1 JOHAN 3
3
Thrünpuh Tsührübo
1 #
Jhn 1.12
Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah. 2Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah. 3Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.
4Neak yihbeakrü abannü yakzan thsümünimkhi amülim lah; neak ju yakzan thsümünimkhi ah. 5#Jhn 1.29Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla. 6Api kheak larü sheshe neak müyihbeakchoh; neak yihbeakrü shenü she api müngü yungsho api mümükheah. 7Azürübo, shenü she nüsa dümülapyukshih. Api thiyuro-lungki lakhi hode shepünü alungki rhimochonü thiyurolungkirü ah. 8Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah. 9Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah. 10Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.
Khülangnü Khülang Muzhoachihang
11 #
Jhn 13.34
Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah, 12tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah. 13Keoniorübo, alominü nüsa thraneankhi dümüyinsah. 14#Jhn 5.24Isanü keoniorü muzhokhinü ashe chingnü rhangdung lapü ching wukhiukdo de isanü mükheahlah. Shepünü mümuzhonü ashekhi ching lah. 15Shepünü nihbuh keoniorü thraneanchonü mihkhukrü ah, tüsho mihkhukrü kheak lün rhangdung müla de nüsanü mükheahlah. 16Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah. 17Tüshe shepü alomi kukrukbo labah api keoniorü yihnüpü lakhi ngücho, tütüshe api azhihde api mulong rihdosho, küde thsah Thrünpuh amuzho api kheak lapü? 18Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.
Thrünpuh miki Mulong Tokhi
19Ha hode isa ju thiyuro yo ah de isanü amükheahbah, tüsho api miki isa mulongbo adüngakhi thsülobah. 20Küyimki isa mulongnü isa bahyukbanü, Thrünpuh ju isa mulong kheaknü atobe ah de isanü mükheahchoh, tüsho apinü lüpdükhi mükheahlah. 21Amuzho müyamrübo, isa mulongnü isa mübahyuksho, Thrünpuh miki isa mulongram lah; 22tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh. 23#Jhn 13.34; 15.12,17Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah. 24Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.
Currently Selected:
1 JOHAN 3: YIMCBSI
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.
1 JOHAN 3
3
Thrünpuh Tsührübo
1 #
Jhn 1.12
Isa Thrünpuh tsührü de ajipü thsüde Abuhnü küdükhüh isa muzholanü kheahang; tüsho junangde isa lah. Alominü isa mümükheahkhi amütsan ju api mümükheahkhinü ah. 2Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah. 3Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.
4Neak yihbeakrü abannü yakzan thsümünimkhi amülim lah; neak ju yakzan thsümünimkhi ah. 5#Jhn 1.29Neakbo lude atsopü api amikheak akhiukdo de nüsanü mükheahlah; tüsho api kheak neak tümü müla. 6Api kheak larü sheshe neak müyihbeakchoh; neak yihbeakrü shenü she api müngü yungsho api mümükheah. 7Azürübo, shenü she nüsa dümülapyukshih. Api thiyuro-lungki lakhi hode shepünü alungki rhimochonü thiyurolungkirü ah. 8Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah. 9Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah. 10Ha Thrünpuh tsührübo le arimri tsührübo dükeak mütsankhi lah: Shepünü alungki mürhimocho, yungsho nihbuh keoniorü mümuzhonü Thrünpuh tsührü yung.
Khülangnü Khülang Muzhoachihang
11 #
Jhn 13.34
Tümüde isanü khülangnü khülang muzhoachihbeah dükhi ha atankih chingnü nüsanü isa kheaknü asokhi thiyusheak lah, 12tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah. 13Keoniorübo, alominü nüsa thraneankhi dümüyinsah. 14#Jhn 5.24Isanü keoniorü muzhokhinü ashe chingnü rhangdung lapü ching wukhiukdo de isanü mükheahlah. Shepünü mümuzhonü ashekhi ching lah. 15Shepünü nihbuh keoniorü thraneanchonü mihkhukrü ah, tüsho mihkhukrü kheak lün rhangdung müla de nüsanü mükheahlah. 16Isa rhangdung dünkheak api rhangdung jihkhi hode isanü amuzho mükheahlah; tüsho isanü keoniorü thsungkheak isa rhangdung jihbeah. 17Tüshe shepü alomi kukrukbo labah api keoniorü yihnüpü lakhi ngücho, tütüshe api azhihde api mulong rihdosho, küde thsah Thrünpuh amuzho api kheak lapü? 18Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.
Thrünpuh miki Mulong Tokhi
19Ha hode isa ju thiyuro yo ah de isanü amükheahbah, tüsho api miki isa mulongbo adüngakhi thsülobah. 20Küyimki isa mulongnü isa bahyukbanü, Thrünpuh ju isa mulong kheaknü atobe ah de isanü mükheahchoh, tüsho apinü lüpdükhi mükheahlah. 21Amuzho müyamrübo, isa mulongnü isa mübahyuksho, Thrünpuh miki isa mulongram lah; 22tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh. 23#Jhn 13.34; 15.12,17Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah. 24Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yimkhiung Naga CL Bible - AMÜSÜH HÜM
Copyright © 2008 by The Bible Society of India
Used by permission. All rights reserved worldwide.