EZEKIEL 8
8
Jirusalem ching Sangthsü Kingaün
1Kam thuruk, khinu thuruk nimung phüngü nipü, küyimki I yam ching I binde lakhea tüsho Juda azothsürübo I miki binde lakhea, Wuto Atungpuh khah I kheak arü. 2Inü kheah, tüsho inü mihtsürü jakphü nangde ngü. Api chim abolim ju mo nangde la, tüsho junü akulim ju müwayinchi phezhingzhingkhi nangde la. 3Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah. 4Tüsho inü adükhün ching michih ngükhi nangde, I miki Israel Thrünpuh müretahkhi lakheah.
5Judüki apinü I ki tha, “Mihtsürü tsührü, dukulim kheahang.” Jumonü inü kheah, tüsho kingaün sadam ripit dukulim yüzah lim inü ha mükthsüshihkhi sangthsü ngü. 6Apinü I ki tha, “Mihtsürü tsührü, Israel yamkhünnü I arüngyam chingnü limshude yanabahde athraneanbe ato rhimokhi nünü ngüchonah? Tütüshe nünü kheaküshe athraneanbebo atobe ngübah.”
7Jushu apinü I khikzhakpung limro bebah arü. Inü kheah, tüsho inü rhü ching akhün khülang ngü. 8Apinü I ki tha, “Mihtsürü tsührü, kheakü rhü yeahshungang.” Jumonü inü rhü yeahshung tüsho ju ching ripit-limro khülang ngü.
9Tüsho apinü I ki tha, “ Yüzahang tüsho ha ching arünü arhimokhi mihbukmuyuk tüsho athraneanbebo kheahang.” 10Jumonü inü yüzah tüsho kheah, tüsho rhübo kheak chinde atsahbe, athraneanbe shiwühbo thrünkihkhi tüsho Israel yamkhün sangthsübo alala ngü. 11Jurü mikhuh ching Israel yamkhün azothsürübo 70 zhip tüsho Shaphan tsührü Jaazania arü bolung zhipde alakheah. Mihbüm aban khah ching mophüh lakheah, tüsho rhümthünea mokhüh liukihde alakheah. 12Apinü I ki tha, “Mihtsürü tsührü, Israel yamkhün azothsürübonü nihbuh sangthsü kingaünpung ching ramde tümü rhimochonü ngünah? Arünü tha, ‘Atungpuhnü isa müngü; Atungpuhnü alomi bahyukdo.’” 13Kheaküshe apinü tha, “Arünü alü athraneanbe rhimokhi nünü angübah.”
14Jushu apinü I Atungpuh yam ripit dukulim limro kheak bedarü, tüsho ju ching aliberübo Tammuz#Shebah ashikampü asürübe thrünpuh. mitripde abinkhi I ki huh. 15Apinü I ki tha, “Mihtsürü tsührü, nünü ha ngüchonah? Ha kheaknü alü athraneanbebo nünü angübah.”
16Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.
17Apinü I ki tha, “Mihtsürü tsührü, nünü ha ngünah? Juda yamkhünnü ha ching athraneanbe rhimokhi ha anikhüh-a de? Arünü athsümünimnü lomi she amishihba de tüsho mutuklode I bukakhiukshihba de? Arünü khide mükhemükimde arhimokhi kheahang! 18Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”
Currently Selected:
EZEKIEL 8: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EZEKIEL 8
8
Jirusalem ching Sangthsü Kingaün
1Kam thuruk, khinu thuruk nimung phüngü nipü, küyimki I yam ching I binde lakhea tüsho Juda azothsürübo I miki binde lakhea, Wuto Atungpuh khah I kheak arü. 2Inü kheah, tüsho inü mihtsürü jakphü nangde ngü. Api chim abolim ju mo nangde la, tüsho junü akulim ju müwayinchi phezhingzhingkhi nangde la. 3Apinü khah nangde chungkhit tüsho I kuyü kheaknü zünga lu. Menü I alomi le yinmi dükeak shuhkih tüsho Thrünpuh michih ching apinü I Jirusalem lim, alungbe khikzhakpung dukulim ripit yüzahpung, sangthsünü Thrünpuh bukakhiukshihpung bebah yüzah. 4Tüsho inü adükhün ching michih ngükhi nangde, I miki Israel Thrünpuh müretahkhi lakheah.
5Judüki apinü I ki tha, “Mihtsürü tsührü, dukulim kheahang.” Jumonü inü kheah, tüsho kingaün sadam ripit dukulim yüzah lim inü ha mükthsüshihkhi sangthsü ngü. 6Apinü I ki tha, “Mihtsürü tsührü, Israel yamkhünnü I arüngyam chingnü limshude yanabahde athraneanbe ato rhimokhi nünü ngüchonah? Tütüshe nünü kheaküshe athraneanbebo atobe ngübah.”
7Jushu apinü I khikzhakpung limro bebah arü. Inü kheah, tüsho inü rhü ching akhün khülang ngü. 8Apinü I ki tha, “Mihtsürü tsührü, kheakü rhü yeahshungang.” Jumonü inü rhü yeahshung tüsho ju ching ripit-limro khülang ngü.
9Tüsho apinü I ki tha, “ Yüzahang tüsho ha ching arünü arhimokhi mihbukmuyuk tüsho athraneanbebo kheahang.” 10Jumonü inü yüzah tüsho kheah, tüsho rhübo kheak chinde atsahbe, athraneanbe shiwühbo thrünkihkhi tüsho Israel yamkhün sangthsübo alala ngü. 11Jurü mikhuh ching Israel yamkhün azothsürübo 70 zhip tüsho Shaphan tsührü Jaazania arü bolung zhipde alakheah. Mihbüm aban khah ching mophüh lakheah, tüsho rhümthünea mokhüh liukihde alakheah. 12Apinü I ki tha, “Mihtsürü tsührü, Israel yamkhün azothsürübonü nihbuh sangthsü kingaünpung ching ramde tümü rhimochonü ngünah? Arünü tha, ‘Atungpuhnü isa müngü; Atungpuhnü alomi bahyukdo.’” 13Kheaküshe apinü tha, “Arünü alü athraneanbe rhimokhi nünü angübah.”
14Jushu apinü I Atungpuh yam ripit dukulim limro kheak bedarü, tüsho ju ching aliberübo Tammuz#Shebah ashikampü asürübe thrünpuh. mitripde abinkhi I ki huh. 15Apinü I ki tha, “Mihtsürü tsührü, nünü ha ngüchonah? Ha kheaknü alü athraneanbebo nünü angübah.”
16Jushu apinü I Atungpuh yam khikzhakpung alungbe ching bede yüzah tüsho arüngyam limro kheak mükü le kingaün sadam dükeak mihtsürü 25 lakheah. Arü düthsün Atungpuh arüngyam lim thsü tüsho arü miro aniakhiuklim abinbah ani ki khukningde alakheah.
17Apinü I ki tha, “Mihtsürü tsührü, nünü ha ngünah? Juda yamkhünnü ha ching athraneanbe rhimokhi ha anikhüh-a de? Arünü athsümünimnü lomi she amishihba de tüsho mutuklode I bukakhiukshihba de? Arünü khide mükhemükimde arhimokhi kheahang! 18Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.