EZEKIEL 6
6
Atungpuhnü Sangthsü Kingaün Bahyukkhi
1 Atungpuh yu I ki arü: 2Mihtsürü tsührü, nü miro Israel müzüngbo lim anguhang; arü azhihde müchitang, 3tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah. 4Nü yo kingaün sadambo thsümünimbah tüsho nü yo rhümthünea kingaün sadambo kingkheambah; tüsho inü nü mihtsürübo nü sangthsübo mikinü alaksahbah. 5Inü Israel ashemibo arü sangthsübo miki yapshihbah, tüsho nü robo nü kingaün sadambo mühide hiumüzütbah. 6Nü kürü ching labanü, kiutobo thsümünima yapbah tüsho achang dangpungbo thsümünimbah, junangde nü yo kingaün sadambo thsümünima yapbah, nü sangthsübo kingnakbah tüsho thsümünimbah, rhümthünea kingaün sadam kingkheambah, tüsho nü rhimobo dükheakbah. 7Nüsa bolung alaksahkhi yapbah, tüsho I Atungpuh de nünü mükheahbah.
8Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah. 9Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah. 10Tüsho I Atungpuh de arünü mükheahbah; inü ha thsümütsü arü kheak handarüpü akeangkeang ching müzünkhi yung.
11Wuto Atungpuhnü ha thachoh: Nü khahbo damang tüsho nü jingbo adande Israel yamkhünnü mihbukmuyuk tüsho athraneanbe rhimokhi alala dünkheaknü “Aha!” de zhiang, tümüde arübo nukshang, khümzung tüsho arümnü akeambah. 12Api shepü limshude lanü arümnü ashebah, tüsho shepü phünide lanü nukshangnü akeambah, tüsho shepü rhangdung lanü tüsho aninga lanü khümzungnü ashebah. Junangde I mulong zhipzhip arü kheak labah. 13Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah. 14Tüsho inü arü azhihde I khah chungkhitbah tüsho loshelo chingnü Bibla khiungde alomi ju thsümünima zhikrangkhündo kamshihbah. Judüki I Atungpuh de arünü mükheahbah.
Currently Selected:
EZEKIEL 6: YIMCBSI
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
EZEKIEL 6
6
Atungpuhnü Sangthsü Kingaün Bahyukkhi
1 Atungpuh yu I ki arü: 2Mihtsürü tsührü, nü miro Israel müzüngbo lim anguhang; arü azhihde müchitang, 3tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah. 4Nü yo kingaün sadambo thsümünimbah tüsho nü yo rhümthünea kingaün sadambo kingkheambah; tüsho inü nü mihtsürübo nü sangthsübo mikinü alaksahbah. 5Inü Israel ashemibo arü sangthsübo miki yapshihbah, tüsho nü robo nü kingaün sadambo mühide hiumüzütbah. 6Nü kürü ching labanü, kiutobo thsümünima yapbah tüsho achang dangpungbo thsümünimbah, junangde nü yo kingaün sadambo thsümünima yapbah, nü sangthsübo kingnakbah tüsho thsümünimbah, rhümthünea kingaün sadam kingkheambah, tüsho nü rhimobo dükheakbah. 7Nüsa bolung alaksahkhi yapbah, tüsho I Atungpuh de nünü mükheahbah.
8Tüshe inü khürü aningshihbah, tümüde nüsa lomibo tüsho trükshih bolung müzütchoki nüsa khürü nukshang chingnü atsokhitbah. 9Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah. 10Tüsho I Atungpuh de arünü mükheahbah; inü ha thsümütsü arü kheak handarüpü akeangkeang ching müzünkhi yung.
11Wuto Atungpuhnü ha thachoh: Nü khahbo damang tüsho nü jingbo adande Israel yamkhünnü mihbukmuyuk tüsho athraneanbe rhimokhi alala dünkheaknü “Aha!” de zhiang, tümüde arübo nukshang, khümzung tüsho arümnü akeambah. 12Api shepü limshude lanü arümnü ashebah, tüsho shepü phünide lanü nukshangnü akeambah, tüsho shepü rhangdung lanü tüsho aninga lanü khümzungnü ashebah. Junangde I mulong zhipzhip arü kheak labah. 13Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah. 14Tüsho inü arü azhihde I khah chungkhitbah tüsho loshelo chingnü Bibla khiungde alomi ju thsümünima zhikrangkhündo kamshihbah. Judüki I Atungpuh de arünü mükheahbah.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.