1 JOHAN 4
4
Thiyuro Me tüsho Arükchih
1Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo. 2Ha hode nüsanü Thrünpuh Me mükheahbah: Jisu Khrista ju mihtsürü kambah arüdo de mütsanmükhikhi me aban Thrünpuh kilimnü lah, 3tüshe Jisu reanglokhi me aban Thrünpuh kilimnü yung. Haju arüchoh de nüsanü asokhi Khrista azhihrü ah, tüsho kheakü ha alomi ching lah. 4I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah. 5Arübo alomi yo ah, jumonü arünü tümü thachonü alomi yo ah, tüsho alominü arü ki anichoh.
6Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.
Thrünpuh Ju Amuzho
7Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah. 8Shepünü mümuzhonü Thrünpuh mümükheah; tümüde Thrünpuh ju amuzho ah. 9Hanangde Thrünpuhnü isa bolung api amuzho huh: isanü api hode alapü thsüde Thrünpuhnü api tsührü lapkhiung lakhi alomi ching arüshih. 10Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih. 11Amuzho müyamrübo, Thrünpuhnü junangde isa muzhokheasho, isanü she khülangnü khülang muzhoachihbeah. 12#Jhn 1.18Mihtsürü shenü she Thrünpuh müngüakheah; isanü khülangnü khülang muzhoachihsho, Thrünpuh isa lung lah tüsho api amuzho isa kheak banthsangde lah.
13Ha hode isa api kheak lah tüsho api isa kheak lah de isanü mükheahlah, tümütüsho apinü api Me isa kilim jih. 14Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh. 15Shepünü Jisu ju Thrünpuh tsührü ah de alokhichonü Thrünpuh api kheak lachoh, tüsho api Thrünpuh kheak lachoh. 16Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh. 17Hanangde mahkhap nimung isanü mulong topü thsüde isa bolung amuzho ju banthsangde kamshih, tümütüsho ha lomi ching isa api nangde lah. 18Amuzho ching atrepü müla, tüsho banthsangkhi amuzhonü atrepü yankhita bahchoh. Tümüde atrepü ju thsümüchibe lah, tüsho shepünü trechonü amuzho ching mübanthsang. 19Isanü muzhochoh, tümütüsho apinü akhuhde isa muzho. 20Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk. 21Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.
Currently Selected:
1 JOHAN 4: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 JOHAN 4
4
Thiyuro Me tüsho Arükchih
1Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo. 2Ha hode nüsanü Thrünpuh Me mükheahbah: Jisu Khrista ju mihtsürü kambah arüdo de mütsanmükhikhi me aban Thrünpuh kilimnü lah, 3tüshe Jisu reanglokhi me aban Thrünpuh kilimnü yung. Haju arüchoh de nüsanü asokhi Khrista azhihrü ah, tüsho kheakü ha alomi ching lah. 4I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah. 5Arübo alomi yo ah, jumonü arünü tümü thachonü alomi yo ah, tüsho alominü arü ki anichoh.
6Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.
Thrünpuh Ju Amuzho
7Amuzho müyamrübo, isanü khülangnü khülang muzhoachihanü; tümüde amuzho ju Thrünpuh kilimnü ah, tüsho shepünü muzhochonü Thrünpuh tsührü ah tüsho Thrünpuh mükheahlah. 8Shepünü mümuzhonü Thrünpuh mümükheah; tümüde Thrünpuh ju amuzho ah. 9Hanangde Thrünpuhnü isa bolung api amuzho huh: isanü api hode alapü thsüde Thrünpuhnü api tsührü lapkhiung lakhi alomi ching arüshih. 10Ha amuzho lah: isanü Thrünpuh muzhokhinü yung, tüshe apinü isa muzho tüsho isa neak dünthsükhipü api tsührü arüshih. 11Amuzho müyamrübo, Thrünpuhnü junangde isa muzhokheasho, isanü she khülangnü khülang muzhoachihbeah. 12#Jhn 1.18Mihtsürü shenü she Thrünpuh müngüakheah; isanü khülangnü khülang muzhoachihsho, Thrünpuh isa lung lah tüsho api amuzho isa kheak banthsangde lah.
13Ha hode isa api kheak lah tüsho api isa kheak lah de isanü mükheahlah, tümütüsho apinü api Me isa kilim jih. 14Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh. 15Shepünü Jisu ju Thrünpuh tsührü ah de alokhichonü Thrünpuh api kheak lachoh, tüsho api Thrünpuh kheak lachoh. 16Jumonü Thrünpuhnü isa thsungkheak amuzho lah de isanü mükheahlah tüsho kinchoh. Thrünpuh ju amuzho ah, tüsho shepü amuzho ching lanü Thrünpuh kheak lachoh, tüsho Thrünpuh api kheak lachoh. 17Hanangde mahkhap nimung isanü mulong topü thsüde isa bolung amuzho ju banthsangde kamshih, tümütüsho ha lomi ching isa api nangde lah. 18Amuzho ching atrepü müla, tüsho banthsangkhi amuzhonü atrepü yankhita bahchoh. Tümüde atrepü ju thsümüchibe lah, tüsho shepünü trechonü amuzho ching mübanthsang. 19Isanü muzhochoh, tümütüsho apinü akhuhde isa muzho. 20Khürünü, “Inü Thrünpuh muzholah,” de thabah api keoniorü thraneansho, api akeangyu tharü ah; tümüde shepünü apinü angükhi keoniorü mümuzhonü apinü amüngükhi Thrünpuh mümuzhokhuk. 21Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.