2 KORINT 13
13
Akheam Atünadoyu tüsho Salüm
1I ha mahsam kipü nüsa kilim arüchoh. “Mahne yungsho mahsam thiyumütsan hode lüpdükhi mütsanmükhibeah.” 2I nüsa lung mahne kipü lachoki inü nüsa ki düh de thaabahdo. Kheakü I mülachoki thalochoh: I alode arüchoki püpüki neak yihbeakrü yungsho püpürü she inü müdükhe, 3tümütüsho Khristanü I hode asukchoh de nüsa künkhi alala nüsanü amütsanbah. Apinü nüsa lung yihnüpü thsüchoki api yiuhyiuhde müla, tüshe nüsa bolung api wu huhchoh. 4Tümüde api sühmüh mülakhi ching yümkih, tüshe Thrünpuh wu hode lah. Tümüde isa api lung sühmüh müla, tüshe nüsa lung rhimokhi chingnü Thrünpuh wu hode isa api lung labah.
5Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho! 6Isanü mülakphahkhi nüsanü amükheahbah de inü kinlah. 7Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah. 8Tümüde isanü thiyuro azhihde tümü müthsükhuk, tüshe thiyuro thsungkheak lang ah. 9Küyimki isa reangmüzahba tüsho nüsa reangzahbanü isanü asühchoh, isa tamkhüntamnü ju nüsa alü thsüpü thsungkheak ah. 10Küyimki I arübanü, athokheampü yungde athsükihpü Atungpuhnü I kilim jihkhi thiyukhüm-sühmüh ahorikhi ching inü mümüküppü thsüde I nüsa kheaknü limshude alachoki inü ha thrütchoh.
11Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah. 12Amüsüh mün müthsüpkhinü khülangnü khülang ki salüm jihachihang. 13Amüsührü alalanü nüsa kilim salüm jihchoh.
14Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.
Currently Selected:
2 KORINT 13: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 KORINT 13
13
Akheam Atünadoyu tüsho Salüm
1I ha mahsam kipü nüsa kilim arüchoh. “Mahne yungsho mahsam thiyumütsan hode lüpdükhi mütsanmükhibeah.” 2I nüsa lung mahne kipü lachoki inü nüsa ki düh de thaabahdo. Kheakü I mülachoki thalochoh: I alode arüchoki püpüki neak yihbeakrü yungsho püpürü she inü müdükhe, 3tümütüsho Khristanü I hode asukchoh de nüsa künkhi alala nüsanü amütsanbah. Apinü nüsa lung yihnüpü thsüchoki api yiuhyiuhde müla, tüshe nüsa bolung api wu huhchoh. 4Tümüde api sühmüh mülakhi ching yümkih, tüshe Thrünpuh wu hode lah. Tümüde isa api lung sühmüh müla, tüshe nüsa lung rhimokhi chingnü Thrünpuh wu hode isa api lung labah.
5Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho! 6Isanü mülakphahkhi nüsanü amükheahbah de inü kinlah. 7Kheakü nüsanü amülim tümü mürhimopü isanü Thrünpuh ki tamkhüntamnüchoh. Rükakheahkhi isanü kukdo de mihtsürünü angüshihbe yung tüshe isa mukukzamkhi nangde lalashe nüsanü tümü alimanü arhimobah. 8Tümüde isanü thiyuro azhihde tümü müthsükhuk, tüshe thiyuro thsungkheak lang ah. 9Küyimki isa reangmüzahba tüsho nüsa reangzahbanü isanü asühchoh, isa tamkhüntamnü ju nüsa alü thsüpü thsungkheak ah. 10Küyimki I arübanü, athokheampü yungde athsükihpü Atungpuhnü I kilim jihkhi thiyukhüm-sühmüh ahorikhi ching inü mümüküppü thsüde I nüsa kheaknü limshude alachoki inü ha thrütchoh.
11Akheam thsüde keoniorübo, chode. Nüsa limrobo thsarihang, inü atuthsukkhi aniang, khülangnü khülang ki ayeang, mungtsü ching laang, tüsho amuzho tüsho mungtsü Thrünpuh nüsa lung labah. 12Amüsüh mün müthsüpkhinü khülangnü khülang ki salüm jihachihang. 13Amüsührü alalanü nüsa kilim salüm jihchoh.
14Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.