2 KORINT 11
11
Paul tüsho Arükchih Amüsüh-thsangyurübo
1I anükhüh mudukmükea lalashe nüsanü arümjang. I lung arümjang! 2Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido. 3Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah. 4Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah. 5Tüshe “adungto amüsüh-thsangyurü” bolung I aninibe ah de inü mülümchoh. 6I athapü ching müzükhita lalashe, I amükheah lah; isanü ha limro aban nüsa kilim mütsandü lang huhdo.
7Nüsa shuhkihpü thsüde inü akeangnü Thrünpuh thiyusheakatsü nüsa ki thsangyuthsangrakhi ju I neak a de? 8Nüsa rungpü thsüde arung leangkhide inü borübo kheaknü jangkhido. 9#Fil 4.15-18Tüsho küyimki I nüsa lung lakhea tüsho yihnüpü lakhea, inü sheshe hahmülang müjih, tümüde I yihnüpübo Macedonia chingnü arükhi I keoniorübonü jih. Junangde ahokhi ching nangde tümü ching she inü nüsa hahmülang müjih. 10Khrista thiyuro I kheak lale, I kükheangkhi Akaia lomi ching zhikde müla. 11Inü nüsa mümuzhomonü ha thacho de? Inü muzholah de Thrünpuhnü mükheahlah!
12Arü kükheangküyang rhimo ching isa nangde rhimochoh de atharü zhipdopü inü tümü rhimochonü mutukzhakde arhimobah. 13Tümüde hadürü mihtsürübo ju arükchih amüsüh-thsangyurübo, mülapyukrübo, Khrista yo amüsühthsangyurübo de müthria huhchoh. 14Tüsho amüyinsahpü müla, tümüde Arimrinü she api ju ayin yo yunirü ah de müthria huhchoh. 15Jumonü api yamlarübonü she thiyuro-lungki yamlarübo ah de müthria huhchoki ju jakso yung. Akheam ching arü rhimonü athülünkhi ngübah.
Amüsüh-thsangyurü Thsümo Paul Thsünükhi
16Inü thalochoh, I makharü de shenü dülümshih; tüshe nüsanü jude thsüa lasho, makharü nangde I leangkhiang, junangde inü anikhüh kükheangpü labah. 17Ha küdahnü mulongramde kükheangkhi ching Atungpuhnü thaang dükhi yung, tüshe makharü khülang nangde thachoh. 18Tümütüsho ahihdonü alomi shih yande kükheangchoh, I she akükheangbah. 19Tümüde nüsanü lümlung lade makharü ki asühde arümdo! 20Khürünü junono she, muyuyu she, jangkhikhi she, nihbuh shuhkihkih she, nüsa miro kheak damdam she nüsanü arümchoh. 21Ju thsungkheak isa khide reangmüzah de I achihbe thsüde inü thachoh!
Tüshe khürünü tümüpürü dünkheak kükheangpü mürangchonü, inü she ju dünkheak kükheangpü mürangchoh de makharü khülang nangde thachoh. 22Arü Ibrirü a shi? I she ah. Arü Israelrü a shi? I she ah. Arü Abraham tsühsoniusobo a shi? I she ah. 23#Yunir 16.23Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo. 24Jihudarünü phüngü ki samrükheak tuku kiki I rhapdo, 25#Yunir 16.22; Yunir 14.19Tsonü mahsam ki I shikdo; khülang ki lungnü ru. Mahsam ki sangkung angakkhi ching be; tüsho tsüngre khülang tüsho nimung khülang keto ching lakheah; 26#Yunir 9.23; Yunir 14.5alochode hantsahchoki ayungbo ching, jangkhijangrarü, I mihtsürübo, khiungkerü kilimnü, kiuto ching, sunglo ching, keto ching, arükchih keoniorübo kilimnü atrebe lakheah; 27rozhakkhi tüsho khisahkhi ching, azhing ching ahihdo ki yapshede müyükhi, ahihdo ki khümkethürikhi, tüsho thsaksahde bünkeang lakheah. 28Püpürübo lung khiode, inü borübo alala thsungkheak lümrhihkhinü mulong kimikhi nimung aban dünji. 29Küyimki khürü reangmüzahbanü, I she reangmüzahde kamchoh; küyimki khürü neak yihbeakbanü, I lümthsününü mide kamchoh.
30Inü kükheanganü dükhülaa, I reangmüzahde ahuhkhibo dünkheak inü kükheangbah. 31Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah. 32#Yunir 9.23-25Damaska ching, kiulongthsüpuh Areta bukkhüp lakhi kovünornü I rampü lümde kiuto chipiripitbo ching aheangrübo zojih, 33tüshe chipi bitkhi chingnü I ju muluk chingnü yükishih tüsho api khah chingnü tsokhit.
