2 KORINT 12
12
Paul Michih tüsho Amikheak Akhiukkhibo
1Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü. 2Kam thürükheak phüyi tsodo, inü mükheahkhi Khrista ching mihtsürü khülang yinmi mahsampü ching bekih–pang bede a shi pang mübenü inü mümükheah, Thrünpuhnü mükheahlah. 3Tüsho ha mihtsürü asühpung ching bede yükih de inü mükheahlah–pang bede a shi pang mübenü inü mümükheah, Thrünpuhnü mükheahlah– 4tüsho mihtsürü münnü müthakhukbe tümüanü apinü so. 5Hadürü mihtsürü dünkheak inü kükheangbah, tüshe I reangmüzahkhibo dünkheak düna, I dünkheak inü mükükheang. 6Inü akükheangpü thsüa lalashe, I mümakha, tümütüsho inü thiyuro asukbah, tüshe inü jude müthsü, junangde shenü she I kheak ngükhi yungsho asokhi hobah I dünkheak alü mülümde alabah. 7Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih. 8Ha I kheaknü lude atsopü inü Atungpuh ki mahsam ki mushu. 9Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah. 10Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.
Paulnü Korintrü thsungkheak Lümjihkhi
11I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah. 12I amüsüh-thsangyurü ah de amütsankhi nüsa bolung khinthiyinbe tüsho amüyinsahbebo ahihdo khide arümkheamde rhimodo. 13Inü nüsa kheak hahmülang müjihkhi kheak hode, püpürü borübo kheaknü nüsa küdükhüh abobe lakhea? Ha amülim I ki neak bahjang.
14Kheakü inü mahsam kipü nüsa rhuakheahpü thsakhambah lah, tüshe I nüsa ki hahmülang mükam, tümütüsho inü alunekhi ju nüsa lakhit yung tüshe nüsa ah; tümüde tsührübonü bebuhrü khilim yung tüshe bebuhrübonü tsührübo khilim zojihbeah. 15Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de? 16Nüsa ki hahmülang müjih de nüsanü amulongbah. Tüshe inü rük thsüde nüsa mülapyukdo de nüsa khürünü thachoh! 17Inü nüsa kilim thiyirü hode nüsa thsümüchia la de? 18Inü Tita yüpü tuthsuk, tüsho keoniorü api lung thiyi. Titanü nüsa thsümüchih-a la de? Ikenü lümkhi rukhüh rhimokhi yung de? Ikenü jingdükü rukhüh dükükhi yung de? 19Isanü nüsa ki isa dün chilode arükheah de nüsanü lümde alakhea de? Khrista ching larü nangde isanü Thrünpuh miki asukde alakheah; tüsho amuzho müyamrübo, isanü arhimokhi alala nüsa düküngpü thsungkheak ah. 20Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah. 21Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.
Currently Selected:
2 KORINT 12: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 KORINT 12
12
Paul Michih tüsho Amikheak Akhiukkhibo
1Alü thsüpü tümü mülalashe inü akükheangpü lah; tüshe inü Atungpuh michihbo tüsho amikheak akhiukkhibo thaanü. 2Kam thürükheak phüyi tsodo, inü mükheahkhi Khrista ching mihtsürü khülang yinmi mahsampü ching bekih–pang bede a shi pang mübenü inü mümükheah, Thrünpuhnü mükheahlah. 3Tüsho ha mihtsürü asühpung ching bede yükih de inü mükheahlah–pang bede a shi pang mübenü inü mümükheah, Thrünpuhnü mükheahlah– 4tüsho mihtsürü münnü müthakhukbe tümüanü apinü so. 5Hadürü mihtsürü dünkheak inü kükheangbah, tüshe I reangmüzahkhibo dünkheak düna, I dünkheak inü mükükheang. 6Inü akükheangpü thsüa lalashe, I mümakha, tümütüsho inü thiyuro asukbah, tüshe inü jude müthsü, junangde shenü she I kheak ngükhi yungsho asokhi hobah I dünkheak alü mülümde alabah. 7Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih. 8Ha I kheaknü lude atsopü inü Atungpuh ki mahsam ki mushu. 9Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah. 10Jumonü Khrista dünkheaknü inü reangmüzahkhi, mükhemükim, küpkhuk, thsümüchi, tüsho thsümütsübo kheak reangkeamlah; tümüde küyimki I reangmüzahbanü, I sühmüh lah.
Paulnü Korintrü thsungkheak Lümjihkhi
11I makharü lakheah, tüshe ju nüsanü akamshihkheah. Tümüde nüsanü I shijihpü lakheah; tümütüsho I tümü mükama lalashe harü “adungto amüsüh-thsangyurübo” ki I aninibe yungde alakheah. 12I amüsüh-thsangyurü ah de amütsankhi nüsa bolung khinthiyinbe tüsho amüyinsahbebo ahihdo khide arümkheamde rhimodo. 13Inü nüsa kheak hahmülang müjihkhi kheak hode, püpürü borübo kheaknü nüsa küdükhüh abobe lakhea? Ha amülim I ki neak bahjang.
14Kheakü inü mahsam kipü nüsa rhuakheahpü thsakhambah lah, tüshe I nüsa ki hahmülang mükam, tümütüsho inü alunekhi ju nüsa lakhit yung tüshe nüsa ah; tümüde tsührübonü bebuhrü khilim yung tüshe bebuhrübonü tsührübo khilim zojihbeah. 15Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de? 16Nüsa ki hahmülang müjih de nüsanü amulongbah. Tüshe inü rük thsüde nüsa mülapyukdo de nüsa khürünü thachoh! 17Inü nüsa kilim thiyirü hode nüsa thsümüchia la de? 18Inü Tita yüpü tuthsuk, tüsho keoniorü api lung thiyi. Titanü nüsa thsümüchih-a la de? Ikenü lümkhi rukhüh rhimokhi yung de? Ikenü jingdükü rukhüh dükükhi yung de? 19Isanü nüsa ki isa dün chilode arükheah de nüsanü lümde alakhea de? Khrista ching larü nangde isanü Thrünpuh miki asukde alakheah; tüsho amuzho müyamrübo, isanü arhimokhi alala nüsa düküngpü thsungkheak ah. 20Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah. 21Küyimki I nüsa kilim alode arübanü Thrünpuhnü I nüsa miki azhihayihshihpü tüsho mümüsühkhi, müzammüram, tüsho küpküprara rhimokhi chingnü mulong mümüthrirü ahihdo kurungkheak tüzhopü inü trejihlah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.