EZEKIEL 7
7
Akheam Thüninde Lah
1 Atungpuh yu I ki arü: 2Mihtsürü tsührü, ha Wuto Atungpuhnü Israel lomi ki thachoh: Akheam! Lomi thrip phüyi ching akheam arüdo. 3Kheakü nü kheak akheam lah tüsho nü azhihde I bukakhiukkhi trünkhibah. Inü nü rhimorhiyi ayannü nü mahkhapbah tüsho nünü athraneanbe rhimokhi alala jihlobah. 4Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.
5Wuto Atungpuhnü ha thachoh: Thsümütsü! Amusokhi thsümütsü arüchoh. 6Akheam arüdo! Akheam arüdo! Hanü nü azhihde aküdahnü wusudo. Ha arüdo! 7Thsümüchi nüsa kheak arüdo–nüsa sherü lomi ching la. Kim arüdo, nimung phünide lah; müzüngbo kheak thsünükhi lah, asühpü yung. 8Inü nüsa kheak I mulong zhipzhip yükihshihpü tüsho I bukakhiukpü lah; inü nü rhimorhiyi ayannü mahkhapbah tüsho athraneanbe rhimokhi alala ayannü ajihlobah. 9Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.
10Israel thsungkheak thsümütsü nimung arüchoh. Laksahachihkhi alü kamchoh, kükheangküyang kumung lim lah. 11Athsümünimnü mihbukmuyuk alü kamshihchoh; arü sheshe, lakhit amo-achak tümü maning. 12Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah. 13Ane chido la khiungdüa ayinrünü ayinkhi lo müngülo, tümüde boto athrünkhi dünkheak michih ju lah. Arü neakbo dünkheaknü arü khülang lang she nihbuh rhangdung mülade alabah. 14Arünü hulipungpung mütmüt she tüsho lüpdükhi tsanglunglung she, sheshe keochih ching müyüzah, tümüde I mulong zhipzhip boto athrünkhi kheak lah.
Israel Neak Dün Thsümüchi
15Wungdo ching nukshang lah, alunglim arüm tüsho khümzung lah; mükeak ching larübo nukshangnü ashebah, tüsho kiuto ching larübo khümzung tüsho arümnü amuyubah. 16Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah. 17Mihbüm aban khah keakeade akambah, tüsho mukhukbo niukbah. 18Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah. 19Arünü arü shotoyinchi kiudunglimrobo ching bahbah, tüsho arü suna mümüsühkhi kukruk labah. Arü shotoyinchi tüsho sunanü Atungpuh mulong zhipzhip nimung ching arü mükhümkhit. Junü arü khümkhi reangmükeamshih yungsho bukmüthsüshih, tümüde hanü arü neak ching jing mükheshihdo. 20Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah. 21Inü harü lakhit khiungkerübo tüsho lomi mihbukmuyuknü yankhia lushihbah tüsho arünü ju müneanjihbah. 22Inü arü kheaknü I miro rholode atsobah, tüsho arünü I rahpung zopung müneanjihbah; jangkhijangrarünü ju ching yüzahbah tüsho ju müneanjihbah.
23Yinchiliubo tsanglungang, tümütüsho alomi ju thiyih bukkhinü milah tüsho kiuto athsümünimnü milah. 24Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah. 25Küyimki atrebe arübanü, arünü mungtsü yimbah, tüshe arünü tümü müngü. 26Thsümütsünü thsümütsü kheak yankihbah, tüsho alanajinü alanaji labah. Arünü wukihrü kheaknü michih ngüpü mürangbah; amükeamrünü yakzan thsangyukhi, azothsürübonü lümthiyan jihpü dükheakbah. 27Kiulongthsüpuhnü mitripbah, yakzanshuhrünü lümlung dükheakde khim phuyubah, tüsho lomi mihtsürü khahbo ajanbah. Inü arü rhimorhiyi yande tsangshubah, tüsho arü nihbuh lalimlako yande mahkhapbah. Judüki I Atungpuh de arünü mükheahbah.