Currently Selected:
2 KORINT 11: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
2 KORINT 11
11
Paul tüsho Arükchih Amüsüh-thsangyurübo
1I anükhüh mudukmükea lalashe nüsanü arümjang. I lung arümjang! 2Inü nüsa kheak amüsüh mükthsülah, tümüde inü nüsa ju atsangkhit arhangberü nangde yamkhünbuh khülang, Khrista ki rhangshihpü alokhido. 3Tüshe inü trejihde alakhi ju phurutonü arük hode Eve mülapyukkhi nangde, lümrhangkhi tüsho Khrista kilim shuhmülanga jihkhi chingnü nüsa lümkhibo bephülapde atsobah. 4Tümüde khürünü arübah isanü thsangyuthsangrakhi Jisu kheaknü püpü Jisu thsangyuthsangrasho, yungsho nüsanü leangkhikhi kheaknü püpü me leangkhisho, yungsho nüsanü leangkhikhi kheaknü püpü thiyusheak-atsü leangkhisho, nüsanü thülihkhürado ju khüp laabahbah. 5Tüshe “adungto amüsüh-thsangyurü” bolung I aninibe ah de inü mülümchoh. 6I athapü ching müzükhita lalashe, I amükheah lah; isanü ha limro aban nüsa kilim mütsandü lang huhdo.
7Nüsa shuhkihpü thsüde inü akeangnü Thrünpuh thiyusheakatsü nüsa ki thsangyuthsangrakhi ju I neak a de? 8Nüsa rungpü thsüde arung leangkhide inü borübo kheaknü jangkhido. 9#Fil 4.15-18Tüsho küyimki I nüsa lung lakhea tüsho yihnüpü lakhea, inü sheshe hahmülang müjih, tümüde I yihnüpübo Macedonia chingnü arükhi I keoniorübonü jih. Junangde ahokhi ching nangde tümü ching she inü nüsa hahmülang müjih. 10Khrista thiyuro I kheak lale, I kükheangkhi Akaia lomi ching zhikde müla. 11Inü nüsa mümuzhomonü ha thacho de? Inü muzholah de Thrünpuhnü mükheahlah!
12Arü kükheangküyang rhimo ching isa nangde rhimochoh de atharü zhipdopü inü tümü rhimochonü mutukzhakde arhimobah. 13Tümüde hadürü mihtsürübo ju arükchih amüsüh-thsangyurübo, mülapyukrübo, Khrista yo amüsühthsangyurübo de müthria huhchoh. 14Tüsho amüyinsahpü müla, tümüde Arimrinü she api ju ayin yo yunirü ah de müthria huhchoh. 15Jumonü api yamlarübonü she thiyuro-lungki yamlarübo ah de müthria huhchoki ju jakso yung. Akheam ching arü rhimonü athülünkhi ngübah.
Amüsüh-thsangyurü Thsümo Paul Thsünükhi
16Inü thalochoh, I makharü de shenü dülümshih; tüshe nüsanü jude thsüa lasho, makharü nangde I leangkhiang, junangde inü anikhüh kükheangpü labah. 17Ha küdahnü mulongramde kükheangkhi ching Atungpuhnü thaang dükhi yung, tüshe makharü khülang nangde thachoh. 18Tümütüsho ahihdonü alomi shih yande kükheangchoh, I she akükheangbah. 19Tümüde nüsanü lümlung lade makharü ki asühde arümdo! 20Khürünü junono she, muyuyu she, jangkhikhi she, nihbuh shuhkihkih she, nüsa miro kheak damdam she nüsanü arümchoh. 21Ju thsungkheak isa khide reangmüzah de I achihbe thsüde inü thachoh!
Tüshe khürünü tümüpürü dünkheak kükheangpü mürangchonü, inü she ju dünkheak kükheangpü mürangchoh de makharü khülang nangde thachoh. 22Arü Ibrirü a shi? I she ah. Arü Israelrü a shi? I she ah. Arü Abraham tsühsoniusobo a shi? I she ah. 23#Yunir 16.23Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo. 24Jihudarünü phüngü ki samrükheak tuku kiki I rhapdo, 25#Yunir 16.22; Yunir 14.19Tsonü mahsam ki I shikdo; khülang ki lungnü ru. Mahsam ki sangkung angakkhi ching be; tüsho tsüngre khülang tüsho nimung khülang keto ching lakheah; 26#Yunir 9.23; Yunir 14.5alochode hantsahchoki ayungbo ching, jangkhijangrarü, I mihtsürübo, khiungkerü kilimnü, kiuto ching, sunglo ching, keto ching, arükchih keoniorübo kilimnü atrebe lakheah; 27rozhakkhi tüsho khisahkhi ching, azhing ching ahihdo ki yapshede müyükhi, ahihdo ki khümkethürikhi, tüsho thsaksahde bünkeang lakheah. 28Püpürübo lung khiode, inü borübo alala thsungkheak lümrhihkhinü mulong kimikhi nimung aban dünji. 29Küyimki khürü reangmüzahbanü, I she reangmüzahde kamchoh; küyimki khürü neak yihbeakbanü, I lümthsününü mide kamchoh.
30Inü kükheanganü dükhülaa, I reangmüzahde ahuhkhibo dünkheak inü kükheangbah. 31Lünnü ashijihpü lakhi Atungpuh Jisu Abuh tüsho Thrünpuhnü inü akeangyu müthachoh de mükheahlah. 32#Yunir 9.23-25Damaska ching, kiulongthsüpuh Areta bukkhüp lakhi kovünornü I rampü lümde kiuto chipiripitbo ching aheangrübo zojih, 33tüshe chipi bitkhi chingnü I ju muluk chingnü yükishih tüsho api khah chingnü tsokhit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.