JIHUSUA 12
12
Mosanü Kiulongthsürübo Kukkhi
1Israel mihtsürübonü yana lude amükühkhi lomibo ju Jordan aniakhiuklim, Arnon ayung chingnü Hermon wung lim Araba aniakhiuklim khiung tüsho arünü kiulongthsürü harü laksah: 2Khülang ju Amor kiulongthsüpuh Heshbon ching yakzanshuhbuh Sihon ah. Api kiulongthsü ju Aroer tüsho jindükhün phulung chingnü Amon aredung yean ching Jabbok Ayung khiung, ju Gilead chamkhüh ah; 3tüsho ju chingnü Jordan jindükhün düjinglim Galilee kekim chingnü Beth Jeshimoth aniakhiuklim peang Ashe keto tüsho Pisga wung düpheak khiunglah.
4Arünü Rephaimrü akheam thsüde aningbuh Ashtaroth tüsho Edrei ching yakzanshuhbuh Bashan kiulongthsüpuh Og she laksah. 5Apinü yakzan shuhkhi püpürü lomibo ju Hermon wung, Saleka, Bashan lo Geshur le Maaka, Gilead chamnakkhüh, tüsho Heshbon kiulongthsühpuh Sihon aredung khiunglah.
6Ha kiulongthsürü mahne ju Mosa le Israelrünü akukkheah. Atungpuh yamlarü Mosanü arü lo Reuben le Gad trükbo tüsho Manase trük chamnakkhüh kilim arü lo thsüshihpü jih.
Jihusuanü Akukkhi Kiulongthsürübo
7Jihusua tüsho Israelrünü Jordan aniyüzahlim lomi kiulongthsürübo, Lebanon jindükhün ching Baalgad chingnü Edom phünide alakhi dukulim Halak wung khiungde yankhit. Ha lo Jihusuanü trükbo kilim lünnü arü lapung thsüpü chama jih. 8Ha dang ching bekhi ju awung lomi, aniyüzahlim lokeamlo, sunglo, Jordan jindükhün. Tüsho ju Hitrü, Amorrü, Kananrü, Perizrü, Hivrü, tüsho Jebusrü lapung lakheah. 9Israelrünü harü kiuto kiulongthsürübo kukkheah: Jirikho, Ai (Bethel phüni), 10Jirusalem, Hebron, 11Jarmuth, Lakish, 12Eglon Gezer, 13Debir, Geder, 14Horma, Arad, 15Libna, Adullam, 16Makkeda, Bethel, 17Tappua, Hepher, 18Aphek, Lasharon, 19Madon, Hazor, 20Shimron-meron. Akshaph, 21Taanak, Megiddo, 22Kedesh, Jokneam (Karmel ching), 23Dor (Naphathdor ching), Goiim (Galilee ching), 24tüsho Tirza–alalanü kiulongthsürü 31.
Currently Selected:
JIHUSUA 12: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
