneanbeah. Tümüde arünü arü Thrünpuh tsühyungpü Atungpuh kilim monü taka kingaün jih; jumonü arübo amüsüh labeah. 7Arünü müzammüramberü yungsho athsümünimkhi liberü, yungsho niubuhrünü abahkhi liberü mulu; tümüde amükeambuh ju api Thrünpuh ki amüsüh lah. 8Jumonü arübo amüsüh ah de khejang, tümüde arünü nüsa Thrünpuh tsühyungpü jihchoh; arübo nüsa kilim amüsüh labah, tümüde I Atungpuh ; I nü müsühkhitjihbuh, amüsüh ah. 9Amükeamrü tsührübe khülangnü müzammüramde nihbe zangrü thsümünimsho, alibenü abuh mungchihshihchoh; anihbe ju monü takabahbeah.
10Achangbe Amükeambuh ju nihbuh keoniorü bolungnü aku kheak müdangke dungkihdo tüsho amükeamrü khimmih phuyupü müsühkhit, jumonü apinü nihbuh kuyü mushude mülabeah yungsho khim murukrüpbeah. 11Apinü ashemi phünide müyü; apinü nihbuh berübuhrü thsüthsü she müneana mulu; 12yungsho apinü arüngyam bahbah tsobah nihbuh Thrünpuh arüngyam mümüneanshih; tümüde api Thrünpuh yo mujude-müsühkhitbe müdangke api kheak lah. I Atungpuh ah. 13Apinü yihlupü lakhi aliberü ju atsangkhitkhi thsübeah. 14Khimoberü, abahkhi liberü apinü müyihlu, tüshe apinü nihbuh mihtsürü bolung atsangkhitkhi lubeah, 15yungsho apinü api mihtsürü bolung nihbuh keoniorü mümüneanjihbeah; tümüde I Atungpuh , inü api müsühkhit.
16 Atungpuhnü Mosa ki tha, 17Aron ki thaang: Nü tsührü tsührübo mütsümüyangrü shenü she arü lün amuyung ching arü Thrünpuh tsühyungpü jihpü marü. 18Tümüde mütsümüyangrü shenü she phünide marü, amük tukkhi, phephea larü, yungsho athrünmüchihkhi; 19khürü müphü yungsho khah zhakkhi; 20yungsho ngam dübümrü yungsho amükhirü; khürü mük yungsho küp tukthsü kihrü; tüsho mükiji trürübo. 21Amükeambuh Aron tsührübo mütsümüyangrübo sheshe Atungpuh kilim monü taka kingaünpü marü. Api mütsümüyang; apinü nihbuh Thrünpuh tsühyungpü jihpü phünide marübeah. 22Apinü api Thrünpuh tsühyungpü khide amüsüh tüsho amüsüh ane chido tsühpü kuklah, 23tüshe apinü azhindokhi yungsho kingaün sadam phünide marü, tümütüsho api mütsümüyang, junangde apinü I yo amüsüh dangpungbo mümünean; tümüde I Atungpuh ; inü arü müsühkhit.
24Junangde Mosanü ha Aron le atsührübo tüsho Israel mihtsürü alala ki tha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.