GALATIA 1
1
1Amüsüh-thsangyurü Paul–mihtsürü kilimnü yungsho mihtsürü hode yung, tüshe Jisu Khrista tüsho api ashe chingnü arhang kamloshihkhi Abuh Thrünpuh hode– 2tüsho I lung lakhi keoniorü alala kilimnü,
Galatia borübo kilim:
3Isa Abuh Thrünpuh tüsho Atungpuh Jisu Khristanü nüsa kilim amüthsüm tüsho mungtsü jihshang, 4shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah; 5api kilim lünnü lün müretahkhi thsang! Amen.
Thiyusheak-atsü Khülang
6Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh– 7dükdüa püpü thiyusheak-atsü müla, tüshe nüsa küpkhuk jihpü tüsho Khrista thiyusheak-atsü bephülappü khürü lah. 8Tüshe isa, yungsho yinmi ching yunirü thsüthsü, isanü thiyusheakatsü thsangyuthsangrakhi kheaknü püpü thiyusheak-atsü nüsa ki thsangyuthsangrasho, api muthrumüneanshang. 9Isanü püpüki thakhi nangde, kheaküshe inü thalochoh, nüsanü leangkhikhi kheaknü püpü thiyusheak-atsü khürünü nüsa ki thsangyuthsangrasho, api muthrumüneanshang. 10Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.
Amüsüh-thsangyurü thsüpü Jikhi
11Tüshe keoniorübo, inü thsangyuthsangrakhi thiyusheak-atsü ju mihtsürü yo yung de inü nüsa ki mükheahshihnelah. 12Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü. 13#Yunir 8.3; 22.4,5; 26.9-11Tümütüsho inü Thrünpuh borü münchi hode thsümüchi tüsho ju thsümünimpü mürangkhi, Judea ching adüso I rhimo nüsanü sodo. 14#Yunir 22.3I thülün Jihudarü ahihdo kheaknü Judea ching I müngüh ajindo tüsho I buh pürü lalim-yakli thsungkheak khide mulong jihdo. 15#Yunir 9.3-6; 22.6-10; 26.13-18Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü, 16inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam, 17yungsho I müngüh larü amüsüh-thsangyurübo kilim Jirusalem ching muwutu tüshe inü Arabia lim yü tüsho Damaska lim alode arü.
18 #
Yunir 9.26-30
Jushu kam mahsam dunglim Kephas rhua kheahpü I Jirusalem lim wutu, tüsho api lung nimung thürükheak phüngü mung. 19Tüshe Atungpuh niurü Jakob kheak hode inü püpürü amüsüh-thsangyurü sheshe müngü. 20(Inü nüsa ki tümü thrütchonü akeangyu yung de Thrünpuh miki lungdode thachoh.) 21Jushu I Siria tüsho Kilikia lomibo ching yü. 22Tüsho Judea ching Khrista borübonü I mümükheahyide alakheah; 23arünü ha lang thade so, “Shepünü isa thsümüchikheanü kheakü apinü khülangki athsümnimpü mürangkhi akin thsangyuthsangrachoh.” 24Tüsho I dünkheaknü arünü Thrünpuh müretah.
Currently Selected:
GALATIA 1: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
GALATIA 1
1
1Amüsüh-thsangyurü Paul–mihtsürü kilimnü yungsho mihtsürü hode yung, tüshe Jisu Khrista tüsho api ashe chingnü arhang kamloshihkhi Abuh Thrünpuh hode– 2tüsho I lung lakhi keoniorü alala kilimnü,
Galatia borübo kilim:
3Isa Abuh Thrünpuh tüsho Atungpuh Jisu Khristanü nüsa kilim amüthsüm tüsho mungtsü jihshang, 4shepünü isa Thrünpuh tüsho Abuh lümkhi yande ha amütsü lün chingnü isa zuzu kamshihpü isa neakbo dünkheak api jihabah; 5api kilim lünnü lün müretahkhi thsang! Amen.
Thiyusheak-atsü Khülang
6Khrista amüthsüm ching nüsa jibuh nahde bahkhibah püpü thiyusheak-atsü lim tsokhi inü müyinsahchoh– 7dükdüa püpü thiyusheak-atsü müla, tüshe nüsa küpkhuk jihpü tüsho Khrista thiyusheak-atsü bephülappü khürü lah. 8Tüshe isa, yungsho yinmi ching yunirü thsüthsü, isanü thiyusheakatsü thsangyuthsangrakhi kheaknü püpü thiyusheak-atsü nüsa ki thsangyuthsangrasho, api muthrumüneanshang. 9Isanü püpüki thakhi nangde, kheaküshe inü thalochoh, nüsanü leangkhikhi kheaknü püpü thiyusheak-atsü khürünü nüsa ki thsangyuthsangrasho, api muthrumüneanshang. 10Kheakü inü mihtsürü asühshihpü a shi Thrünpuh asühshihpü mürangcho? Yungsho inü mihtsürü asühshihpü mürangcho de? Inü mihtsürü asühshihchokhülaa, I Khrista yamlarü müthsüde alabah.
Amüsüh-thsangyurü thsüpü Jikhi
11Tüshe keoniorübo, inü thsangyuthsangrakhi thiyusheak-atsü ju mihtsürü yo yung de inü nüsa ki mükheahshihnelah. 12Tümüde inü ju mihtsürü kilimnü müleangkhi, yungsho I ki müthsangyu, tüshe Jisu Khrista amikheak akhiukkhi hode arü. 13#Yunir 8.3; 22.4,5; 26.9-11Tümütüsho inü Thrünpuh borü münchi hode thsümüchi tüsho ju thsümünimpü mürangkhi, Judea ching adüso I rhimo nüsanü sodo. 14#Yunir 22.3I thülün Jihudarü ahihdo kheaknü Judea ching I müngüh ajindo tüsho I buh pürü lalim-yakli thsungkheak khide mulong jihdo. 15#Yunir 9.3-6; 22.6-10; 26.13-18Tüshe küyimki api amüthsüm hode I be buk chingnü I mokhitde ajibuh Thrünpuh asühkhinü, 16inü khiungkerü bolung api thsangyuthsangrapü api tsührü I kheak akhiukpü lakhea, inü mihtsürü ki keokhikeorapü müniokheam, 17yungsho I müngüh larü amüsüh-thsangyurübo kilim Jirusalem ching muwutu tüshe inü Arabia lim yü tüsho Damaska lim alode arü.
18 #
Yunir 9.26-30
Jushu kam mahsam dunglim Kephas rhua kheahpü I Jirusalem lim wutu, tüsho api lung nimung thürükheak phüngü mung. 19Tüshe Atungpuh niurü Jakob kheak hode inü püpürü amüsüh-thsangyurü sheshe müngü. 20(Inü nüsa ki tümü thrütchonü akeangyu yung de Thrünpuh miki lungdode thachoh.) 21Jushu I Siria tüsho Kilikia lomibo ching yü. 22Tüsho Judea ching Khrista borübonü I mümükheahyide alakheah; 23arünü ha lang thade so, “Shepünü isa thsümüchikheanü kheakü apinü khülangki athsümnimpü mürangkhi akin thsangyuthsangrachoh.” 24Tüsho I dünkheaknü arünü Thrünpuh müretah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.