Currently Selected:
EZEKIEL 7: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EZEKIEL 7
7
Akheam Thüninde Lah
1 Atungpuh yu I ki arü: 2Mihtsürü tsührü, ha Wuto Atungpuhnü Israel lomi ki thachoh: Akheam! Lomi thrip phüyi ching akheam arüdo. 3Kheakü nü kheak akheam lah tüsho nü azhihde I bukakhiukkhi trünkhibah. Inü nü rhimorhiyi ayannü nü mahkhapbah tüsho nünü athraneanbe rhimokhi alala jihlobah. 4Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.
5Wuto Atungpuhnü ha thachoh: Thsümütsü! Amusokhi thsümütsü arüchoh. 6Akheam arüdo! Akheam arüdo! Hanü nü azhihde aküdahnü wusudo. Ha arüdo! 7Thsümüchi nüsa kheak arüdo–nüsa sherü lomi ching la. Kim arüdo, nimung phünide lah; müzüngbo kheak thsünükhi lah, asühpü yung. 8Inü nüsa kheak I mulong zhipzhip yükihshihpü tüsho I bukakhiukpü lah; inü nü rhimorhiyi ayannü mahkhapbah tüsho athraneanbe rhimokhi alala ayannü ajihlobah. 9Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.
10Israel thsungkheak thsümütsü nimung arüchoh. Laksahachihkhi alü kamchoh, kükheangküyang kumung lim lah. 11Athsümünimnü mihbukmuyuk alü kamshihchoh; arü sheshe, lakhit amo-achak tümü maning. 12Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah. 13Ane chido la khiungdüa ayinrünü ayinkhi lo müngülo, tümüde boto athrünkhi dünkheak michih ju lah. Arü neakbo dünkheaknü arü khülang lang she nihbuh rhangdung mülade alabah. 14Arünü hulipungpung mütmüt she tüsho lüpdükhi tsanglunglung she, sheshe keochih ching müyüzah, tümüde I mulong zhipzhip boto athrünkhi kheak lah.
Israel Neak Dün Thsümüchi
15Wungdo ching nukshang lah, alunglim arüm tüsho khümzung lah; mükeak ching larübo nukshangnü ashebah, tüsho kiuto ching larübo khümzung tüsho arümnü amuyubah. 16Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah. 17Mihbüm aban khah keakeade akambah, tüsho mukhukbo niukbah. 18Arünü shungliukhim phuyubah tüsho atrebe khümbah. Arü mirobo kheak achihkhi labah tüsho arü kubo hütbah. 19Arünü arü shotoyinchi kiudunglimrobo ching bahbah, tüsho arü suna mümüsühkhi kukruk labah. Arü shotoyinchi tüsho sunanü Atungpuh mulong zhipzhip nimung ching arü mükhümkhit. Junü arü khümkhi reangmükeamshih yungsho bukmüthsüshih, tümüde hanü arü neak ching jing mükheshihdo. 20Arünü arü mürezhingzhing kheahtsübo hode kükheang tüsho ju athraneanbe sangthsübo le maphapkhi mejakbo thsüpü lu. Jumonü inü harü arü thsungkheak mümüsühkhi kukruk kamshihbah. 21Inü harü lakhit khiungkerübo tüsho lomi mihbukmuyuknü yankhia lushihbah tüsho arünü ju müneanjihbah. 22Inü arü kheaknü I miro rholode atsobah, tüsho arünü I rahpung zopung müneanjihbah; jangkhijangrarünü ju ching yüzahbah tüsho ju müneanjihbah.
23Yinchiliubo tsanglungang, tümütüsho alomi ju thiyih bukkhinü milah tüsho kiuto athsümünimnü milah. 24Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah. 25Küyimki atrebe arübanü, arünü mungtsü yimbah, tüshe arünü tümü müngü. 26Thsümütsünü thsümütsü kheak yankihbah, tüsho alanajinü alanaji labah. Arünü wukihrü kheaknü michih ngüpü mürangbah; amükeamrünü yakzan thsangyukhi, azothsürübonü lümthiyan jihpü dükheakbah. 27Kiulongthsüpuhnü mitripbah, yakzanshuhrünü lümlung dükheakde khim phuyubah, tüsho lomi mihtsürü khahbo ajanbah. Inü arü rhimorhiyi yande tsangshubah, tüsho arü nihbuh lalimlako yande mahkhapbah. Judüki I Atungpuh de arünü mükheahbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.